Fréttatíminn - 08.02.2013, Blaðsíða 62

„Þetta er vel umfram það sem við bjuggumst við,“
segir Jón Gunnar Geirdal athafnamaður.
Talsverð eftirvænting virðist vera vegna veitinga-
staðarins Lemon sem Jón Gunnar hyggst opna í
næsta mánuði í félagi við kokkinn Jón Arnar Guð-
brandsson. Um 300 manns hafa sótt um vinnu á
staðnum eftir að opnun hans var kynnt í síðustu viku.
Jón Gunnar er ánægður með viðbrögðin og hyggst
boða alla umsækjendurna í prufu í næstu viku. „Við
erum að leita að ákveðnum týpum af fólki, fáránlega
hressu fólki með ótrúlega útgeislun. Við verðum bara
að fá að hitta allt þetta fólk og spyrja það af hverju
það á að fá að vera með í Lemon-ævintýrinu,“ segir
hann. Á milli 20-25 manns fá á endanum vinnu hjá
Lemon.
Lemon verður til húsa að Suðurlandsbraut 4. Að
sögn Jóns Gunnars er fyrirmyndin sótt til að staða
á borð við Joe & the Juice og Pret a Manger. Aðall
staðarins verða grillaðar sælkerasamlokur, holl-
ustudjúsar, salöt og fleira. „Þetta á að vera skemmti-
legasti bar landsins, þó þetta sé heilsubar,“ segir Jón
Gunnar Geirdal.
Jón Arnar Guðbrandsson var að
prófa sig áfram í samlokugerð á
Lemon í gær. Ljósmynd/Hari
 Veitingahús Mikill áhugi á störfuM hjá leMon
300 manns í prufur fyrir samlokustað
Stefán Karl Stefánsson leikari er kominn heim eftir áralanga búsetu í Bandaríkjunum og hefur í
nógu að snúast. Hann ver þó kröftum sínum ekki síst í að endurskipuleggja og umturna starf­
semi Regnbogabarna. Samtökin stofnaði hann fyrir hartnær tólf árum til þess að berjast gegn
einelti. Hann segir breyttar samfélagsaðstæður kalla á breyttar áherslur í baráttunni.
 stefán karl regnbogabörn koMin á fulla ferð
Viðrar vel til loftárása
á þá fullorðnu
É g er alveg á fleygiferð í að umturna starfsemi Regnbogabarna, bæði efnislega og í rekstrinum,“ segir Stefán Karl. „Við erum búin að vera að taka púlsinn og sjá hvar þarf að ráðast á meinið.“
Stefán Karl segir gríðarlega vitundarvakningu hafa orðið hjá börnum og
ungu fólki en fullorðna fólkið standi því miður í stað.
„Þar er ástandið að versna og hlutir sem mann hafði
svo sem órað fyrir eru að koma upp hvað varðar ein-
elti fullorðinna gagnvart börnum.“
Stefán Karl segir þetta grafalvarlegt mál sem hafi
oftar en ekki með kennara og jafnvel skólastjór-
nendur að gera. „Ég held að þetta skrifist á skort á
forvörnum og því sem ég vil kalla grunnheilbrigðis-
þjónustu sem er náttúrlega í algerum lamasessi,
bæði hjá ríki og sveitarfélögum. Ungt fólk í dag er
náttúrlega hundrað sinnum betra heldur en þeir sem
eldri eru að viða að sér upplýsingum enda kynslóðin
sem kann á netið og er óhrædd við að sækja sér upp-
lýsingar þangað. En eins og Sigur Rós sagði þá viðrar
vel til loftárása, á þá sem eldri eru núna og loftárás-
unum þarf svolítið að linna á unga fólkið.“
Stefán Karl segir kominn tíma á nýja nálgun og
hræðsluáróðrinum verði að linna. „Vegna þess að
krakkar eru ekki fávitar og vilja ekki láta koma fram
við sig sem slíka. Það þarf að treysta þeim aðeins
betur og nálgast þau á þeirra grundvelli.“
Stefán Karl segist vera búinn að haga málum þann-
ig að hann geti skilað af sér 20-40 klukkustundum í
vinnu fyrir Regnbogabörn á viku en hann er enn að sýna Með fulla vasa af
grjóti í Þjóðleikhúsinu ásamt Hilmi Snæ Guðnasyni auk þess sem hann mun
leika Glanna glæp í fjórðu þáttaröðinni um Latabæ sem fer í tökur í kringum
páskana. „Þetta er nú bara gaman og ég get ekki án leikhússins verið.“
Þórarinn Þórarinsson
toti@frettatiminn.is
Maður er búinn að leika þrjár rull­
ur í átta ár, Glanna glæp, Grinch
og Jake Quinn í Með fulla vasa af
grjóti. Það hefur ekkert annað
komist að en þetta er gríðarlega
gaman og ég kvarta ekki.“
Tónleikar fyrir Ingó
Ingólfur Júlíusson fréttaljósmyndari, umbrotsmaður,
rokkari og annálað ljúfmenni hefur undanfarna mánuði
barist hetjulega við hvítblæði. Þar sem Ingólfur hefur
lengst af starfað sem verktaki og hefur verið lengi
frá vinnu hafa alvarleg veikindi hans komið illa við
fjárhag heimilisins en hann á eiginkonu og tvær
ungar dætur. Ljósmyndarar héldu veglegt upp­
boð á ljósmyndum til styrktar fjölskyldunni
í byrjun ársins og nú ætlar tónlistarfólk
að taka höndum saman og slá upp tón­
leikum til þess að styrkja Ingólf. Áætlað er
að halda tónleikana í lok febrúar og fjöldi
tónlistarfólks hefur þegar lýst sig boðið og
búið til þess að leggja hönd á plóg. Ingólfur
hefur meðal annars leikið á gítar í hinni
goðsagnarkenndu pönksveit Q4U.
Formannsskipti
í Rithöfunda­
sambandinu
Í gær tilkynnti Kristján B. Jónas­
son, forleggjari hjá Crymogeu, á
Facebook­síðu sinni að hann léti af
embætti formanns Félags íslenskra
bókaútgefenda eftir nærri sjö ára
setu. Við þessa breytingu segist hann
tvíeflast í rekstri Crymogeu. Rithöf­
undar og aðrir skutu kveðjum og
þökkum á Kristján í kjölfarið en þegar
Fréttatíminn fór í prentum hafði eng­
inn gefið kost á sér í formennskuna
annar en Egill Örn Jóhannsson, sá
vaski framkvæmdastjóri Forlagsins.
Í góðum félagsskap
Jólafríið er á enda hjá krökkunum í hljómsveitinni
Of Monsters and Men. Krakkarnir hressu úr
Garðabæ og af Suðurnesjum eru nú komnir til
Ástralíu þar sem þriggja mánaða stíf tónleikaferð
er að hefjast. Sveitin fer um Bretland, ýmis
Evrópulönd, Brasilíu og Chile áður en Bandaríkin
taka við. Í sumar leikur Of Monsters and Men svo
á fjölda tónlistarhátíða í Evrópu. Einir athyglis­
verðustu tónleikarnir verða 20. maí næstkom­
andi í Colorado­fylki á Red Rocks Amphitheatre,
mögnuðum tónleikastað undir berum himni. Þar
treður hljómsveitin upp ásamt hinni vinsælu sveit
Vampire Weekend sem um nokkurra ára skeið
hefur notið mikilla vinsælda hér á landi.
62 dægurmál Helgin 8.­10. febrúar 2013