Morgunblaðið - 23.03.2015, Blaðsíða 14

14 FRÉTTIRViðskipti | Atvinnulíf
MORGUNBLAÐIÐ MÁNUDAGUR 23. MARS 2015
Nánari upplýsingar á www.heilsa.is
Fæst í apótekum og heilsuvöruverslunum
Oft er talað umMagnesíum sem„anti –stress“ steinefni
því það róar taugarnar og hjálpar okkur að slaka á. Magnesíum stjórnar og virkir um
300 ensím sem gegna mikilvægum hlutverkum í eðlilegri virkni líkamans. Það er
nauðsynlegt fyrir frumumyndun, efnaskipti og til að koma á jafnvægi á kalkmyndun
líkamans og fyrir heilbrigða hjartastarfsemi. Magnesíum er líka afar hjálplegt við
fótaóeirð út af vöðvaslakandi eiginleikum þess. Mjög gott er að taka magnesíum í
vökvaformi fyrir svefn til að ná góðri slökun og vakna úthvíldur.
Magnesium vökvi
• Til að auka gæði svefns
• Til slökunar og afstressunar
• Hröð upptaka í líkamanum
• Gott til að halda
vöðvunummjúkum
Virkar strax
Ásgeir Ingvarsson
ai@mbl.is
Morgunblaðið sagði fyrst frá
Grænni framtíð árið 2010. Fyrir-
tækið var þá ekki orðið ársgamalt
og nýbyrjað að kynna þá nýju
þjónustu að endurnýta gömul og
skemmd raftæki.
Í dag, fimm árum síðar, er rekst-
urinn orðið nokkuð stöndugur.
Bjartmar Alexandersson, stofnandi
og framkvæmdastjóri, segir starfs-
menn í dag vera átta talsins, og
fljótlega muni bætast við átta til
viðbótar vegna stórra samninga
sem náðust við tryggingafélög í
Noregi og Svíþjóð. Stærstur hluti
veltunnar hjá Grænni framtíð kem-
ur frá Skandinavíu og Kanada en
þjónusta við íslensk fyrirtæki leik-
ur einnig veigamikið hlutverk.
„Við höfum einkum starfað með
tryggingafélögunum en líka unnið
að ýmsum sérverkefnum, eins og
þegar við tókum við öllum gömlu
posunum þegar posatæknin var
endurnýjuð á Íslandi, og risastóru
verkefni sem við leystum með
Landspítalanum þegar þar var
skipt um prentara og fleiri raf-
tæki,“ segir Bjartmar.
Hann leggur áherslu á að Græn
framtíð endurnýtir raftækin frekar
en að endurvinna þau, og þá eink-
um smærri tæki á borð við fartölv-
ur, tónhlöður og snjallsíma. „Við
notum einkum svokallaða A- og B-
flokkun þar sem gert er við
skemmd tæki með varahlutum úr
öðrum notuðum tækjum sömu teg-
undar. Úr tveimur skemmdum
tækjum, A og B, má þannig búa til
eitt nothæft tæki úr heillegum
hlutum beggja tækja.“
Verndar auðlindir jarðar
Að sögn Bjartmars mættu íslensk
fyrirtæki vera duglegri að endur-
nýta þau raftæki sem skemmast
eða úreldast. „Öruggt er að lang-
flestir láta raftækin í endurvinnslu,
í samræmi við sína sorp- og um-
hverfisstefnu, en með endurnýtingu
er hægt að gera enn betur, gefa
tækjunum framhaldslíf og þannig
m.a. spara það hráefni, s.s. fágæta
góðmálma, sem annars færi í að
framleiða nýtt tæki.“
Fer endursamsetningin í flestum
tilvikum fram á Íslandi en annars
eru tækin send til samstarfsaðila
Grænnar framtíðar í Evrópu.
„Tækin sem við sendum frá okkur
fara aldrei austar en til Póllands.
Eflaust væri hægt að láta samsetn-
inguna fara fram í SA-Asíu þar
sem vinnuafl er ódýrara en með því
að halda ferlinu innan Evrópu
tryggjum við að starfsemin uppfylli
reglugerðir Evrópusambandsins
um raftækjaúrgang. Við viljum líka
hafa sem mest af starfseminni á Ís-
landi því við höfum orðið þess
áskynja að erlendir viðskiptavinir
kunna að meta orðspor Íslands og
ímynd sem umhverfisvænt land.“
Sem fyrr segir eru það einkum
tryggingafélög sem Græn framtíð
þjónustar. Fær Græn framtíð þá í
hendurnar skemmt raftæki sem
tryggingafélagið hefur þurft að
bæta tryggingatakanum. Græn
framtíð greiðir fyrir tækið í sam-
ræmi við ástand þess, og oft upp-
hæðir sem um munar. „Í sumum
tilfellum nær tryggingafélagið til
baka allt upp í 30% af uppruna-
legum tryggingarkostnaði,“ segir
Bjartmar.
Hvað verður um gögnin?
Fylgt er ströngum ferlum og meðal
annars rík áhersla lögð á gagna-
öryggi. Á mörgum raftækjum eru
oft viðkvæm persónuleg gögn, s.s.
myndir og lykilorð, sem óprúttnir
aðilar gætu nálgast þó tækið sé að
öðru leyti ónothæft. Bjartmar segir
almenning oft ekki gera sér nægj-
anlega grein fyrir því hvort þeir
sem taka við skemmdum eða bil-
uðum tækjum eru með vandaða
ferla til að tryggja gagnaöryggið.
„Í okkar tilviki er leysigeisla-
stýrður bor sem gerir gat á alla
harða diska og eyðileggur þá gjör-
samlega.“
Endurnýta raftæki frá
Kanada og Skandinavíu
 Samningar erlendis kalla á stækkun hjá Grænni framtíð
 Íslensk fyrirtæki geta gert betur í endurnýtingu raftækja
Ljósmynd / Græn framtíð
Stækkandi Græn framtíð hefur náð góðum árangri á undanförnum fimm
árum við endurnýtingu raftækja. Bjartmar Alexandersson stofnandi.
Félag viðskiptafræðinga og hag-
fræðinga, FVH, hefur valið Árna
Odd Þórðarson sem viðskiptafræð-
ing ársins. Forseti Íslands afhenti
verðlaunin við hátíðlega athöfn á Ís-
lenska þekkingardeginum sem hald-
inn var á föstudag.
Árni er með cand. oecon-próf frá
HÍ og MBA frá IMD í Sviss. Hann
tók við starfi forstjóra Marel árið
2013 en hafði áður setið í stjórn fé-
lagsins í átta ár. Í dag er hann einn-
ig stjórnarmaður í félaginu Fokker
Technologies.
Áður var Árni forstjóri Eyris In-
vest og starfaði
einnig hjá Bún-
aðarbankanum
um skeið.
Í umsögn dóm-
nefndar segir
meðal annars að
„hjá Marel hefur
mikið vatn runnið
til sjávar á þeim
tíma sem Árni
Oddur hefur verið forstjóri og hef-
ur hann leitt félagið gegnum miklar
breytingar með nýsköpun og fram-
sækni að leiðarljósi“. ai@mbl.is
Árni Oddur valinn við-
skiptafræðingur ársins
Árni Oddur
Þórðarson
Skuldabréfasala stærstu olíu- og gas-
fyrirtækja Bandaríkjana og Evrópu
var 60% hærri á fyrstu tveimur mán-
uðum þessa árs en á síðustu þremur
mánuðum síðasta árs. Samkvæmt
greiningum Morgan Stanley hefur
skuldabréfasala olíu- og gasgeirans
aldrei verið meiri á ársfjórðungs-
grundvelli, en fyrra met var slegið
fyrir sex árum.
Sex af evrópskum og bandarískum
fyrirtækjum, þeirra á meðal Exx-
onMobil, Chevron, Total og BP, seldu
skuldabréf fyrir 31 milljarð dala í jan-
úar og febrúar. Á heimsvísu seldu ol-
íu- og gasfyrirtæki skuldabréf fyrir
63 milljarða dala á tímabilinu, að því
er Financial Times greinir frá.
FT hefur eftir greinendum að þessi
mikla skuldabréfasala stafi af því að
lækkandi heimsmarkaðsverð á olíu
hafi valdið þeim lausafjárþurrð. Þá
geti fyrirtækin verið að búa í haginn
fyrir kaup á smærri, meira veikburða
fyrirtækjum í geiranum sem mörg
hver eiga í erfiðleikum vegna þróunar
olíuverðs.
Einnig eru vextir lágir og því ekki
dýrt að skuldsetja fyrirtækin til að
fjármagna stór verkefni og arð-
greiðslur. Ítalska orkufyrirtækið Eni
hefur sagst ætla að minnka arð-
greiðslur í ár en flest hin stóru olíu-
og gasfyrirtækin hafa lýst yfir að þau
muni standa vörð um greiðslur til
hluthafa þrátt fyrir þær hremmingar
sem geirinn hefur orðið fyrir.
ai@mbl.is
Olíurisar selja skuldabréf
fyrir metupphæðir
 Skortir lausafé
vegna verðþróunar
AFP
Dæla Lækkað heimsmarkaðsverð
gæti hrist upp í olíugeiranum.
Hlutabréfaverð Facebook náði
nýju hámarki á föstudag og
styrktist samtals um 7,4% yfir vik-
una. Markaðsvirði fyrirtækisins
jókst um 16,1 milljarða í við-
skiptum síðustu viku og er Facebo-
ok nú metið á 231,6 milljarða dala,
jafnvirði um 31.800 milljarða
króna.
Að sögn MarketWatch ýtti þetta
markaðsverði samfélagsvefsins
vinsæla upp fyrir bankann JP
Morgan Chase & Co, sem í dag er
metinn á 228,2
milljarða dala.
Er Facebook
nú komið í hóp
tíu stærstu fyr-
irtækja S&P 500
vísitölunnar,
mælt í markaðs-
verðmæti. Næsta
fyrirtæki fyrir of-
an Facebook á listanum er General
Electric sem nú er metið á 255
milljarða. ai@mbl.is
Markaðsvirði Facebook
yfir 230 milljarða dala
Mark Zuckerberg