Húnavaka - 01.05.1979, Síða 194

192
HÚNAVAKA
heildsöludreifingu á framleiðsl-
unni, einnig fleiri heildsölufyrir-
tæki.
Hvernig er að koma svona fram-
leiðslu af stað?
— Það er gífurlega erfitt.
Vegna verðbólgu og allskonar
verðhækkana hefur fjárfestingar-
kostnaður farið langt fram úr
áætlun og búið er að ákveða að
hækka hlutaféð úr 40 i 60
milljónir króna, og er unnið að
útvegun þess fjár. Fjárfesting er
orðin um 140 milljónir króna og
helsta vandamálið nú er að út-
vega rekstrarfé. Þrátt fyrir þessa
miklu örðugleika tel ég hreint
glapræði að gefast upp á þessu
stigi málsins. Það er út í bláinn að
stofna hér hvert fyrirtækið á fæt-
ur öðru í framleiðsluiðnaði og
láta flest renna út í sandinn.
Okkar staða er þannig í lands-
kerfinu að mér finnst sjálfsagt að
við fáum líka fyrirgreiðslu varð-
andi iðnaðinn og sjávarútvegur
nýtur þar sem hann er stundaður.
Sökum lélegra hafnarskilyrða tel
ég ekki líklegt að við verðum til
stórra átaka í sjávarútvegi og
þeim mun meiri áherslu verður
að leggja á landiðnaðinn eigi
byggð að þróast eðlilega hér á
Blönduósi.
Hvað vinna margir hjá fyrirtœkinu?
— Hjá okkur vinna nú níu
manns á vöktum allan sólar-
hringinn. Þannig fæst hagkvæm
nýting á vélarnar. En möguleik-
arnir eru geysimiklir og ef við
komumst yfir byrjunarörðugleik-
ana getur starfsemin stóraukist
því að þörfin á plastiðnaði fer
stöðugt vaxandi.
Jóh. Guðm.
HEYBRUNI AÐ SÖLVABAKKA.
Um klukkan eitt aðfaranótt
sunnudagsins 15. okt. varð eldur
laus í hlöðu við fjósið á Sölva-
bakka í Engihlíðarhreppi. Fólk
var ekki sofnað og heyrði Jón
faðir Arna bónda ókennileg hljóð
og leit út um glugga. Stóð þá
eldur upp úr hlöðuþakinu, en
fjósbyggingin er áföst íbúðarhús-
inu. Mikil mildi var að vindur
stóð af bæ.
Slökkviliðið á Blönduósi kom
fljótt á vettvang svo og fjöldi
manna úr nágrenninu. Tókst að
verja aðrar byggingar en hlöð-
una, en þak hennar, dyra- og
gluggabúnaður gjöreyðilagðist. I
hlöðunni voru um 800 m3 af
þurrheyi og eyðilagðist það svo til
alveg. Votheysgryfja er í öðrum
enda hlöðunnar og reyndist vot-
heyið að mestu óskemmt.
Strax á sunnudag voru viðir í
nýtt þak komnir að Sölvabakka
og var byrjað að smíða sperrur
áður en slökkvistarfi var lokið.
Þak var síðan komið á hlöðuna á
ný um miðjan dag á miðvikudag.