Húnavaka - 01.05.1979, Qupperneq 93

HÚNAVAKA
91
níuviknaföstu 1870. Svo var kirkjuhúsið vel gert að vinnu og efni að
enn stendur það ósnarað eftir 108 ár. Kirkjan stendur á bersvæði.
Hefir þvi oft blásið hvasst um hana en hún ekki látið á sjá nema
nokkuð var hún orðin veðruð. Fyrir 12 árum var kirkjan múrhúðuð að
utan en vafasamt er að það verði til endingarauka fyrir hið aldna hús
og viðir þess verjist svo vel sem áður meðan meira blés um þá. Að-
stoðarsmið hafði Sigurður við þessa byggingu, það var Hinrik
Magnússon sem þá var að læra trésmíði. Gaman væri að vita hvort
hann þá hefði dreymt fyrir þvi að 40 árum seinna væri hann orðinn
kirkjubóndi á Hofi. Hann fluttist þangað frá Sæunnarstöðum á
Hallárdal með fjölskyldu sinni, Sólveigu Eysteinsdóttur, fjórum son-
um sínum og tveimur dætrum. Hinrik búnaðist ekki vel á Hofi. Þar
missti hann sína ágætu konu og son sinn Eystein. Eftir sjö ár má segja
að hann færi þaðan slyppur og snauður. Áður hafði Hinrik búið á
Tindum, Orrastöðum og fleiri jörðum þar fremra. Smiður var Hinrik
talinn góður og sérstaklega fyrir hve vandvirkur hann var og hefir
Hofskirkja sennilega notið þess alla tíð að hann fór um smíði hennar
trúverðugum höndum.
Þess er gaman að geta í sambandi við vísitasíu prófasts að hann
boðaði ungdóm prestakallsins til spurninga að Hofi og fékk hann þann
vitnisburð að hann væri vel lesandi og kunnandi eins og prófastur
orðaði það.
Þegar Sigurður smiður Helgason hafði lokið sínu ,,akkorði“ hafði
kirkjan kostað 997 rikisdali og 72 skildinga. Þá var sjóður hennar
eyddur og hún farin að skulda. Þá var enn eftir að setja grátur og
hvelfingu og var þeirri framkvæmd frestað þar til siðar er fé væri fyrir
hendi.
Hofskirkja hefir alltaf verið vinsæl. Það hefir einkum komið fram í
því að sóknarbörnin hafa séð þörf hennar og bætt úr, oft henni að
kostnaðarlausu. Bæði með frjálsum peningasamskotum, ágóða af
samkomum eða beinum peningaframlögum frá einstaklingum. Einn-
ig hafa kirkjunni borist góðir gripir gjörðir af meistarahöndum. Nefni
ég þar fyrst altarisdúk, gjörðan og gefinn af frú Dómhildi Jónsdóttur. í
hann er saumuð mynd af Hofskirkju. Kirkjunni hefir verið gefinn
róðukross, skírnarfontur og siðast en ekki síst Biblía af velunnurum
sinum.
Fyrst og fremst tel ég vinsældir kirkjunnar sprottnar af þvi hve
heppin hún hefir verið með presta sína. Þeir hafa allir verið vinsælir