Morgunblaðið - 09.05.2015, Blaðsíða 22

22 FRÉTTIRViðskipti | Atvinnulíf
MORGUNBLAÐIÐ LAUGARDAGUR 9. MAÍ 2015
Smáralind | Kringlunni | Reykjanesbæ | sími 511-2022 | www.dyrabaer.is
Fóðurtunna fylgir frítt
með 15 kg pokum.
15 kg verð 9.985 kr.
Hentar vel í Hvalaskoðun. Afhendist full skoðaður
og skráður á Íslandi í lok maí. Verð 122 milljónir kr.
Uppl í síma 896 6278 Gunnar
Til sölu 120 manna farþegabátur
Stefán E. Stefánsson
Kristinn Ingi Jónsson
Nýtt bindandi álit ríkisskattstjóra
um skattlagningu eftirgefinna
skulda þrotabúa, sem Morgunblaðið
greindi frá í gær, hefur vakið mikil
viðbrögð lögfræðinga og endurskoð-
enda. Þeir sérfræðingar sem Morg-
unblaðið hefur rætt við eru flestir
sammála um að í álitinu felist ný
túlkun á því hvernig haga skuli
skattalegri meðferð við niðurfellingu
krafna við gjaldþrotaskipti.
„Þessi niðurstaða ríkisskattstjóra
er mjög einkennileg stjórnsýsla, svo
ekki sé fastar að orði kveðið,“ segir
Hróbjartur Jónatansson, hæstarétt-
arlögmaður og formaður slitastjórn-
ar VBS eignasafns hf. „Nú er það
skyndilega og fyrirvaralaust orðið
viðhorf ríkisskattstjóra að það tap
sem kröfuhafar þurfa að þola vegna
gjaldþrots skuldara sé orðið skatt-
stofn sem gefi ríkinu forgang að
þeim reytum sem þó eru eftir í gjald-
þrota búi. Mér er ekki kunnugt um
að þessi breytta afstaða sé á grunni
lagabreytingar.“
Þá er KPMG jafnframt ósammála
meginniðurstöðu ríkisskattstjóra.
Að áliti félagsins er röng sú forsenda
sem RSK gefur sér, að það feli í sér
eftirgjöf á skuldum að eignir hrökkvi
ekki fyrir þeim.
„Með kröfulýsingu í bú gerir
kröfuhafi kröfu til fullra efnda. Hann
verður hins vegar að sæta því að fá
ekki fullar efndir vegna ónógra
eigna skuldara. Í því felst ekki eft-
irgjöf, heldur tap á kröfu,“ segir
meðal annars í skriflegu svari
KPMG.
Slitastjórnir tjá sig ekki
Slitastjórnir föllnu viðskiptabank-
anna þriggja hafa ekki kynnt sér hið
bindandi álit og raunar höfðu tvær
þeirra ekki vitneskju um niðurstöðu
ríkisskattstjóra fyrr en Morgunblað-
ið fjallaði um málið í gær. Ljóst má
þó vera að álitið verði skoðað ofan í
kjölinn á vettvangi þeirra, enda
myndi 36% tekjuskattur á þær
skuldir umfram eignir sem ekki fást
greiddar við uppgjör búanna geta
breytt því með afgerandi hætti
hversu miklar heimtur kröfuhafa
verði við lok búskipta. Í samtölum
við aðila á vettvangi slitastjórnanna
kom þó berlega í ljós að þar á bæ eru
menn mjög ósammála túlkun ríkis-
skattstjóra og telja nauðsynlegt að
leitað verði álits yfirskattanefndar á
því hvort túlkunin standist skoðun.
Breyttir viðskiptahættir?
Hróbjartur segir að ef álit ríkis-
skattstjóra standist skoðun og verði
ekki hnekkt af yfirskattanefnd
kunni það að hafa ófyrirséðar afleið-
ingar í för með sér í íslensku við-
skiptalífi. „Ef geðþóttastjórnsýsla af
þessu tagi telst standast lög, þá er
óhjákvæmilegt að það muni hafa
veruleg áhrif á viðskiptalífið og það
hvernig menn stunda viðskipti sín í
milli. Augljóst er þá að við gjaldþrot
verður réttur almennra kröfuhafa til
úthlutunar í þrotabúi talsvert lakari
en verið hefur og það úrræði kröfu-
hafa að knýja skuldara í gjaldþrot
þjónar því vart hagsmunum þeirra.
Ríkið myndi þá fitna, eins og púkinn
á fjósbitanum.“
Hróbjartur telur reyndar að þessi
túlkun ríkisskattstjóra standist ekki
skoðun og að skattlagningin eigi ein-
faldlega ekki við í þeim tilvikum þar
sem til gjaldþrots kemur. „Hér er
ríkisskattstjóri bersýnilega að
ganga út fyrir allt meðalhóf við skýr-
ingu skattalaga enda augljóst að þau
lagasjónarmið sem eru að baki
skattlagningu á eftirgjöf vegna
nauðasamninga eiga ekki við þegar
kemur til gjaldþrots.“
Segja ríkisskattstjóra
ganga of langt í túlkun
Ljósmynd/Árni Sæberg
Álit Eftirgjöf skulda mun bera 36% tekjuskatt, samkvæmt bindandi áliti.
 Lögmaður sakar skattayfirvöld um geðþóttastjórnsýslu
Rekstrarfélag
Alda sjóða hf. var
rekið með 36,8
milljóna króna
tapi á síðasta ári
samkvæmt árs-
reikningi. Félagið
hagnaðist um 8,4
milljónir króna
árið 2013 og 32
milljónir árið
2012.
Alda annast rekstur verðbréfa-
sjóða, fjárfestingarsjóða og fagfjár-
festasjóða. Hreinar rekstrartekjur
félagsins drógust saman um 3,7
milljónir á árinu og námu um 90
milljónum, en rekstrargjöldin jukust
um rúmar 40 milljónir og námu um
136 milljónum. Þórarinn Sveinsson
er framkvæmdastjóri Öldu.
kij@mbl.is
Alda sjóðir
skila tapi
Þórarinn
Sveinsson
 Rekstrarfélagið
tapaði 37 milljónum
Innheimtar tekjur ríkissjóðs námu
101,7 milljörðum króna fyrstu tvo
mánuði þessa árs, samkvæmt
greiðsluuppgjöri ríkissjóðs. Það er
2,9% samdráttur frá fyrra ári og
2,3% undir tekjuáætlun fjárlaga.
Samdrátturinn skýrist fyrst og
fremst af óreglulegum liðum, svo
sem eftirstöðvum frá fyrri árum og
vaxtatekjum af skattskuldum.
Einnig segir til sín brottfall auð-
legðarskatts og almennra vöru-
gjalda um áramótin, en skatttekjur
og tryggingagjöld drógust saman
um 1,2% á milli ára.
Greidd gjöld námu 113,8 millj-
örðum króna og jukust um 14,8
milljarða frá fyrra ári, eða um 15%.
Það er í samræmi við það sem gert
hafði verið ráð fyrir.
Handbært fé frá rekstri versnaði
verulega á milli ára og var neikvætt
um tæpa 48,2 milljarða króna, sam-
anborið við jákvætt handbært fé
upp á 5,3 milljarða á árinu 2014.
Þetta skýrist að stærstum hluta af
útgreiðslum vegna leiðréttingar
verðtryggðra húsnæðislána sem
gjaldfærðar voru í lok árs 2014 og
komu til greiðslu í janúar.
Lánsfjárjöfnuður batnar
Hreinn lánsfjárjöfnuður ársins var
neikvæður um 51,8 milljarða króna
en á sama tíma í fyrra var hann nei-
kvæður um 54,9 milljarða. Afborg-
anir af innlendum lánum ríkissjóðs
námu 4,6 milljörðum en engar er-
lendar afborganir voru á gjald-
daga.
Morgunblaðið/Ómar
Ríkisfjármál Greiðsluafkoma ríkissjóðs í janúar og febrúar liggur nú fyrir.
Skatttekjur ríkisins
hafa dregist saman
 Leiðréttingin minnkar handbært fé
Slitastjórn SPB hf., áður Icebank, hyggst kæra
bindandi álit ríkisskattstjóra, sem var gefið út í
kjölfar fyrirspurnar slitastjórnarinnar í tengslum
við möguleg skattskil búsins, til yfirskattanefndar.
Yfirskattanefnd er æðsti úrskurðaraðili á stjórn-
sýslustigi í skattamálum og tollamálum.
Álitið hefur vakið mikil viðbrögð meðal lögfræð-
inga og endurskoðenda og segja margir að í því fel-
ist ný túlkun á því hvernig eigi að fara með nið-
urfellingu krafna við gjaldþrotaskipti.
Embætti ríkisskattstjóra vildi ekki tjá sig um mál-
ið þegar eftir því var leitað í gær
Kært til yfirskattanefndar
BINDANDI ÁLIT RÍKISSKATTSTJÓRA
Skúli Eggert
Þórðarson