Morgunblaðið - 27.01.2015, Blaðsíða 12

12 FRÉTTIRInnlent
MORGUNBLAÐIÐ ÞRIÐJUDAGUR 27. JANÚAR 2015
ÚTSALA - ÚTSALA - ÚTSALA
AF GARDÍNUEFNUM
Á ÚTSÖLU
OG ELDHÚSKÖPPUM
Álnabær
Allt fyrir gluggann… úrval, gæði og þjónusta
Síðumúla 32, Reykjavík ▪ Tjarnargötu 17, Keflavík ▪ Glerárgötu 32, Akureyri
Sími 588 5900 ▪ alnabaer.is ▪ Opnunartími: mán -fös 11-18
PÚÐAVER ÁTILBOÐI 2.000 KR
. STYKKIÐ
Borgið
2 fáið 3
Ingvar Smári Birgisson
isb@mbl.is
Skógrækt ríkisins, Héraðs og Aust-
urlandsskógar, Búnaðarfélag Fljóts-
dalshrepps og Félag skógarbænda á
Austurlandi hafa fest kaup á nýrri og
öflugri vél til að kurla trjávið og hef-
ur hún verið tekin í gagn á Hallorms-
stað. Í fyrstu kurlun tók vélina ein-
ungis hálftíma að fylla einn gám af
kurli, verk sem áður tók þrjá klukku-
tíma. Er því vélin um sex sinnum
fljótari að kurla trjávið en sú gamla.
Þór Þorfinnsson, skógarvörður á
Hallormsstað, segir á vefsíðu Skóg-
ræktar ríkisins að nýi kurlarinn
framleiði líka mun betra og jafnara
kurl. Engir langir kvistir eða flísar
séu lengur í kurlinu og því verði mun
þægilegra að nota það, ekki síst í
kyndistöð Skógarorku á Hallorms-
stað, sem mun fá allt sitt kurl úr nýja
kurlaranum.
Kurlar marga trjáboli í einu
Vélin er þýsk af gerðinni Heizo-
mat Heizohack og kostar um 17
milljónir króna. Kurlarinn er fær um
að vinna marga boli og trjágreinar í
einu og hægt er að skipta um grind-
ur eða síur í henni til að fá mismun-
andi gróft kurl, en gamla vélin gat
einungis tekið einn bol í einu, þannig
að um er að ræða mikið hagræði. Þá
er áfastur krani á kurlaranum og því
þarf bara eina dráttarvél til að knýja
allt saman, en áður voru tvær vélar,
ein sem knúði kurlarann og önnur
sem mataði hann trjábolum, þannig
er nýja vélin sparsamari og vinnur
hraðar. Þá er sjálfvirkur búnaður á
nýja tækinu sem stýrir eftir þörfum
orkunotkun vélarinnar.
Bylting á næstu 7–10 árum
Mikill framfarahugur er í mönn-
um fyrir austan. Kristján Már
Magnússon, skógverktaki á Austur-
landi, hefur fest kaup á sérstökum
trukk sem keyrir timbrið út úr skóg-
inum fram að veg, þar sem flutn-
ingabílar flytja timbrið burt. „Á
trukknum er drif á öllum hjólum og
trukkurinn er liðstýrður en hann
getur borið 11 tonn,“ segir Kristján
og bætir við að traktor með vagni,
eins og venjulega er notast við, getur
borið 6-7 tonn. Nýi trukkurinn fækk-
ar því ferðum út úr skóginum og á
mun auðveldara með að keyra í
gegnum skóginn sem Kristján segir
vera torfæran.
„Á næstu 7-10 árum á eftir að
verða bylting í þessum iðnaði. Veð-
urfarið hefur farið batnandi og skóg-
arnir vaxa vel. Eins og staðan er í
dag er þetta alveg á mörkunum að
þetta sé að velta yfir þann hjalla að
hægt sé að hafa atvinnu við skóg-
arhögg, en eftir svona 7-10 ár verður
þetta allt annar heimur,“ segir Krist-
ján.
Ljósmynd/Kristján Már Magnússon
Liðstýrður Nýi útkeyrslutrukkurinn er af gerðinni Gremo 1050f og ræður betur við tyrfinn aksturinn í skógum.
Rífur boli og trjá-
greinar á mettíma
 Byltingu spáð í nýtingu trjáviðar á næstu 7-10 árum
Ljósmynd/Pétur Halldórsson
Betri Kurlarinn framleiðir betri og jafnari flísar, en kyndistöð Skógarorku
á Hallormsstað mun fá allt sitt kurl úr nýja kurlaranum.
Bandaríska netveitan Google afhenti
bandarísku alríkislögreglunni FBI
aðgang að tölvupóstum og öðrum
gögnum þriggja blaðamanna upp-
ljóstrunarvefjarins Wikileaks í sam-
ræmi við niðurstöðu bandarísks
dómara árið 2012.
Blaðamennirnir þrír eru Kristinn
Hrafnsson, Sarah Harrison og Jo-
seph Farrel. Google skýrði þeim frá
þessum aðgerðum í desember sl.,
tæpum þremur árum eftir að dóms-
úrskurðurinn var kveðinn upp.
Fram kemur á vef Wikileaks, að í
dómsúrskurðunum komi fram í
fyrsta skipti hvaða sakir bandarísks
stjórnvöld séu að rannsaka á hendur
Julian Assange, aðalritstjóra Wiki-
leaks, og öðrum starfsmönnum vefj-
arins. Um sé m.a. að ræða njósnir,
samsæri um njósnastarfsemi, þjófn-
að á eignum bandarískra stjórnvalda
og tölvuglæpi.
Krefjast skýringa
„Lögfræðingur okkar í Bandaríkj-
unum hefur þegar sent bréf til Go-
ogle og krafist skýringa á því af
hverju þeir spyrntu ekki við fótum
og leituðu allra leiða til að upplýsa
okkur um þessa aðgerð,“ segir
Kristinn Hrafnsson.
Segir Kristinn það bagalegt að
Google hafi brugðist svona við og
ekki leitað til dómstóla til þess að fá
að upplýsa sína viðskiptavini um að
þarna væri verið að brjóta á þeim.
„Það gerði Twitter á sínum tíma.
Þeir fengu slíka kröfu og átti allt að
vera í fullri lengd og ekki mátti upp-
lýsa fólk um það. Twitter sætti sig
ekki við það og tók það mál fyrir
dómstóla og vann málið. Þeir sem
voru fórnarlömb þeirra aðgerða,
eins og meðal annars Birgitta Jóns-
dóttir, þingmaður Pírata, fengu upp-
lýsingar um það.“
Kristinn segist hafa rætt þessi
máli við stofnanda Wikileaks, Julian
Assange, en hann dvelur nú í sendi-
ráði Ekvador í Lundúnum. Í yfirlýs-
ingu frá Assange, sem birtist á vef
Wikileaks í gær, segir að Wikileaks
hafi staðið af sér þær árásir, sem
ríkisstjórn Baracks Obama hafi gert
á vefinn fram að þessu og muni einn-
ig standa af sér þessa árás.
„Þetta er alveg galin árás á mig,
mína kollega og samtökin sjálf,“
sagði Kristinn. „Við erum einfald-
lega að sinna ákveðnu hlutverki inn-
an þessa fjölmiðlaumhverfis. Við er-
um hluti af því og viðurkennd af
öllum.“ audura@mbl.is
Afhenti gögn
Wikileaks-fólks
 Bandaríska alríkislögreglan fékk
tölvupósta Kristins Hrafnssonar
Sætir rannsókn Julian Assange,
stofnandi og aðalritstjóri Wikileaks.
Eimskip hefur ákveðið breytingar á
siglingakerfi félagsins frá miðjum
febrúar og að sameina svonefndar
grænar og rauðar leiðir. Græna leið-
in hefur þjónað flutningum á milli
Íslands og Norður-Ameríku með
viðkomu í Sortland í Noregi og hafa
gámar með uppruna í Evrópu og
Skandinavíu náð tengingu við grænu
leiðina með umskipun í Reykjavík.
Rauða leiðin hefur hins vegar þjónað
siglingum á milli Íslands og Evrópu
ásamt því að sinna strandsiglingum
á Íslandi. Skv. upplýsingum félags-
ins skapast við þetta grundvöllur
fyrir aukinn áreiðanleika þjónust-
unnar við flutninga á milli Evrópu
og N-Ameríku. Sameinuð leið mun
bera nafn grænu leiðarinnar og eftir
sem áður munu þrjú gámaskip sinna
þessari nýju leið. Munu þau sigla
óslitið á milli Evrópu og Norður-
Ameríku með viðkomu í að minnsta
kosti þremur höfnum á Íslandi fyrir
íslenska inn- og útflytjendur.
Breytingar á
siglingakerfi
Kristinn Hrafnsson segir að með
dómsúrskurðinum gegn Google
og afhendingu gagnanna sé ráð-
ist gegn blaðamönnum og hags-
munum þeirra.
„Mér finnst þetta vera stef í
þessu ömurlega lagi sem maður
heyrir oftar og oftar. Það er að
segja hvernig menn ráðast gegn
blaðamönnum og hagsmunum
þeirra. Bandaríkin hafa löngum
verið talið fyrirmyndarríki varð-
andi frjálsa blaðamennsku, en
síðasta áratug
höfum við séð
aðgerðir sem
eru hreint
skelfilegar.
Þannig að
blaðamenn eiga
sér lítið skjól,
sérstaklega þeir
sem fjalla um
öryggis- og varnarmál. Þetta er
eitthvað sem er fullkomlega
ólíðandi.“
Blaðamenn eiga lítið skjól
AFHENDING GAGNA
Kristinn Hrafnsson