Húnavaka - 01.05.1979, Page 156

154
HÚNAVAKA
nefndarfundi Iþróttasambands íslands fyrir liönd U.S.A.H. Hann sat
í hreppsnefnd hins forna Vindhælishrepps í 5 ár og síðan Höfðahrepps
í 7 ár. Hann var fulltrúi Höfðahrepps í sýslunefnd 1962-1971. Hann
starfaði mikið í Leikfélaginu enda góður leikari. Hann var um 20 ár
fulltrúi á aðalfundi Fiskideildar Norðurlands á Akureyri og formaður
Fiskideildar á Skagaströnd. Ingvar Jónsson var formaður sjúkrasam-
lags Höfðakaupstaðar 1950-1971 og í stjórn Sparisjóðs Skagastrandar
frá 1962-1971 Hann tók þátt í kaupfélags- og æskulýðsmálum.
Ingvar Jónsson var sæmdur heiðursmerki sjómannadagsins. Enda
hafði hann verið formaður sjómannadagsráðs lengst allra yfir 30 ár.
Þá var hann kjörinn heiðursfélagi U.S.A.H. og í Lionsklúbbi
Höfðakaupstaðar en hann var einn af stofnendum hans. Hann var
hreppstjóri Höfðahrepps frá 1960-1971, þá um leið formaður skatta-
nefndar og þá leiðbeinandi þegnum um þessi mál sem er í meðallagi
vinsælt starf. Er þá lítið um heillaóskir, né fögnuð manna er skatta-
tölurnar birtast lýðnum. Enda innti ég Ingvar hreppstjóra eftir því
hvort þetta væri ekki erfitt starf, sagði hann þá: Ég rífst aldrei við
nokkurn mann. En prúðmennska og kurteisi var Ingvari í blóð borin.
Hann kom vel fyrir á mannfundum, og var létt um mál og oft athugull
og lagði gott til málanna. Mátti segja að hann væri fulltrúi útávið á
mannfundum, heima í héraði og utan þess. Ferðalög áttu vel við
Ingvar og að blanda geði við menn á mannfundum og fór honum
þetta vel úr hendi. Hann var góðgjarn maður og vildi gera gott.
Hann var um fjölda ára í sóknarnefnd Hólanesskirkju og formaður
nefndarinnar og safnaðarfulltrúi í 20 ár. Meðhjálpari lengst allra.
Man ég vel hvað mér fannst gott að hafa hann sem meðhjálpara,
prúðan og virðulegan, það var oft sem ég fyndi yl frá hugsunum góðs
manns.
Ingvar Jónsson var í tölu þeirra er settu svip á bæinn eins og Jón
biskup Helgason orðaði það um gamla Reykvíkinga. Þau störf er
Ingvar innti af hendi voru eigi til þess að skapa gull né gróða, en meira
fallin til þess að vera sjálfboðastörf í þágu félagslífs og þjóðfélags. En
til þess að hljóta meðbyr sinna starfa þurfa menn að eiga álit sinna
samstarfsmanna og traust þeirra, en það átti Ingvar í ríkum mæli, og
var fastur á sinni skoðun er þess þurfti við.
Ingvar hlaut heilsutjón 1971 í vordögum og dvaldi síðan á Héraðs-
hælinu. Hann var jarðsettur 3. ágúst á Blönduósi.
Sr. Pétur Þ. Ingjaldsson.