Fréttatíminn - 08.02.2013, Blaðsíða 26

Þjáist þú af
mígreni?
erum við bara að klára þetta. Við
eigum enn eftir að ákveða hvað
platan á að heita. Hann er að spá...
við erum að spá. Það er ekki alveg
komið á hreint.“
John Grant er mjög hrifinn af
Ásgeiri Trausta og tónlist hans.
Auk þess að þýða textana fyrir
ensku útgáfuna hefur hann verið
viðstaddur upptökur á söng Ás-
geirs fyrir umrædda útgáfu. Hefur
Grant að sögn verið afar liðtækur
við upptökurnar og til að mynda
aðstoðað Ásgeir með enskan fram-
burð við sönginn.
Mikið tónleikahald fram undan
Eins og fram hefur komið hefur
Ásgeir gert samning við stóra
erlenda umboðsskrifstofu, William
Morris Entertainment. Það er
fyrirtæki sem hefur listamenn á
borð við Björk og Lady Gaga á sín-
um snærum. Samningurinn kom
í gegnum sambönd áðurnefnds
Dereks Birkett. Það er bókarinn
David Levy sem sér um Ásgeir
Trausta innan William Morris
Entertainment og þegar er fjöldi
tónleika bókaður á árinu og meira
í bígerð.
Í næstu viku spilar Ásgeir á
norsku tónlistarhátíðinni By:Larm
en þar eru Norrænu tónlistar-
verðlaunin einmitt afhent. Þá
taka við tónleikar á Sónar-há-
tíðinni í Reykjavík. Því næst fer
hann með alla hljómsveitina sína
á ferðalag um Ameríku dagana 6.
til 24. mars. Þar mun bandið til að
mynda troða upp á South by South-
west tónlistarhátíðinni í Austin í
Texas og á Canadian Music Week
í Toronto. Í apríl fer Ásgeir Trausti
ásamt Júlla, gítarleikara og félaga
sínum að norðan, á tónleikaferða-
lag með Mads Langer um Dan-
mörku. Þá er hann bókaður á G!
festival í Færeyjum hinn 20. júlí,
Pohoda festival í Slóvakíu í sama
mánuði og fleiri tónlistarhátíðir
verða staðfestar á næstunni.
Sagði upp í tónlistarskólanum
Dýrð í dauðaþögn seldist í um 22
þúsund eintökum fyrir síðustu jól.
Hún varð þar með söluhæsta frum-
raun íslensks tónlistarmanns hér
á landi. Vinsældirnar komu öllum
að óvörum og líf þessa tvítuga tón-
listarmanns hefur tekið óvænta
beygju á síðustu mánuðum. Hann
varð til að mynda nýverið að segja
upp starfi sínu sem kennari í tón-
listarskólanum á Hvammstanga.
Hvað gerðist eiginlega á síðasta
ári? Hvernig varð nokkuð saklaus
strákur úr sveitinni allt í einu vin-
sælasta poppstjarna landsins?
„Ég átta mig ekkert á þessu
frekar en aðrir. Kiddi hafði alltaf
rosa mikla trú á þessu og sömu-
leiðis fólk í kringum mann. Mínar
væntingar? Mér hefði fundist
frábært að selja 300 plötur til
heimafólksins. En ég fann reyndar
fljótt að þetta var að fara eitthvað
meira en það. Að þetta yrði framar
væntingum. Ég er samt á svipuð-
um stað í huganum og ég var áður
en allt fór af stað. Maður verður að
halda sér niðri á jörðinni.“
Mamma og pabbi ánægð með
strákinn
Hvernig hefur gengið að halda
sambandi við vini og fjölskyldu
eftir að þetta ævintýri fór í gang?
„Það gengur ágætlega. Maður
býr bara til sinn eigin tíma. Það er
ekki eins og ég sé alltaf upptekinn,
ekki þannig. Maður tekur bara
þau gigg sem maður er bókaður á.
Það versta við þetta er auðvitað að
vinnutíminn er bara einhvern tím-
ann og einhvern tímann. En þetta
bjargast, Mamma og pabbi eru bara
hress. Þeim finnst rosa gaman að
ég hafi eitthvað að gera og gangi
vel. Pabbi er búinn að koma mikið
að þessu dæmi og mun koma að
þessu í náinni framtíð.“
Ásgeir segist eiga nóg af nýjum
lögum en hins vegar er ekki von á
nýrri plötu á þessu ári. „En mjög
líklega á næsta ári,“ segir hann.
Velgengni hans erlendis verður
sumsé til þess að aðdáendur hér
heima þurfa að bíða lengur eftir
nýju efni en ella. Það verður víst
ekki á allt kosið.
„Það sem mér finnst skemmti-
legast við þetta er að gera eitt-
hvað nýtt. Það er að sjálfsögðu
gaman að spila á tónleikum en enn
skemmtilegra að semja og taka
upp. Maður heldur sér gangandi
með því að skapa meira.“
Með gott fólk á bak við sig
Óhætt er að segja að Ásgeir Trausti
hafi verið heppinn með fólk í
kringum sig á þessum stutta en
farsæla ferli. Hér heima hefur hann
verið undir verndarvæng umboðs-
mannins Maríu Rutar Reynisdóttur
og hennar bónda, Kidda í Hjálm-
um sem tók upp plötuna, spilar í
hljómsveitinni og hefur miðlað úr
reynslubanka sínum. Þá er fjöl-
skyldunnar ógetið; Steini bróðir
hans úr Hjálmum hefur verið hjálp-
legur og pabbi hans, Einar Georg
Einarsson, samdi bróðurpart af
textum plötunnar. Ásgeir viður-
kennir að allt þetta fólk eigi mikinn
þátt í velgengninni: „Ég er oft svo
kærulaus á hluti. Það þarf svolítið
að sjá um tímasetningar og annað
fyrir mig. En þau eru líka rosalega
góð í því, María og Kiddi. Þeim
finnst það ábyggilega bara gaman,
eða það ætla ég að vona,“ segir Ás-
geir og hlær við.
Þú hlýtur náttúrlega að vera
orðinn moldríkur á þessu ævintýri
öllu saman, ekki satt?
„Nei, það get ég nú ekki sagt.
Maður fær náttúrlega alltaf ein-
hverja fyrirframgreiðslu við að
gera svona samning en One Little
Indian er lítið fyrirtæki, þetta er
ekkert eins og fyrirframgreiðslur
hjá Universal. Bara eitthvað svo
maður lifi af. Það voru auðvitað
önnur útgáfufyrirtæki líka búin að
sýna áhuga. Við tókum þá ákvörð-
un að vildum lítið fyrirtæki og virt.
Hafa þetta svolítið heimilislegt. Ég
held að það henti þessu apparati.“
Höskuldur Daði Magnússon
hdm@frettatiminn.is
Ásgeir Trausti hefur skrifað undir útgáfusamning við One Little Indian. Plata hans kemur út um allan heim á næstunni. Á henni
syngur hann lögin sín á ensku eftir að John Grant snaraði textunum yfir á ensku. Ljósmynd/Hari
26 viðtal Helgin 8.-10. febrúar 2013