Morgunblaðið - 27.01.2015, Qupperneq 16

16 FRÉTTIRInnlent
MORGUNBLAÐIÐ ÞRIÐJUDAGUR 27. JANÚAR 2015
Ármúla 19 | S: 553-9595 | gahusgogn@gahusgogn.is | www.gahusgogn.is
GÁ húsgögn ehf. er traust fyrirtæki sem hefur verið á
íslenskum markaði um árabil. Við leggjum áherslu á
stílhrein, vönduð húsgögn og góða þjónustu.
Við tökum málin þín
í okkar hendur
Sérsmíðum fyrir heimili og fyrirtæki
Karl Ásgeir Sigurgeirsson
Hvammstanga
Sveitarstjórn Húnaþings vestra
hefur kynnt íbúum Miðfjarðar og
Hrútafjarðar áform um hitaveitu-
væðingu einstakra byggða í hér-
aðinu. Í ár er áformað að tengja alls
35 íbúðar- og atvinnuhús og er áætl-
aður kostnaður Hitaveitu Húna-
þings vestra 240-250 milljónir kr.
Áformað er að halda áfram næstu
tvö árin. Ráðgert er að leggja ljós-
leiðara og jafnvel raflögn með hita-
veiturörunum.
Í fyrsta áfanga yrði lögn um Mið-
fjörð og byggðina norðan Reykja í
Hrútafirði. Ráðgjafi um fram-
kvæmdina er Bragi Þór Haraldsson
frá Stoð ehf. á Sauðárkróki, en mik-
il reynsla er komin af slíkum veitum
í Skagafirði.
Lögn um Miðfjörð mun koma frá
borholum ofan Laugarbakka, vatns-
hiti er þar nær 90 stig. Áformuð
lagning er inn Austursíðu, allt að
Barkarstöðum, og með þremur
tengingum til bæja vestan Mið-
fjarðarár. Lögn að Staðarbakka og
þaðan á hálsabæina, Skarfshól og
Búrfell. Önnur lögn að Brekkulæk
og þaðan í Huppahlíð. Þriðja lögnin
er að Laxahvammi, veiðihúsi Mið-
fjarðarár. Alls eru þetta 30,7 km
lagnir, 11,8 km í stálröri og 18,9 km
í plastlögn. Einangruð stálrör eru í
lögnum, þar sem hiti er yfir 70C° og
verða þau grafin niður. Einangruð
plaströrin verða plægð niður. Mesta
hæð yfir sjó verður um 130m.
Alls eru um 20 íbúðar- og at-
vinnuhús á þessari leið.
Jafnhliða vatnslögninni er ráð-
gert að leggja ljósleiðara, sem
myndi bæta netsamband bæjanna
afar mikið. Einnig er unnið að því
að fá Landsnet og Rarik til að
leggja jarðstreng með lögninni, en
um sveitina liggur einfasa loftlína,
sem er komin til ára sinna.
Frá Reykjum í Hrútafirði mun
koma lögn til norðurs, allt að Bessa-
stöðum á Heggstaðanesi og upp á
Miðfjarðarháls, að Tjarnarkoti,
Sveðjustöðum og Brúarholti. Lengd
lagnar er um 18 km, þar af stállögn
3,6 km. Mesta hæð yfir sjó er um
115 m. Alls eru um 15 íbúðarhús á
þessari leið. Gert er ráð fyrir að hiti
í báðum lagnagreinum verði frá 85
til 50C° eftir fjarlægð frá jarð-
hitasvæðum. Áætlaður verktími er
frá maí til október á þessu ári.
Kostar 2,2-2,5 milljónir á hús
Áætlaður kostnaður við tengingu
íbúðarhúsa er 2,2 til 2,5 milljónir
króna og hafa þá húsráðendur
nokkuð frjálsar hendur um nýtingu
vatnsins, lagnir í útihús, heita potta,
gróðurhús o.þ.h. Sumir húseig-
endur þurfa að auki að leggja í
verulegan kostnað, þar sem hús
þeirra eru nú kynnt með rafmagns-
þilofnun. Talið er að í meðalhúsi
geti kostað um eina til eina og hálfa
milljón að skipta yfir í vatnshita-
kerfi. Í þeim tilfellum þarf trúlega
að láta teikna upp nýtt lagnakerfi.
Útreikningar benda til þess að hús-
eigendur spari sér um 250 – 280
þúsund króna á ári með breytingu
úr rafveitu í hitaveitu. Má því telja,
að kostnaður við tengingu greiðist
upp á um 10 ára tímabili, en líftími
veitunnar er talinn allt að 50 ár.
Sumum kann að þykja erfitt að fjár-
magna verkefnið, en gert er ráð fyr-
ir fullri greiðslu tengigjalds þegar
veitan verði tengd við húsin og vatni
hleypt á.
Aflað leyfa hjá jarðeigendum
Leitað verður til húseigenda á
þessum veitusvæðum, hvort hús
þeirra verði tengd, svo og leyfi fyrir
að leggja lögnina um lönd þeirra.
Sveitarstjórn hyggst halda átakinu
áfram á næstu árum, með lögn í
Víðidal og norðurhluta Miðfjarðar-
sveitar að vestan. Innri hluti Hrúta-
fjarðar mun bíða um sinn, þar sem
bora þarf eftir auknu vatni við
Reykjatanga.
Hitaveita lögð um sveitir
Húnaþings vestra
 Lagt að 35 húsum í Hrútafirði og Miðfirði í ár og megin-
hluta héraðsins á þremur árum  Sumir þurfa að skipta út
þilofnum  Framkvæmdir taldar borga sig upp á 10 árum
Morgunblaðið/Karl Sigurgeirsson
Hitaveituhús á Laugarbakka Hitaveita er komin á Hvammstanga og hluta
sveitanna. Með nýju stórátaki fá íbúar margra sveita að njóta kosta hitaveitu.
BAKSVIÐ
Helgi Bjarnason
helgi@mbl.is
Íbúar á nokkrum bæjum í dreifbýl-
inu á Vatnsleysuströnd eru í vand-
ræðum vegna þess að neysluvatn er
ekki drykkjarhæft. Afar dýrt er að
bora nýjar holur og þó sérstaklega
að leggja leiðslur. Einhverjir telja
sig geta fengið betri þjónustu hjá
Hafnarfjarðarbæ en Sveitarfélaginu
Vogum og er hafin umræða um að
óska eftir færslu sveitarfélaga-
marka þannig að dreifbýlið færist
undir Hafnarfjarðarbæ.
„Ég vissi að vatnið í Brunn-
astaðahverfinu er mengað, svo
mengað að ekki er hægt að drekka
það. Ég drakk það fyrir mistök og
það hljóp á mig, ég fékk niðurgang.
Sama gerðist þegar nýtt fólk kom á
annan bæ fyrir ári, þau urðu veik,“
segir Virgill Scheving Einarsson
sem á þrjár jarðir á Vatnsleysu-
strönd og býr á Efri-Brunnastöð-
um. Hann segist verða að kæla hita-
veituvatn til neyslu eða sjóða
borholuvatnið.
Virgill fær vatn úr borholu ásamt
þremur öðrum bæjum. Um tíu hús
fá hins vegar vatn úr borholu sem
sveitarfélagið á við gamla skólann.
Skólahúsið var selt fyrir mörgum
árum en sveitarfélagið hélt borhol-
unni og hefur rekið hana síðan.
„Mér mislíkar það að sveitarfélagið
skaffar 60% aðila hér neysluvatn en
neitar að hjálpa okkur með vatn,“
segir Virgill. Hann tekur raunar
fram að vatnslind sveitarfélagsins
þorni á sumrin og í raun þyrfti að
leiða vatn um alla Ströndina.
Einn húseigandi í hverfinu lét
bora nýja neysluvatnsholu á eigin
kostnað en Virgill segist ekki vita
árangur þess. Hann segir ekki stór-
mál að bora nýja holu. Aðalmálið sé
að leggja vatnið heim á bæina. Alls-
staðar sé klöpp undir og dýrt að
grafa fyrir leiðslum.
Engin beiðni borist
„Mér finnst sveitarfélagið slakt
að tengja okkur ekki við vatnsveitu
Voganna. Það eru ekki nema tveir
kílómetrar hér á milli. Þeir gætu
farið í skurðinn með heita vatninu
og hleypt okkur þannig inn á kerfið.
Það er til mikils að vinna þegar 14-
15 bæir eru með lélegt eða ónothæft
vatn,“ segir Virgill.
Sveitarfélög eru ekki skuldbundin
til að sjá íbúum dreifbýlis fyrir
neysluvatni. Ásgeir Eiríksson, bæj-
arstjóri í Vogum, kannast ekki við
að komið hafi beiðni um að leggja
vatnslögn úr Vogunum út á Vatns-
leysuströnd. Slíka beiðni þyrfti að
taka til skoðunar, ef hún kæmi,
meðal annars að meta kostnað og
skera úr um hver ætti að bera hann.
Ásgeir segir að einu samskiptin
séu við íbúa sem var að flytja í
Brunnastaðahverfið fyrir ári. Fram
hafi komið að vatnið væri ekki
heilsusamlegt. Hann segist hafa lát-
ið kanna hvort það væri tæknilega
mögulegt að tengja þennan bæ við
borholu sveitarfélagsins á svæðinu.
Svarið við því hafi verið jákvætt.
Jafnframt hafi komið fram að gróft
áætlað gæti kostnaður orðið 2 til 2,5
milljónir króna. Þennan kostnað
þurfi viðkomandi notandi að greiða.
Til samanburðar má geta þess að
tengigjald í þéttbýlinu er 130 þús-
und krónur. Segir Ásgeir að bæj-
arráð hafi falið sér að kanna málið
nánar en íbúinn talið útilokað að
hann gæti greitt svo mikinn kostnað
við að tengjast vatnsveitu.
Kanna áhuga á vistaskiptum
„Við höfum talað saman nokkir
íbúar og viljum slíta okkur frá Vog-
unum og sameinast Hafnarfirði,“
segir Virgill og bætir því við að með
vorinu sé áformað að kanna hug
íbúanna með formlegri undirskrifta-
söfnun. Hann telur að Hafnarfjarð-
arbær myndi láta bora þar og setja
upp vatnsveitu í Brunnastaðahverfi,
einnig við Kálfatjörn og í sumar-
húsahverfinu í Hvassahrauni.
Bendir hann á að bæjarstjórnin
hugsi bara um þéttbýlið í Vogunum
en íbúarnir eigi margt semeiginlegt
með höfuðborgarsvæðinu því fram-
tíðarbyggingarland þess sé með
ströndinni frekar en upp til heiða.
Ásgeir bæjarstjóri bendir á að
lögsögumörk sveitarfélaga séu
ákvörðuð í lögum og telur frekar
langsótt að ætla að þeim verði
breytt. Ítrekar um leið að engin
beiðni hafi borist um að sveitarfé-
lagið leggi vatnslögn um Vatns-
leysuströnd.
Nokkrir með óheilsusamlegt vatn
 Íbúar á Vatnsleysuströnd þurfa að greiða milljónir til að fá aðgang að borholu sveitarfélagsins
 Vilja tengingu við vatnsveitu  Umræða hafin um að óska eftir vistaskiptum til Hafnarfjarðar
Morgunblaðið/Einar Falur
Vatnslítið á Vatnsleysuströnd Fólk á nokkrum bæjum þarf að nota hitaveituvatn sem neysluvatn eða sjóða vatn.