UTBlaðið - 20.01.2006, Qupperneq 17

Af hverju get ég ekki afgreitt mig
sjálfur með opinber mál heima í
stofu eins og með bankaviðskipti?
Þótt hinn almenni borgari eigi
ekki oft erindi við stofnanir dóms-
og kirkjumálaráðuneytisins, verð-
ur að viðurkennast að þjónustan
stenst sjaldnast kröfur nútíma Ís-
lendinga sem vilja fá bestu mögu-
legu þjónustu á tíma sem þeim
hentar. Það er ekki til marks um
góða þjónustu að fara á marga
staði til að útvega gögn til að af-
henda öðrum en bankar og ein-
staka opinberir aðilar hafa sýnt
fram á að hægt er að gera betur.
Árið 2004 var gerð úttekt á
vegum ráðuneytisins sem sýndi
að þrátt fyrir að verulegum fjár-
hæðum væri eytt í upplýsinga- og
fjarskiptatækni nutu hvorki al-
menningur né starfsmenn betri
þjónustu né hagræðingar.
Í október 2004 hrinti Björn
Bjarnason dóms- og kirkjumála-
ráðherra af stað átaki til að bæta
þjónustu við almenning og gera
aðstöðu fyrir starfsmenn nútíma-
legri. Starfsemi tölvumiðstöðvar
ráðuneytisins (TMD) var endur-
skipulögð og lögð voru drög að
heilstæðri upplýsingatæknistefnu
dómsmálaráðuneytisins. TMD sér
um kerfisrekstur fyrir flestar stofn-
anir ráðuneytisins, um 40 talsins
um allt land, en þar vega þyngst
lögregla og sýslumenn. Gagnalín-
ur víðnets TMD voru uppfærðar
með ljósleiðaratengingum á höf-
uðborgarsvæðinu og stóraukinni
bandvídd um allt land.
Í kjölfarið á breyttu skipulagi
og uppfærðu víðneti hefur verið
hrundið af stað ýmsum verkefn-
um sem skila sér þegar á þessu
ári í betri þjónustu við almenning.
Til dæmis stendur til að gera al-
menningi kleift að sækja um og
greiða fyrir ýmis leyfi á netinu í
stað þess að sækja þau í af-
greiðslu lögreglu. Sama gildir um
aðgengi erlendra ríkisborgara að
þjónustu Útlendingastofnunar.
Stærsta einstaka verkefnið er
nýtt vegabréfakerfi í samræmi við
alþjóðlega staðla. Þjónustan verð-
ur bætt til muna með helmingi
styttri afgreiðslutíma, pappírslaus-
um umsóknum og afgreiðslu þar
sem unnt er að gera allt á einum
stað. Samhliða þessu færist öll
umsýsla vegna vegabréfa frá Út-
lendingastofnun. Afgreiðsla vega-
bréfa í Reykjavík færist til lögregl-
unnar í Reykjavík en lögreglu-
stjórar annars staðar sinna áfram
umsýslu vegabréfa.
Á síðasta ári færðist útgáfa
Lögbirtingarblaðsins og Stjórnar-
tíðinda á Netið, sem skilar um-
talsverðum rekstarsparnaði. Að-
gengi upplýsinga hefur jafnramt
stórbatnað auk þess sem tækifæri
gafst til að flytja útgáfu Lögbirt-
ingablaðisns út á land.
Innviðir stofnana ráðuneytisins
og starfsumhverfi starfsmanna
hafa verið bætt m.a. með IP síma-
þjónustu, almennri málaskrá emb-
ætta og samræmdu þinglýsinga-
kerfi.
Markmið okkar er að almenn-
ingur eigi þess kost að eiga sam-
skipti við hið opinbera, hvort
heldur er í upplýsingaleit eða
beinum erindagerðum, heiman frá
sér á Netinu. Markið er sett hátt
og fleiri verkefni sem unnið er að
bíða kynningar á þessu ári til
hagsbóta fyrir almenning og ríkis-
þjónustuna.
UTBLAÐIÐ | 17
Átak í upplýsinga- og
fjarskiptatækni
– eftir Þorstein Helga Steinarsson, Verkfræðiþjónustunni Ásverki,
ráðgjafa dóms- og kirkjumálaráðuneytis og framkvæmdastjóra Átaks
í upplýsinga- og fjarskiptatækni

Þorsteinn Helgi Steinarsson.