Morgunblaðið - 25.06.2015, Blaðsíða 19

19
MORGUNBLAÐIÐ FIMMTUDAGUR 25. JÚNÍ 2015
Hjólaskautadrottningar Þessar fótfimu stúlkur renndu sér á hjólaskautum af mikilli list við Hljómskálagarðinn í hægviðrinu sem hefur verið í höfuðborginni og verður áfram næstu daga.
Árni Sæberg
Það er ánægjuleg
tilbreyting að rífa sig
upp frá daglegu
amstri í höf-
uðstaðnum og verja
vikutíma í heimsókn
um kunnuglegar slóð-
ir nyrðra og eystra.
Landið skartaði sínu
fegursta í bjartviðri
alla leiðina norður,
fjöll snævikrýnd, út-
hagi grár eftir kalt
vor og lambfé enn á túnum. Þjóðveg-
urinn kemur betur undan vetri en
búast mátti við, ólíkt götunum í höf-
uðstaðnum. Blönduóslögreglan er á
sínum stað við umferðareftirlit og
þyrfti að eiga sér fleiri bandamenn á
hringveginum. Tilefni ferðar okkar
var að þessu sinni skólaslit við
Menntaskólann á Akureyri, sem ég
kvaddi fyrir 60 árum ásamt 43
bekkjarfélögum vorið 1955. Þriðj-
ungur hópsins er horfinn yfir móð-
una miklu, ámóta margir áttu ekki
heimangengt, en síðasti þriðjung-
urinn var hér samankominn og sam-
fagnaði ungum og eldri árgöngum
sem vitjuðu síns gamla skóla.
Skólabærinn Akureyri
Akureyri er vaxandi skólabær.
Fyrir tíu árum heimsóttum við
Verkmenntaskólann á Akureyri, og
sá skóli hefur dafnað og stækkað síð-
an, nemendafjöldinn um 1.200 síð-
asta skólaár. Nú lögðum við leið okk-
ar í Háskólann á Akureyri og
fengum góðar móttökur hjá Eyjólfi
Guðmundssyni rektor sem kynnti
stofnun sína af bjartsýni, enda skól-
inn vaxandi að nemendafjölda og
námsframboði, konur sem víðar í
drjúgum meirihluta. Einnig heim-
sóttum við Stofnun Vilhjálms Stef-
ánssonar í Borgum þar sem for-
stöðumaðurinn Níels Einarsson tók
á móti hópnum og greindi frá starfi
þessa norðurslóðaseturs sem gegnir
mikilvægu hlutverki innanlands og
alþjóðlega. Því tengist prófess-
orsstaða í norðurslóðafræðum við
háskólann. Megintilefnið var síðan
hátíðarhöld og skólaslit Mennta-
skólans eins og löng hefð
er orðin fyrir með sam-
komum í Íþróttahöllinni.
Þar er skipst á kveðjum
og gamanmálum og fram
fór hátíðleg útskrift 152
nýstúdenta að morgni
þjóðhátíðardags. Ekki
færri en 900 manns
hlýddu á efnismikla
skólaslitaræðu Jóns Más
Héðinssonar skólameist-
ara. Okkur gamlingum
þótti miður að heyra að
latínunám væri nú aflagt
í MA, hefðum heldur vilj-
að sjá það aukið en kastað fyrir róða.
Boðskapur skólameistara
Í útskriftarræðu sinni fjallaði
skólameistari MA meðal annars um
brotthvarf nemenda úr skóla og or-
sakir þess og nauðsynleg viðbrögð.
(Sjá heimsíðu skólans www.ma.is)
Tækniheimurinn og sölumennska
honum tengd tæki athygli nemend-
anna og við því þyrfti að bregðast
með því að skólarnir kenndu nem-
endum að nýta sér tækin til gagns.
Meginhugsjónin ætti að vera að efla
öryggi og sjálfsvitund nemenda með
ráðgjöf og fyrirbyggjandi aðgerðum.
Hins vegar væri eitt helsta vanda-
mál nemenda æfingarleysi í lestri,
og það þyrfti að bæta, helst með
samstarfi skóla og heimila. Eins
þyrfti að efla forvarnir gegn kvíða og
vaxandi vanlíðan skólanemenda.
Hafin væri í skólanum rannsókn
nokkurra kennara með nemendum,
sem stefndi að því að nemendur
rannsaki eigin feril og finni leiðir til
að bæta árangur sinn í skóla. Skólinn
ætti skv. námskrá að vera skapandi
lærdómsstofnun. „Við setjum okkur
það markmið að mennta nemendur
sem sjálfstæða borgara með sterka
siðferðisvitund,“ sagði Jón Már. –
Ónóg lestrarfærni og dreifing hug-
ans vegna áreitis fjölmiðlunar og
tækninýjunga er örugglega orðin al-
mennt vandamál í skólastarfi sem
bregðast þarf við á öllum náms-
stigum.
Möðrudalur á Efra-Fjalli
Frá Akureyri lá leiðin til gistingar
í Möðrudal á Fjöllum, sem nú er
hæst byggðra bóla yfir sjó hérlendis.
Bærinn var í alfaraleið fram um síð-
ustu aldamót og liggur nú sem fyrr
við gömlu fjallgarðaleiðina um 8 km
frá þjóðvegi 1. Hvergi á Íslandi njóta
menn viðlíka útsýnis suðvestur um
Ódáðahraun, til Herðubreiðar og inn
til Kverkfjalla. Hér gerðu Jón Stef-
ánsson (1919-1971) og Þórunn Vil-
hjálmsdóttir Oddsen garðinn frægan
á öldinni sem leið, m.a. með kirkju-
byggingu á eigin vegum. Möðrudal-
ur var prestssetur fram til 1716 og
sérstök sókn við hann kennd á mið-
öldum og náði til býla á Efra-
Jökuldal. Nú er fjárbú og vaxandi
ferðamannabýli í Möðrudal, hvort
tveggja byggt á gömlum hefðum en
með öllum nútímaþægindum. Hús-
ráðendur eru ung hjón, Vilhjálmur
Vernharðsson af Möðrudalsætt og
Elísabet Svava Kristjánsdóttir, leið-
sögumaður og flugmaður. Héðan
liggur hálendisslóð inn á austur-
svæði Vatnajökulsþjóðgarðs, í
Hvannalindir og Kverkfjöll.
Skógardagurinn mikli
Með þessari fyrirsögn hefur verið
endurvakin fjölskylduhátíð skóg-
arbænda og tengdra stofnana
eystra, nú haldin í 11. sinn um síð-
ustu helgi í Mörkinni á Hallorms-
stað. Sú spilda var friðuð fyrir
sauðfé fyrst reita á staðnum 1902 og
er nú lögð undir vinsælt Trjásafn
Skógræktar ríkisins. Samkomulag
skógarunnenda og fjárbænda er nú
orðið svo náið og gott að samtök
þeirra síðarnefndu lögðu til sérstaka
dagskrá og dilkakjöt á aðfarakvöldi
hátíðarinnar. Allt fór þetta fram að
viðstöddum 1.200 manns og með fjöl-
breyttri dagskrá í einmunablíðu,
sem sagt er að fylgt hafi þessari
samkomu frá upphafi. Munurinn á
þessari skemmtun og Atlavíkur-
samkomum fyrri tíðar felst m.a. í að
enginn ber það við að vökva hér
sálartetrið með áfengi og stjórn-
málamenn hafa hægt um sig. Á þess-
ari sólstöðuhátíð ríkti því friðsældin
ein.
Eftir Hjörleif
Guttormsson
» Skólameistari: Efla
þarf öryggi og sjálfs-
vitund nemenda með ráð-
gjöf og fyrirbyggjandi
aðgerðum. Æfingarleysi í
lestri er eitt helsta
vandamál nemenda.
Útskriftarnemar Hluti nýstúdenta frá Menntaskólanum á Akureyri 17. júní sl. ásamt skólameistara.
Höfundur er náttúrufræðingur.
Á ferð um landið á sumarsólstöðum
Hallormsstaður Frá Skógardeginum mikla í Mörkinni á Hallormsstað 20.
júní sl. Fólk fylgist með dagskrá og nýtur veðurblíðunnar.
Hjörleifur
Guttormsson