Húnavaka - 01.05.1997, Blaðsíða 182

180
HÚNAVAKA
og var heyið lengi flutt á klökkum heim að bæ. Sömuleiðis þurfti lengi
vel að flytja mjólkina á klökkum yfir hálsinn til Sólheima en þar tók
mjólkurbíllinn hana eftir að Mjólkursamlagið tók til starfa á Blönduósi.
Ingvar kveinkaði sér hvergi. Hann vann mikið sjálfur og stjórnaði börn-
unum. Þó var hann tilfinninganæmur svo hann bognaði undan erfiðleik-
um en hann brotnaði ekki. Nágrannar og samferðamenn dáðust að þeim
styrk sem hann bjó yfir og þó að skapbrigðin væru honum stundum fjöt-
ur um fót var festa hans og heiðarleiki öðru sterkara.
Ingv'ar var ræðinn og fróður, óvenju vel lesinn og hafði einstaklega
gott minni. Hann las allt sem hann komst yfir, átti margar bækur og
fylgdist með málefnum af öllu tagi. Hann sat um tíma í hreppsnefnd og
lagði skógræktarmálum lið, m.a. við að koma af stað skógrækt í Gunn-
fríðarstaðalandi. Hann var trúmaður og taldi ekki eftir sér að ganga yfir
hálsinn til kirkju sinnar á Svínavatni og tók þá vel undir sönginn.
Ingvar og Sigurlaug hættu búskap 1971 þegar Hannes, sonur þeirra,
tók við. Þau bjuggu þó enn í 10 ár heima á Asum en fluttu sfðan til
Hveragerðis þar sem þau voru í 2 ár. Arið 1983 komu þau norður og sett-
ust að á ellideild Héraðshælisins á Blönduósi. Sigurlaug lést í janúar 1986
en Ingvar var vel hress fram undir níræðisaldurinn. Aðeins fáar síðustu
vikurnar dvaldi hann á sjúkradeild.
Ingvar Agústsson hefur kvatt. Hans verður minnst sem góðs og heiðar-
legs drengs og vinar.
Utför Ingvars fór fram frá Svínavatnskirkju 19. október.
Sr. Stína Gísladóttir.
Steinunn Guðmundsdóttir Blöndal,
Blöndubakka
Fœdd 5. júní 1908 - Dáin 4. nóvember 1996
Steinunn Guðmundsdóttir Blöndal var fædd á Melum á I^alarnesi. For-
eldrar hennar voru hjónin, Guðmundur Brynjólfsson, síðar bóndi í Mið-
dal í Kjós og Guðbjörgjónsdóttir frá Brennu í Lundarreykjadal. Hún var
þriðja í röð átta alsystkina en auk þess átti hún eina hálfsystur sem látin
er en eftir lifa tvö alsystkini hennar.
Barn að aldri var hún send í fóstur til móðursystur sinnar, Sigríðar
Jónsdóttur og manns hennar, Bjarna Bjarnarsonar bónda að Vatnshorni
í Skorradal.
Framan af ævi vann hún m.a. að fiskiþvotti í Reykjavík er var hlutskipti
svo margra kvenna á þeim tímum.