Húnavaka - 01.05.1979, Side 36

34
HÚNAVAKA
Hjaltabakka helsti andstæðingur Guðmundar í Ási ekkert spenntur
fyrir mér og einnig minnist ég þess að Jón á Þingeyrum var mér mjög
andsnúinn. Siðar urðum við Jón hinir bestu vinir og unnum saman að
fjölmörgum málum. Sömu sögu er einnig að segja um marga aðra, sem
unnu gegn mér í kosningunum enda reyndi ég að hafa náin og góð
samskipti við öll mín sóknarbörn.
En þótt ýmsir sjálfstæðismenn hafi verið mér andsnúnir var ekki þá
sögu að segja af öllum. T.d. var einn minn besti stuðningsmaður
Þorsteinn Bjarnason kaupmaður á Blönduósi, sem á þessum árum var
í raun ókrýndur konungur Blönduósinga. Ég var einn í kjöri og fór
kosning svo, að ég var löglega kjörinn þótt nokkrir skiluðu auðu.
Hver fundust þér ánœgjulegustu prestverkin?
— Öll prestsstörf þóttu mér alla tíð ánægjuleg. Þá hafði ég hvað
mesta ánægju af samskiptum við börn og unglinga. Kennslustörf voru
mér ávallt mjög hugleikin og með mínum skemmtilegustu prestverk-
um var að búa börn undir fermingu. Einnig fannst mér ánægjulegt að
skíra börn. Þá var einnig ánægjulegt að gefa fólk saman í hjónaband,
þótt maður renndi blint í sjóinn með á hvern hátt hjónabandið
reyndist.
Sorgarathafnir gátu oft verið mjög áhrifaríkar og þá var yfirleitt
hvað auðveldast að ná til fólkins. Ég gerði mér alla tið far um að hitta
nánustu aðstandendur þeirra sem létust og ræða við þá hughreyst-
andi. Sérstaklega átti þetta við ef svipleg dauðsföll bar að höndum.
Við slíkar aðstæður er mikill léttir fyrir syrgjandi aðstandendur ef
prestur kemur og talar hughreystandi við þá.
Hvernig var kirkjusóknin?
— Ekki var hún nú nógu góð, sérstaklega á mínum fyrri prestsárum.
En hún fór vaxandi. Og eftir að farið var að útvarpa messum jókst
kirkjusóknin og var það því á allan hátt til góðs. Einnig varð aukið
söngstarf í kirkjum til þess að auka kirkjusókn.
Á Blönduósi varð aldrei messufall, enda var fjöldinn þar mestur. En
stundum kom það fyrir á mínum fyrri árum að messufall varð á
Þingeyrum og Undirfelli. Síðari árin var ég hættur að messa hvern
sunnudag, enda þýddi ekki að messa mjög oft.
Nú þurftir þú að ferðast mikið og oft við erfiðar aðstœður. Mannstu eftir
einhverju sérlega erfiðu ferðalagi, eða jafnvel háskalegu?