Morgunblaðið - 25.06.2015, Blaðsíða 30

30 MENNING
MORGUNBLAÐIÐ FIMMTUDAGUR 25. JÚNÍ 2015
Aalto og Nor-
ræna húsið –
byggingarlist og
hönnun, hug-
myndafræði og
list nefnist sýn-
ing sem opnuð
verður í Nor-
ræna húsinu í
dag og stendur
til 29. ágúst.
„Norræna húsið í Reykjavík er
hannað af einum af merkustu arki-
tektum 20. aldarinnar, finnska
arkitektinum Alvar Aalto. Norræna
húsið er ein af fáum byggingum
Aalto utan heimalands hans og þyk-
ir mikil perla af hans hálfu. Húsið
er eitt af síðustu verkum Aalto og
sérstakt að því leytinu að þar leiðir
hann saman fagurfræði frá fyrstu
skrefum sínum undir formerkjum
hins alþjóðlega eða hvíta módern-
isma og fullþroskaða, persónulega
nálgun með lífrænum formum og
rými í staðbundinn eða ljóðrænan
módernisma. Norræna húsið er lítið
meistaraverk í sjálfu sér, og sköpun
þess er eitt fegursta sameining-
artákn norræns samstarfs og
menningar,“ segir m.a. í tilkynn-
ingu frá Norræna húsinu.
Hönnun og list
Alvars Aalto
Alvar Aalto
Arctic Swing
Trio kemur fram
á fyrstu tón-
leikum sum-
ardagskrár Jazz-
klúbbsins Múlans
á Björtuloftum í
Hörpu í kvöld kl.
21. Alls verða sex
tónleikar í röð-
inni út júlí næstu
miðviku- eða fimmtudagskvöld.
Arctic Swing Trio skipa Haukur
Gröndal á saxófón, Ásgeir Ásgeirs-
son á gítar og Þorgrímur Jónsson á
bassa. „Efnisskráin er samsett af
ljúfum söngvum millistríðsáranna
sem verða leikin í léttum og
skemmtilegum útsetningum félag-
anna sem allir eru íslenskum tón-
listarunnendum að góðu kunnir,“
segir m.a. í tilkynningu. Miðar fást í
miðasölu Hörpu, harpa.is og tix.is.
Haukur Gröndal
Arctic Swing Trio
hjá Múlanum
Helgi Snær Sigurðsson
helgisnaer@mbl.is
Sönghátíðin Kammertónleikar á
Kirkjubæjarklaustri verður haldin í
25. sinn um helgina, 26.-28. júní, og
er hún að þessu sinni tileiknuð minn-
ingu Rutar Magnússon, söngkonu
og söngkennara, sem lést árið 2010.
Þrjár söngkonur sem stunduðu nám
hjá Rut syngja á hátíðinni, þær Ólöf
Arnalds, Hallveig Rúnarsdóttir og
Guðrún Jóhanna Ólafsdóttir, en
Guðrún er listrænn stjórnandi hátíð-
arinnar. Með þeim leika Árni Heimir
Ingólfsson á píanó, Skúli Sverrisson
á bassa og Francisco Javier Jáu-
regui á gítar. Einnig verður frum-
flutt nýtt verk, „Úr Lilju“, eftir stað-
artónskáld hátíðarinnar, Pál Ragnar
Pálsson, og 27. og 28. júní verður
boðið upp á tónlistarsmiðju fyrir 6-
10 ára börn sem Elfa Lilja Gísladótt-
ir tónlistarkennari stýrir. Hátíðin
var haldin í fyrsta sinn árið 1991 að
frumkvæði Eddu Erlendsdóttur pí-
anóleikara sem var listrænn stjórn-
andi hennar frá stofnun til ársins
2006 þegar Guðrún tók við starfinu.
Guðrún segir að vel á annað hundrað
manns hafi komið fram á hátíðinni
sem sé ein af elstu tónlistarhátíðum
landsins. „Hún hefur breyst á
undanförnum árum, úr kammer-
tónlist meira yfir í söngtónlist, enda
er ég söngkona og það er mitt svið,“
segir Guðrún.
Var til í hvað sem er
„Rut var bresk söngkona sem
flutti til Íslands árið 1966 og gerði
rosalega mikið fyrir íslenskt tónlist-
arlíf, bjó að mikilli menntun og
reynslu. Hún var bæði lærður píanó-
leikari og söngkona, var fantagóður
nótnalesari og var til í hvað sem er,
líka verkefni sem söngvarar hefðu
ekki allir hætt sér út í,“ segir Guð-
rún um Rut Magnússon. Rut hafi
frumflutt nokkur af helstu verkum
tónbókmenntanna á Íslandi og einn-
ig mörg verk eftir íslensk tónskáld.
Guðrún segir hátíðina í raun inn-
blásna af minningu Rutar og söng-
tónlist því í öndvegi þó ólík sé. Þær
Hallveig séu klassískar söngkonur
en Ólöf komi úr annarri átt, popp-
tónlistarkona, gítarleikari og
söngvaskáld. Guðrún segist hafa far-
ið á tónleika sem Ólöf hélt í Madrid
og á þeim hafi hún sungið enskt
þjóðlag án undirleiks í minningu
Rutar. Í kjölfarið hafi hún boðið
Ólöfu að taka þátt í hátíðinni.
„Mér finnst gaman að hafa hana
með að flytja svolítið öðruvísi tónlist
en þá klassísku tónlist sem yfirleitt
er flutt á hátíðinni. Ólöf er bæði
söngkona og tónskáld. Hún lærði
tónsmíðar í Listaháskóla Íslands og
blandar svolítið saman ólíkum heim-
um,“ segir Guðrún. Ólöf sé með sína
klassísku tækni sem hún færi inn í
popp- og indítónlist en haldi þó fast í
ræturnar.
Frumflutningur á hverri hátíð
Á hverju ári er tónskáld fengið til
að semja verk til frumflutnings á há-
tíðinni og í ár er það Páll Ragnar.
„Eitt af því sem ég lærði af Rut
Magnússon var þessi áhersla á að
okkar viðfangsefni sé ekki bara það
sem hefur verið samið frá því fyrir
1600 til fyrri hluta 20. aldarinnar,
heldur er líka mikilvægt að leggja
rækt við nýja tónlist, nýja sköpun og
það sem er að gerast í dag. Til þess
að það gerist þurfa tónskáld að fá
tækifæri til að verkin þeirra séu
flutt. Það er því á stefnuskrá hátíð-
arinnar að frumflytja nýtt verk eftir
íslenskt tónskáld á hverri hátíð,“
segir Guðrún. Páll Ragnar eigi það
sameiginlegt með Ólöfu Arnalds að
brúa bilið milli popptónlistar og
klassískrar. Páll var í hljómsveitinni
Maus um árabil en fór svo út í klass-
ískar tónsmíðar og lauk nýverið
doktorsgráðu í þeim. „Hann tók
texta úr Lilju og samdi tónlist fyrir
rödd og gítar. Hann er gítarleikari
sjálfur og þó hann hafi áður spilað
popptónlist skrifaði hann verkið á
klassískan hátt, fyrir messósópran
og klassískan gítar,“ segir Guðrún.
Verk Páls verður frumflutt á
laugardagstónleikunum kl. 17 en á
þeim koma fram Guðrún, Francisco,
Hallveig og Árni Heimir. Auk verks
Páls verða m.a. fluttir Lútusöngvar
eftir John Dowland og Philip Rosse-
ter og sönglög frá Bretlandseyjum,
dúettar eftir Mendelssohn og söng-
leikjatónlist. Allir tónleikar hátíð-
arinnar fara fram í Kirkjuhvoli og
halda Ólöf Arnalds og Skúli Sverr-
isson fyrstu tónleikana annað kvöld
kl. 21, flytja lög af plötum Ólafar og
verkið „Kaldur sólargeisli“ eftir
Skúla við ljóð Guðrúnar Evu Mín-
ervudóttur sem þau hafa flutt áður
með Sinfóníuhljómsveit Íslands.
Syngja steinalög
Guðrún segir það einnig sérstakt
við hátíðina að boðið sé upp á ókeyp-
is tónlistarsmiðju fyrir börn. Börnin
munu fara í tónlistarleiki, spinna og
taka undir lokin þátt í fjölskyldu-
tónleikum með tónlistarmönnum há-
tíðarinnar á lokadeginum, 28. júní,
kl. 15. „Þau vinna að alls konar lög-
um, vinna með steina, mála steina og
syngja steinalög, innblásin af ís-
lenskri náttúru,“ segir Guðrún. Tón-
listin á lokatónleikunum verði öll ís-
lensk, m.a. íslensk þjóðlög og fyndin
lög eftir íslensk tónskáld við smellna
texta Þórarins Eldjárns. Börn sem
sækja smiðjuna þurfa ekki að kunna
á hljóðfæri. Skráning fer fram með
tölvupósti á kammertonleikar-
@gmail.com. Frekari upplýsingar
um hátíðina má finna á kammer-
tonleikar.is.
Ein af elstu tónlistarhátíðunum
Músíkalskt par Hjónin Guðrún og Francisco Javier Jáuregui koma fram á hátíðinni á Kirkjubæjarklaustri.
 Aldarfjórðungsafmæli Kammertónleika á Kirkjubæjarklaustri  Rut
Magnússon heitin heiðruð af þremur söngkonum sem stunduðu nám hjá henni
Kári Þormar, organisti Dómkirkj-
unnar í Reykjavík, heimsækir ná-
granna sína í Hallgrímskirkju í
dag, fimmtudag, og heldur hádegis-
tónleika kl. 12.
Tónleikarnir eru hluti af dagskrá
Alþjóðlegs orgelsumars í Hall-
grímskirkju árið 2015.
„Kári leikur bæði hugljúfa tóna
og kraftmikla á stóra Klais-orgelið
en á efnisskránni eru Concerto 2 í
a-moll eftir Bach og Vivaldi, Ada-
gio for strings eftir Samuel Barber
og Tokkata úr 5. sinfóníu Widors,“
segir m.a. í tilkynningu. Organisti Kári Þormar.
Kári Þormar leikur í Hallgrímskirkju
Síðbúnir Jónsmessutónleikar verða
haldnir á Kaffi Flóru í Grasagarð-
inum í kvöld kl. 21. Þar verða flutt
lög af plötunni Hver stund með þér
sem Anna María Björnsdóttir sendi
frá sér fyrr á árinu. Platan geymir
tónlist Önnu Maríu við ástarljóð
sem afi hennar, Ólafur Björn Guð-
mundsson, orti til ömmu hennar,
Elínar Maríusdóttur, á 60 ára tíma-
bili.
„Þann 23. júní hefði afi orðið 96
ára gamall og ákvað ég því að halda
þessa tónleika. Afi var mikill garð-
yrkjuáhugamaður og má finna
plöntur í Grasagarðinum sem komu
upprunalega frá honum. Einnig er
bekkur í garðinum sem Garðyrkju-
félag Íslands gaf til minningar um
hann og hans framlag til garðyrkju
á Íslandi,“ segir Anna María um til-
urð tónleikanna. Með Önnu Maríu
koma fram Magnús Trygvason Eli-
assen á trommur, Andri Ólafsson á
bassa og Gunnar Jónsson á gítar og
ukulele. Miðasala er á midi.is.
Tónskáld Anna María Björnsdóttir.
Hver stund með þér í Grasagarðinum
MOSFELLSBAKARÍ
Háholti 13-15 Mosfellsbæ | Háaleitisbraut 58-60 Reykjavík
s. 566 6145 | mosfellsbakari.is
Ert þú búin að prófa
nýja súrdeigsbrauðið okkar?
Renndu við í Mosfellsbakarí og fáðu þér hollara brauð.