Morgunblaðið - 27.01.2015, Page 41

MENNING 41
MORGUNBLAÐIÐ ÞRIÐJUDAGUR 27. JANÚAR 2015
TILBOÐSDAGUR
TRYGGÐU ÞÉR MIÐA Á
ÞRIÐJUDAGUR ER TILBOÐSDAGUR
TILBOÐ Á ALLAR MYNDIR
ATH GILDIR EKKI Á ÍSLENSKAR MYNDIR
–BARA LÚXUS
www.laugarasbio.is
48
RAMMA
STÆRSTA OPNUNAR-
HELGI ALLRA TÍMA Á
ÍSLANDI!
E.F.I -MBL
VINSÆLASTA MYNDIN
Á ÍSLANDI Í DAG!
BRÁÐSKEMMTILEG GAMANMYND
www.laugarasbio.isSími: 553-2075
SÝNINGARTÍMA MÁ NÁLGAST Á
LAUGARASBIO.IS OG MIDI.IS
- bara lúxus
Glæpafélag Vestfjarða veitti
Tindabikkjuna í kyrrþey í líkhúsi
Gamla sjúkrahússins á Ísafirði, 24.
janúar sl., fyrir bestu glæpasögu
Íslands árið 2014, að mati glæpa-
félaga. Fyrir valinu varð Kata eftir
Steinar Braga og hlaut hann að
launum glæsilegan verðlaunagrip
eftir Pétur Guðmundsson mynd-
listarmann og tvö kíló af tinda-
bikkju í soðið frá fiskbúð Sjávar-
fangs á Ísafirði. „Kata er kannski
ekki hin týpíska glæpasaga, en
sannarlega vel að þessum verð-
launum komin, mögnuð sem hún
er. Kata kom við kauninn á glæpa-
félögum og sýndi getuleysi sam-
félagsins til að taka á ofbeldis-
glæpum,“ segir í tilkynningu.
„Steinar Bragi veitir okkur innsýn
í hugarheim aðstandanda sem í
sorg og vanmætti reynir að takast
á við óréttlæti og grimmd manns-
ins, fléttar snilldarlega saman töl-
fræðilegar staðreyndir við hömlu-
lausa fantasíu,“ segir þar einnig.
Grímuklæddir Fulltrúar Glæpafélags Vestfjarða með verðlaunagripinn.
Kata hlaut Tindabikkjuna
Juliette er nýflutt í úthverfi íútjaðri Parísar ásamt fjöl-skyldu sinni, eiginmanni ogtveimur börnum. Hún er há-
menntuð, hefur búið í Bandaríkj-
unum og Argentínu, en nú hefur
heimilislífið tekið völdin. Hún reynir
að finna sér verkefni, skrifar í tímarit
og heldur seminar um bókmenntir
fyrir lágstéttarstúlkur í skóla í ná-
grenninu, en vill meira, vill brjótast
út úr lífi, sem á yfirborðinu virðist
ákjósanlegt, en býður aðeins upp á
lamandi leiðindi.
Máttlaus stuðningur
Maðurinn hennar er skólastjóri.
Hann ýmist styður hana eða letur og
kemst stundum þannig að orði að af
svip hennar má ráða að í besta falli
vilji hún að hann þegi eða í versta falli
snúa hann úr hálsliðnum.
Þegar við komum til sögunnar á
Juliette góða möguleika á að fá fasta
vinnu, en þarf að komast í atvinnu-
viðtal til að landa því. Það getur hins
vegar verið þrautin þyngri að koma
því í kring þegar þarf að sækja börn,
eiginmaðurinn er upptekinn og
barnapíur ekki á lausu.
Þetta er lokaður heimur og vernd-
aður, en hinn „raunverulegi“ heimur
þrengir sér inn af og til í fréttum og
leit að horfnu barni úr lágstéttar-
hverfi í grenndinni.
Myndin heimilislíf byggist á skáld-
sögunni Arlington Park eftir breska
rithöfundinn Rachel Cusk um eig-
inkonur sem hafa allt til alls en þó er
líf þeirra innantómt.
Tár og tússlitir
Myndin lýsir rúmum sólarhring í lífi
Juliette og þriggja annarra hús-
mæðra í hverfinu. Þungamiðjan
snýst í kringum Juliette, en hinar
þrjár fá sína einþáttunga.
Í einu atriði fær ein þeirra að vita
hjá systur sinni að amma þeirra sé
dáin. Hún hefur varla tíma til að tala
við systurina og nánast skellir á hana
með þeirri afsökun að það sé kominn
iðnaðarmaður þegar vinkonur henn-
ar banka upp á. Þær dásama flekk-
laust heimili hennar, þar sem hver
munur er valinn af kostgæfni. Þegar
sonur annarrar vinkonunnar krotar
með tússlit á fína sófann hennar
missir hún hins vegar stjórn á tilfinn-
ingum sínum. Hún grætur sófann, en
ekki ömmuna.
Í öðru atriði segir sama kona, sem
þekkir Juliette frá fyrri tíð, að hún
hefði átt von að hún hefði komist til
metorða úti í heimi og hefði verið
hissa á að rekast á hana í úthverfinu.
Hún bætir síðan við að innst inni
finnist henni gott á Juliette að hún
skuli föst í úthverfinu eins og hún.
Eiginmennirnir í Heimilislífi eru
allir eins, vinnan upphefur þá og veit-
ir skoðunum þeirra réttmæti, en kon-
urnar hafa enga innistæðu til að
leggja orð í belg.
Á einum stað segir mamma Juli-
ette að hún hafi gefið pabba hennar
hálfa ævi sína, en hún efist um að hún
hafi fengið hálfa ævi hans á móti.
Emmanuelle Devos er góð leik-
kona og nær að koma til skila óþreyju
Juliette og pirringi. Laurent Poitre-
naux er sömuleiðis góður í hlutverki
eignmannsins, sem styður konu sína,
en vonar þó að allt verði áfram við
það sama.
Það eru mörg ágæt atriði í Heim-
ilislífi, en myndin er mjög fyrir-
sjáanleg og verður jafnvel lang-
dregin á köflum. Áhorfandinn fær að
fylgjast með fjölskyldu Juliette borða
morgunmat og henni fara með börnin
í skólann án þess að sekúndu sé
sleppt. Tilgangurinn er örugglega að
útlista hrollvekjandi leiðindi úthverf-
alífsins, en það er hægt að gera hvaða
líf sem er óáhugavert með því sýna
það í rauntíma.
Háskólabíó
Heimilislíf/La vie domestique
bbmnn
Leikstjóri: Isabelle Czajka. Leikarar:
Emmanuelle Devos, Julie Ferrier, Na-
tasha Régnier, Héléna Noguerra, Laur-
ent Poitrenaux, Michaël Abiteboul, Sava
Lolov og Grégoire Oestermann. Frakk-
land 2012. 93 mín. Franska kvik-
myndahátíðin 2015.
KARL BLÖNDAL
KVIKMYNDIR
Í úthverfafjötrum Emmanuelle Devos í hlutverki Juliette á leið með börnin í skólann. Franska myndin Heimilislíf
er fremur fyrirsjáanleg ádeila á líf í úthverfum þar sem sögupersónur búa við allsnægtir, en tómleikinn sækir á.
Í úthverfafjötrum allsnægta og leiðinda
Bjarni Guðráðsson í Nesi flytur
fyrirlestur í Reykholtskirkju í
kvöld kl. 20.30. „Þar rekur hann
sögu tónlistar og hljóðfæra í kirkj-
unni, en þar starfaði Bjarni lengi
sem organisti og söngstjóri auk
þess að starfa ötullega að uppbygg-
ingu í Reykholti þessa síðustu ára-
tugi. Þar ber að sjálfsögðu hæst
bygging Reykholtskirkju-
Snorrastofu, sem fært hefur staðn-
um virðuleik og reisn og verið við-
spyrna á tímum erfiðra breytinga
eftir að skólahaldi lauk í Reykholts-
skóla,“ segir m.a. í tilkynningu.
Bjarni er dóttursonur Bjarna
Bjarnasonar á Skáney (1884-1979),
sem gerði garðinn frægan við org-
elleik og söngstjórn, en því starfi
sinnti hann í Reykholtskirkju og
víðar um hérað frá unga aldri fram
undir nírætt. „Á dögunum varð
Bjarni áttræður og af því tilefni
bjóða Snorrastofa og Reykholts-
kirkja gestum á Bjarnakvöldi til
kaffiveitinga í safnaðar- og sýning-
arsal Reykholtskirkju-Snorra-
stofu.“
Rekur sögu tónlistar í Reykholtskirkju
Fróður Bjarni Guðráðsson í Nesi.