Húnavaka - 01.05.1979, Page 210

208
HÚNAVAKA
gerðastarfsemi og líknarmál.
Stefnt er að því að félagar verði
orðnir 25 í maí svo að hægt verði
að halda vígsluhátíð.
Þessa dagana er Lionsklúbbur
Blönduóss að leita sér að verðugu
verkefni til þess að vinna að á af-
mælisárinu, en klúbburinn verð-
ur 20 ára í vor. Starfið hefur verið
í miklum blóma í vetur og áhugi
félaga með eindæmum mikill.
Fjáröflun hefur verið með svip-
uðu sniði og áður, en þar ber hæst
rækjuveiðar og vinnslu. Verkefn-
in virðast óþrjótandi, og reynt er
eftir bestu getu að sinna sem
flestum.
Junior Chambers Húnabyggð
hefur haldið sínu striki. Þeir að-
stoðuðu slysavarnardeildina
Blöndu í brunavarna herferðinni,
m.a. með útgáfu á blaði um
bruna og slysavarnir í samvinnu
við þá, og einnig hafa þeir gefið
út bæklinga um fyrirbyggjandi
aðgerðir vegna slysa af völdum
eiturefna og ýmislegt fleira.
Klúbbstarfið er mjög fjölbreytt
og má nefna að þeir eru ný-
komnir úr ferð til Hafnarfjarðar
þar sem þeir sigruðu J.C. Hafn-
arfjörð í mælskukeppni.
Þátttaka í starfi Bridgefélags
Blönduóss er heldur minni hin
síðari ár. Þó hafa þessar venju-
legu keppnir verið haldnar, og
einnig tekin upp sú nýbreytni að
heimsækja Hvammstangabúa og
spila við þá. Ágæt þátttaka var í
þeirri ferð, og eru miklar líkur á
að Hvammstangabúar komi og
spili við okkur eina kvöldstund.
Unnar.
SÓKN OG SIGRAR.
Á Blönduósi og Skagaströnd fóru
skákæfingar að jafnaði fram einu
sinni í viku í vetur. Skákmeistari
Skagastrandar varð Rúnar
Loftsson. Blönduós sigraði
Skagaströnd með 6V2 vinningi
gegn 3'/2. Fimm Húnvetningar
tefldu á skákþingi Norðlendinga.
Páll L. Jónsson varð Skákmeistari
Norðurlands 1978 en Jón Torfa-
son varð annar — báðir með 5
vinninga af 7 mögulegum. Jón
Hannesson hlaut 3Vá vinning.
Anton Jörgensen og Jón Jökuls-
son tefldu í unglingaflokki og
stóðu sig með ágætum.
Stórmeistarinn W. Lombardy
tefldi fjöltefli á Blönduósi í
febrúar við 50 manns. Hann tap-
aði tveim skákum og gerði tvö
jafntefli.
Minningarmót Jónasar og Ara
fór fram í aprílbyrjun. Sævar
Bjarnason og Jón Torfason urðu
efstir með 5'/2 vinning af 6 en
keppendur voru 12 talsins í eldri
flokki. í unglingaflokki sigraði
Ólafur Baldur Reynisson eftir
harða baráttu við Anton Jörgen-
sen. Keppendur voru 18.