Húnavaka - 01.05.1979, Page 206

204
HÚNAVAKA
nú lýst nokkuð. Úr sjálfhleðslu-
vagni er heyið losað í svonefndan
heymatara er flytur það með
jöfnum hraða í sambyggðan hey-
blásara er þeytir því áfram eftir
rörum sem lögð eru eftir risi
hlöðunnar. Rörin ýmist dragast
saman eða teygjast í sundur og
dreifistútur á enda þeirra kastar
heyinu jafnt til beggja hliða.
Búnaður þessi, bæði matarinn og
sjálfur dreifibúnaðurinn, er raf-
knúinn og sjálfstýrður þannig að
ekki þarf að snerta með hendi við
verkinu eftir að samstæðan er
komin í gang. Að sögn Erlendar
tekur um 10 minútur að blása inn
heyi af 28 rúmmetra vagni.
Jóh. Guðm.
MINNISVARÐI
AÐ YTRI-EV.
A aðalfundi Kvenfélagasam-
bandsins er haldin var að Geita-
skarði 1970 flutti fulltrúi Kven-
félagsins Einingar á Skagaströnd
tillögu, um að þessi félagasamtök
tækju sér fyrir hendur að koma
upp á Ytri-Ey einhvers konar
merki um að þar hafi verið
menntasetur um langt skeið.
Hugmyndina átti Sigriður
Guðnadóttir er lengi var formað-
ur Einingar. Þessari tillögu var að
sjálfsögðu vel tekið og þegar
skipuð nefnd til að hrinda henni í
framkvæmd. Þetta mál lá samt
að mestu leyti niðri, þar til fyrir
þremur árum, að nefndarkonur
undir forustu Dómhildar Jóns-
dóttur, en með henni í nefndinni
eru Anna Aspar og Þórhildur
Isberg, fóru að vinna að þessu
máli með þeim ásetningi að koma
upp veglegum minnisvarða á
hundrað ára afmæli Kvenna-
skólans 1979.
Minnisvarðann hefir listamað-
urinn Jónas Jakobsson teiknað.
Þetta verður fjögurra metra
hár steinsteyptur varði, þrí-
strendur, á honum eirskildir með
myndum, af gamla skólahúsinu,
Elínu Briem og einnig erindi úr
skólasöng Matthiasar Jochums-
sonar.
Stefán bóndi á Ytri-Ey og kona
hans, hafa gefið land undir
minnismerkið.
Allar verklegar framkvæmdir
eru í höndum Guðmundar
Lárussonar. Ákveðið er að minn-
ast þessara merku tímamóta i
starfi skólans við hátíðaguðs-
þjónustu í Höskuldsstaðakirkju
17. júní.
Að lokinni þeirri athöfn verður
farið að Ytri-Ey þar sem minnis-
varðinn verður afhjúpaður. Er
það von okkar að sem flestir vel-
unnarar skólans sjái sér fært að
koma að Höskuldsstaðakirkju
þennan hátíðisdag.
Þórhildur Isberg.