Húnavaka - 01.05.1979, Síða 203

HÚNAVAKA
201
ófullnægjandi. Varð þessi bygg-
ing fokheld eftir áramót og tekst
vonandi að koma búningsaðstöð-
unni í gagnið fyrir vorið.
Hitaveituframkvæmdum var
haldið áfram á árinu og var í árs-
byrjun unnið að tengingu húsa og
hafa flest hús verið tengd eða um
240 hús. Gengið var frá garðinum
yfir aðveituæðina frá Reykjum
og sáð í hana.
I ágústmánuði var ljóst að
vatnsmagnið úr borholunum að
Reykjum hafði minnkað verulega
og var þá komið niður í það magn
sem hitaveitan þarf á að halda.
Þegar leið á haustið virtist vatns-
rennslið minnka enn og í nóvem-
ber varð að grípa til þess ráðs að
aftengja ýmis stærstu húsin hita-
veitunni og kynda þau með olíu.
Samhliða þessum vatnsskorti
hefur verið nokkurt þrýstingstap,
sem valdið hefur talsverðum erf-
iðleikum við að halda nægilegum
hita í sumum húsum. Til stóð að
fá boraða nýja holu á Reykjum,
og var undirbúningi lokið í nóv-
ember. Ekki tókst að fá bor til að
vinna verkið á s.l. ári, en vonir
standa til að borinn Narfi komi
hingað frá Laugalandi í Eyjafirði
í byrjun mars. Reikna má með að
þessi framkvæmd kosti á bilinu
50 til 80 milljónir króna.
Hafnarframkvæmdum á síð-
astliðnu ári var frestað. Fjárveit-
ing ríkisins var of smá að dómi
Vita- og hafnamálastjórnar til
þess að hægt væri að hefjast
handa. Mjög brýnt er orðið að
setja grjótvörn við hafnargarðinn
til að verja hann skemmdum.
í september gerði Blönduós-
hreppur samning við sýslunefnd
A.-Hún. og Menntamálaráðu-
neytið og fékk þar með umráða-
rétt yfir húsnæði Kvennaskólans
á Blönduósi. Húsnæðið verður
fyrst og fremst notað fyrir skóla-
starf á vegum Grunnskólans og
bætir það aðstöðu hans til muna.
E. E.
FRA starfi kirkjunnar.
Dagana 7.-12. mars dvaldi söng-
málastjóri Þjóðkirkjunnar,
Haukur Guðlaugsson á Blöndu-
ósi og æfði kirkjukóra í héraðinu.
I lok dvalar hans var haldin
guðsþjónusta í Blönduóskirkju,
sunnudaginn 12. mars. Sr.
Hjálmar Jónsson á Bólstað
predikaði en sóknarprestur þjón-
aði fyrir altari. Söngmálastjóri
lék á orgelið og stjórnaði söng.
Söngfólk úr 8 kirkjukórum söng
við guðsþjónustuna.
Að lokinni guðsþjónustu bauð
sóknarnefnd Blönduóssóknar til
kaffidrykkju í Félagsheimilinu,
þar sem sóknarprestur ávarpaði
söngmálastjóra og þakkaði hon-
um fyrir komuna.