Ægir - 01.02.2014, Side 22

22
hér á Íslandi hefur verið sá að
hafa fætur víða á afurðamörk-
uðum en það er greinilegur
vöxtur í Asíu og breytingar á
þjóðfélögunum í þessum
heimshluta. Við þurfum að
fylgjast með þeim og taka þátt í
þeirri þróun sem þarna er
þannig að Asíumarkaður er
mjög spennandi fyrir okkur nú
um stundir,“ segir Magnús en á
Asíumarkaði selur Icelandic t.d.
frosna grálúðu, loðnu, loðnu-
hrogn og karfa en hann segir
einnig möguleika til að selja
þorskafurðir í auknum mæli á
þennan markað.
„Þegar breytingarnar eru svo
hraðar sem raun ber vitni í Asíu
þá er ekkert útilokað. Það trúði
því t.d. enginn á sínum tíma að
tedrykkjuþjóðin Kínverjar hefði
áhuga á kaffi frá Starbucks kaffi-
húsum en í Kína er nú engu að
síður stærsti markaður Star-
bucks í dag. Á sama hátt eru
tækifæri með þorskinn í Kína.
Það er okkar að taka þátt í
breytingunum í þessum heims-
hluta.“
Markaðir kalla eftir ferskum
afurðum
Ekki þarf að horfa nema fáein ár
aftur í tímann til að sjá hversu
mikil breyting hefur orðið í fisk-
vinnslu hér á landi. Þungamiðj-
an var í frystingu, fyrst í hrað-
frystihúsum í landi og síðan í
sjófrystiskipum. Þegar útflutn-
ingur ferskra unninna afurða
kom til hefur hjólið snúist í þá
átt af æ meiri þunga. Magnús
telur þá þróun halda áfram.
„Útflutningur á ferskum fisk-
afurðum frá Íslandi mun halda
áfram að aukast á komandi ár-
um, bæði á Evrópu- og Amerík-
umarkaði. Á flestum afurða-
mörkuðum heims er raunar
spurn eftir ferskum afurðum og
almennt virðast menn tilbúnir
til að greiða hærra verð fyrir að
fá fiskinn til sín ferskan. Ís-
lenskur sjávarútvegur hefur
sýnt í þessari þróun hve hratt
hann áttar sig á og bregst við
þörfinni og ég tel að það verði
áfram okkar aðalsmerki.“
Magnús telur í nánustu
framtíð verða miklar breytingar
í landvinnslunni, fjárfestingar í
búnaði og tækni, vöruþróun, ný
vinnsluhús verði byggð og svo
framvegis. „Það er mikil
stærðarhagkvæmni í vinnslu á
fiski og mjög líklegt að við
stefnum í þá átt, þ.e. að
vinnslurnar komi til með að
stækka.“
Fjárfesting í markaðsstarfi mun
aukast
Sem grein á heimsvísu segir
Magnús að sjávarútvegur hafi
verið seinni en margar aðrar at-
vinnugreinar að tileinka sér að-
ferðir markaðsfræðinnar. Á því
séu að verða breytingar og ekki
leiki vafi á að íslensk sjávarút-
vegsfyrirtæki komi til með að
fjárfesta meira í markaðsstarfi á
komandi árum en þau hafi gert.
„Mín skoðun er sú að þetta
starf eigi að hvíla á fyrirtækjun-
um en hlutverk ríkisvaldsins
eigi að vera að hlúa að kynn-
ingu á Íslandi á heimsvísu. Ríkið
getur leitað eftir samstarfi við
fyrirtækin í því starfi en það á
að vera verkefni hvers og eins
fyrirtækis að tengja sig við þá
ímynd sem Ísland nýtur.“
Enn er hægt að auka verðmætin
Sú spurning er áleitin hvað drífi
áfram þróun fiskvinnslunnar,
hvort drifkrafturinn sé hjá henni
sjálfri, tæknifyrirtækjum sem
framleiða búnað fyrir afurða-
vinnsluna eða hvort það séu
markaðirnir sem dragi vagninn.
„Við hjá Icelandic Group er-
um þeirrar skoðunar að mark-
aðirnir þurfi að drífa þróunina
áfram og að leiðin til að há-
marka verðmæti í framleiðslu
fiskafurða sé að skilja markað-
ina og uppfylla þeirra þarfir.
Það teljum við okkur geta í
góðu samstarfi við okkar lykil-
samstarfsaðila sem eru íslensk
sjávarútvegsfyrirtæki og þess
vegna viljum við efla þann þátt.
Við finnum fyrir góðum hljóm-
grunni og vilja samstarfsaðil-
anna til að leggjast á árar með
okkur, öllum til hagsbóta.“
- Það er hægt að fá fleiri krón-
ur fyrir íslenskar sjávarafurðir?
„Já, tvímælalaust. Hvert pró-
sentustig sem sem við sækjum í
aukinni verðmætisaukningu
sjávarafurða telur um þrjá millj-
arða króna í auknum útflutn-
ingstekjum. Samfélagið allt,
sem og fyrirtækin sjálf, munar
verulega um slíka fjármuni,“
segir Magnús Bjarnason, for-
stjóri Icelandic Group.