Dagblaðið Vísir - DV - 06.03.2009, Qupperneq 4

föstudagur 6. mars 20094 Fréttir
Sandkorn
n Mikill hiti er í baráttu Guð-
laugs Þórs Þórðarsonar og
Illuga Gunnarssonar um efsta
sætið á framboðslista Sjálf-
stæðisflokksins í Reykjavík.
Illugi hefur enn mikið forskot á
heilbrigðis-
ráðherrann
nú þegar
rúm vika er
í prófkjör-
ið. Eins og
staðan er
nú stend-
ur barátta
Guðlaugs
um annað sætið þar sem hann
keppir við Ólöfu Nordal alþing-
ismann sem færði sig úr Norð-
austurkjördæmi. Rétt eins og
Guðlaugur gæti náð fyrsta sæt-
inu er allt eins líklegt að hann
húrri niður listann sem myndi
þýða pólitísk endalok hans.
n Sigurður Kári Kristjánsson
er annar prófkjörskandídat
Sjálfstæðisflokksins í Reykjavík
og fær nú prýðilega auglýsingu
þar sem hann prýðir forsíðu
Húsa og híbýla þar sem hann
gefur lesend-
um blaðsins
tækifæri til
að skoða
sig um á
heimili hans.
Einhverjir
úr röðum
sjálfstæðis-
manna hafa
undanfarið sýnt þann mann-
dóm að biðjast afsökunar á
þætti flokksins í bankahruninu.
Sigurður Kári þvær hins vegar
hendur sínar af ósköpunum
í Húsum og híbýlum með því
að benda á að engan eigi hann
flatskjáinn heldur aðeins gamal-
dags túbusjónvarp.
n Sigurður Kári sækir synda-
aflausn sína þarna í hagspeki
Björgólfs Guðmundssonar
sem hefur bent á að flatskjáa-
kaup Íslendinga hafi sett þjóð-
ina á hausinn. Guðmundur
Gunnarsson hjá Rafiðnaðar-
sambandinu sér í gegnum þetta
hjá þingmanninum og afgreið-
ir hann með þessum orðum
á bloggi sínu: „Á meðan ungt
fólk tapar íbúðum sínum og
öllu vegna
þessara
manna
þá birtast
menn
skælbros-
andi á
forsíðu í
glansíbúð
og í viðtali
er svo reynt að snobba niður
á við og réttlæta 100 millj. kr.
íbúð með því að segja að það sé
túpusjónvarp í eldhúsinu!! Eig-
um við að kjósa svona fólk aftur
inn á þing?“
www.takk. is
„Ég get ekki búið við sveitarstjórn
sem fer svona fram og ég mun leita
allra leiða til að flytja á annan stað
þar sem betur er hlustað á vilja íbúa.
Vonandi tekst það fyrir haustið. Það
er betra heldur en að hírast hér reið-
ur og fúll til dauðadags þótt staður-
inn sé dásamlegur að öðru leyti,“ seg-
ir Jón Skúli Skúlason, foreldri þriggja
barna í Kópaskersskóla. Hann er
mjög ósáttur við þá ákvörðun sveitar-
stjórnar Norðurþings að loka skólan-
um og gera foreldrum barna í þorpinu
að senda börnin sín til Lundar sem
er rúmlega þrjátíu kílómetra í burtu.
Þar stunda nám börn úr Kelduhverfi
og syðri hluta Öxarfjarðar.
Jón Skúli býr á Kópaskeri með
eiginkonu sinni og þremur börnum.
Íbúar á Kópaskeri voru í ársbyrjun
2008 skráðir 127. Ef fjölskylda Jóns
Skúla flytur brott nemur það því fjög-
urra prósenta fólksfækkun. Þetta
samsvarar því að fjögur hundruð
Garðbæingar myndu yfirgefa sveit-
arfélag sitt.
Fyrirlitning
„Mér finnst þetta fyrirlitning af hálfu
sveitarstjórnar í garð foreldra og íbúa
hér á staðnum. Ég held það muni
aldrei skapast sátt um þessa ákvörð-
un,“ segir Jón Skúli.
Nemendur á grunnskólastigi í
skólum Öxarfjarðar eru 56 en að leik-
skólanemendum meðtöldum eru
þeir 68. Nemendur í 8. til 10. bekk
sækja nú allir nám í Lundi. Grunn-
skólanemendur í Lundi eru 37 en 19 í
Kópaskersskóla sem þar til í fyrravor
heyrði undir Öxarfjarðarskóla.
Á fundi sveitarstjórnar Norður-
þings síðasta vor var samþykkt tillaga
um að hefja undirbúning að því að
skólastarf við Öxarfjörð verði undir
einu þaki og stefnt að því að sú verði
orðin raunin haustið 2009.
Rannsókna- og þróunarmiðstöð
Háskólans á Akureyri var fengin
til að skoða breytingar á skólamál-
um fyrir sveitarstjórn Norðurþings. Í
skýrslu sem háskólinn skilaði Norð-
urþingi í síðasta mánuði eru lagð-
ar til þrjár leiðir í skólastarfinu. Sú
þriðja sem þar er nefnd er leiðin sem
ákveðið hefur verið að fara. Í skýrsl-
unni kemur þó einnig fram: „Skólinn
á Kópaskeri er mikilvægasta þjón-
ustustofnunin á staðnum og einn
mannfrekasti vinnustaðurinn. Líkur
eru á að lokun hans muni hafa nei-
kvæð áhrif á aðra atvinnustarfsemi í
þorpinu.“
Hitaumræður
Bergur Elías Ágústsson, sveitarstjóri
Norðurþings, bendir á að þegar tal-
að er um skólann sem slíkan sé bæði
átt við leikskóla- og grunnskólastig
en leikskólinn verður áfram á Kópa-
skeri. „Varðandi vinnustaðinn sem
slíkan er fólk sem býr á Kópaskeri og
vinnur í Lundi og öfugt,“ segir hann.
Bergur viðurkennir að mikill hiti
sé í fólki á Kópaskeri um þessi mál og
hvetur fólk til hófstillingar. Sér í lagi
þurfi að gæta þess að óánægja smit-
ist ekki til barnanna.
Lengi hefur verið reynt að finna
lausn á skólamálum á svæðinu en
Bergur segir þetta endanlega ákvörð-
un. Hann vonast til þess að fólk nái
sáttum um þessa niðurstöðu.
Í rökstuðningi fyrir ákvörðun-
inni er bent á að þar sem ljóst er að
nemendum kemur til með að fækka
á báðum stöðum á næstu árum og
kenna verður fleiri árgöngum sam-
an og möguleiki barnanna í að finna
félaga í jafningjahópnum fari því
minnkandi.
Fólksfækkun
Stefán H. Grímsson, faðir á Kópa-
skeri, sér ekkert athugavert við að
senda barnið sitt í skóla í Lundi. „Ég
hef hins vegar áhyggjur af móralnum
hér í samfélaginu,“ segir hann. Stefán
hefur heyrt í fólki sem íhugar að flytja
brott vegna lokunar skólans þó sjálf-
ur ætli hann að búa áfram á Kópa-
skeri. „Því miður óttast ég að þessi
ákvörðun verði til þess að fólki fækki
á Kópaskeri. Við megum sannarlega
ekki við því,“ segir Stefán.
Kristbjörg Sigurðardóttir, foreldri
á Kópaskeri og fulltrúi Samfylking-
arinnar í sveitarstjórn Norðurþings,
harmar einnig ákvörðunina. „Hér er
líklega um einsdæmi að ræða hvað
það varðar að leggja niður skóla í
þorpi og flytja hann út í sveit. Eng-
inn hefur getað bent mér á hliðstætt
dæmi. Vonandi hef ég rangt fyrir mér
um þau neikvæðu áhrif sem ég tel
þetta hafa fyrir samfélagið hér,“ segir
Kristbjörg.
Foreldrar á Kópaskeri eru áhyggjufullir eftir að sveitarstjórn Norðurþings ákvað að
loka skyldi grunnskólanum þar. Börnin þurfa þess í stað að sækja skóla til Lundar sem
er um 30 kílómetra í burtu. Jón Skúli Skúlason íhugar að flytjast búferlum með fjöl-
skyldu sína vegna þessa. Þar með myndi íbúum Kópaskers fækka um fjögur prósent.
„Mér finnst þetta fyrir-
litning af hálfu sveitar-
stjórnar í garð foreldra
og íbúa hér á staðnum.“
Erla HlynSdóttir
blaðamaður skrifar: erla@dv.is
Áhyggjufull Kristbjörg sigurðardóttir
telur að lokun grunnskólans hafi
neikvæð áhrif á samfélagið á Kópaskeri.
Mynd úr EinkaSaFni
yfirgefa heimabyggð
grunnskólabörn á Kópaskeri þurfa frá
haustinu að sækja skóla í Lundi sem er
um 30 kílómetra í burtu.
Mynd Jón Skúli SkúlaSon
FER BURT vERði
SKÓLanUm LOKað
Verið að skjóta sendiboðann
Nýfallinn dómur í Hæstarétti vekur hörð viðbrögð formanns Blaðamannafélagsins:
„Ég tel að með þessari niðurstöðu
séu dómstólar að draga tennurnar
úr fjölmiðlum og í rauninni að hefta
lýðræðislega umfjöllun í þjóðélag-
inu,“ segir Arna Schram, formaður
Blaðamannafélags Íslands.
Hæstiréttur dæmdi á fimmtudag
blaðamann Vikunnar, Björk Eiðs-
dóttur, til að greiða Ásgeiri Þór Dav-
íðssyni, einnig þekktum sem Geira
á Goldfinger, 500 þúsund krónur í
miskabætur vegna ummæla sem
féllu í grein um strípistaðinn Gold-
finger í ágúst 2007.
Í greininni var talað við Lov-
ísu Sigmundsdóttur, fyrrverandi
starfsmann staðarins, sem sagði
að þar þrifist vændi. Héraðsdómur
Reykjavíkur hafði áður sýknað Vik-
una en Hæstiréttur sneri úrskurð-
inum hins vegar við, þrátt fyrir að
hljóðupptökur væru til af viðtali
blaðamannsins við Lovísu.
Arna segir að sér lítist ekkert á
dóminn og að dómstólar séu að
feta vafasamar brautir með þess-
um dómi. „Þarna er verið að skjóta
sendiboðann. Það skiptir máli að
umfjöllunarefnið er starfsemi sem
er mjög umdeild og einstaklingur-
inn sem um ræðir er þekktur maður í
þjóðfélaginu. Það verður að geta far-
ið fram umræða um svona umdeilda
starfsemi án þess að gefið sé skotleyfi
á fjölmiðlana,“ segir Arna.
Alls voru sex ummæli í greininni
dæmd dauð og ómerk en auk þess
var Vikunni gert að birta forsendur og
niðurstöðu dómsins í fyrsta tölublaði
tímaritsins eftir uppsögu dómsins.
Ásgeir fór fram á fimm milljóna bæt-
ur þegar hann höfðaði málið.
„Prentfrelsi er dýrmætt. Þótt fólk
geti leitað til dómstóla telji það á
sér brotið er mikilvægt að þeir hafi
í huga að ganga ekki svo hart fram
eins og í þessu tilfelli, að fjölmiðlar
fari að halda að sér höndum þegar
kemur að umfjöllun um umdeild
samfélagsmál,“ segir Arna. einar@dv.is
ósátt arna segir að
dómstólar séu að feta
vafasamar brautir með
þessum dómi.