Húnavaka - 01.05.1979, Page 100

98
HÚNAVAKA
Mörður þó ei byði blak
breytni fyrir sína,
aldar var hann afbrags hrak,
eitruð flærð af honum lak.
(Vísurnar skrásettar eftir Signýju Sæmundsdóttur frá Gafli).
Helga giftist ekki en eignaðist barn í lausaleik. Var það svein-
barn og fæddist 23. sept 1825. Var hann skírður Sigvaldi.
Barnsfaðirinn var ráðsmaður ekkjunnar i Litladal, Benedikt
Benediktsson frá Ytri-Ey, Jónssonar. Var þetta annað lausa-
leiksbrot Benedikts. Var hann kominn um þrítugt og hafði ekki
enn staðfest ráð sitt. Fyrsta barn Benedikts fæddist að Ljótshól-
um 29. nóv. 1813. Móðirin var vinnukona þar á bæ og giftist
síðar Gísla Jónssyni bónda á Snæringsstöðum, og kemur hún því
síðar við sögu í þáttum þessum. Barninu var lífs auðið. Var það
sveinbarn, Jón Benediktsson, sem síðar var bóndi á Skúfi á
Norðurárdal.
Ástin er stundum hverful og svo reyndist hér. Rúmum þrem
mánuðum eftir að Sigvaldi litli fæddist eignaðist Benedikt ráðs-
maður barn með stúlku suður á Álftanesi.
Maddaman í Litladal hefir ekki tekið þessum atburðum
þegjandi og hljóðalaust. Hér munu hafa orðið hörð átök.
Drengurinn nýfæddi í Litladal var tekinn frá móðurinni og
komið fyrir uppi í Þrætugerði í Blöndudal, en svo nefndist þá
Austurhlíð. Þar bjó þá Jónatan Jónsson föðurbróðir Benedikts
frá Ytri-Ey. Þarna deyr Sigvaldi litli 10. júlí 1826.
Óvild varð mikil milli foreldra barnsins. Helga ávarpaði
barnsföður sinn í ljóði þannig:
Gáðu að hvert þín liggur leið
lífs að byggðum eða hitt,
áður kífs að endar skeið,
yzt að grafarbökkum þitt.
Helga flytur frá Litladal að Hjaltabakka árið 1831 og þaðan
árið eftir, en ekki tilgreint í kirkjubók hvert. Sennilega hefir hún
farið til Gísla bróður síns, sem þá var fluttur austur í Múlasýslu
og dáið hjá honum 1843 eins og fyrr segir.