Húnavaka - 01.05.2001, Blaðsíða 123

HÚNAVAKA
121
1907. Hún var opin og gengum við flest inn í hana. Hún bar kunnuglegt
svipmót inni ekki síður en úti. Sigríður, kona séra Gísla Kolbeins, settist
við orgelið, samkvæmt beiðni, og spilaði sálma sem sungnir voru undir
stjórn Gísla við góðar undirtektir. Þetta varð hátíðleg stund sem skapaði
stemmningu sem mér fannst færa okkur nær þeim Islendingum sem
þarna höfðu reist kirkju eftir fyrirmynd að heiman og sennilega minnst
heimahaganna þegar þeir sóttu helgar tíðir í litlu kirkjunni sinni fjarri
átthögunum.
Eftir stutta stund í kirkjunni gengurn við í átt að Medicine ánni sem
fellur skammt frá Markerville. Okkur var bent á stórt, trjálaust grasi vax-
ið útivistarsvæði hinum megin við ána en þarna um mitt svæðið lá yfir
hana góð göngubrú. A þetta svæði hópast Islendingar víðs vegar að til
að halda hátíð 17. júní ár hvert. Sumir koma langa vegu með hjólhýsi
eða húsvagna aftan í bílum sínum og gista þá gjarnan þarna nokkrar
nætur. Jafnframt er haldið uppi skemmtidagskrá og nýttýmis aðstaða til
leikja og útivistar.
Kúrekaborgin Calgary
Á leiðinni frá Edmonton sáum við nokkuð víða frekar lága borturna í
landinu meðfram veginum. Þarna er víða olía og er henni dælt upp þar
sem þessir turnar eru. Bændurnir leigja þeim, sent hafa leyfi frá ríkinu til
að vinna olíuna, smálandskika umhverfis borholuna og vegstæði að
henni. Þarna er ekki gert annað en dæla olíunni upp og aka henni burt
í hreinsistöðvar. Þess vegna bar ekki mikið á þessari olíuvinnslu því að
ákaflega virtist hreinlega gengið um landið umhverfis hana og lítið land
fara undir á hverjum dælustað.
Næsti áfangastaður var stórborgin Calgary sem er með um eina millj-
ón íbúa. Jafnframt var hún síðasti dvalarstaðurinn því að flugvöllurinn
þaðan sem átti að fljúga heim var þar. Við fengum ágætt hótel þar, Sand-
man hét það. Það var stór og háreist bygging í miðborginni og ég lenti í
herbergi á 22. hæð. Ut um annan gluggann á því sást bara í eina átt fyr-
ir nærliggjandi háhýsum og um hinn sáralídð annað en í glugga og sval-
ir á næsta háhýsi. Þar sat sums staðar fólk við borð, sötraði kaffi eða
eitthvað annað í sólinni en var sáralítið klætt að sjá þegar það stóð upp.
Morguninn eftir var farin skoðunarferð um Calgary. Árið 1912 var í
fyrsta sinn haldin mikil kúrekahátíð þar og hinir raunverulegu kúrekar
sýndu fjölda áhorfenda listir sínar. Frá 1923 hefur verið föst venja að
halda slíka hátíð sem stundum hefur staðið allt að 10 dögum. Þar sýna
fræknir reiðmenn leikni sína á villtum hestum og keppa um verðlaun