Dagblaðið Vísir - DV - 06.03.2009, Síða 34

föstudagur 6. mars 200934 menningarverðlaun DV
Kvikmyndir
„Auðvitað er það mikill heiður að vinna til verðlauna og
gaman að vita af því að fólk sé að fíla það sem maður er
að vinna að,“ segir Hulda Rós Guðnadóttir, myndlistar- og
kvikmyndagerðarkona. Hún og Helga Rakel Rafnsdótt-
ir hlutu Menningarverðlaun DV í flokki kvikmynda fyrir
heimildarmyndina Kjötborg.
Myndin fylgir bræðrunum Gunnari og Kristjáni í verslun-
inni Kjötborg á Ásvallagötunni í Vesturbænum, þeirra dag-
lega amstri og helstu viðskiptavinum.
Helga Rakel ólst upp í Vesturbænum og hafði margar
skemmtilegar sögur að segja Huldu er þær bjuggu sam-
an í London á sínum tíma. „Þegar ég var að ákveða mig
hvaða verkefni ég ætti að taka að mér mundi ég eftir öllum
þessum sögum. Ég hafði samband við Helgu, við fórum að
skoða málið og ég heillaðist algjörlega af bræðrunum,“ segir
Hulda sem kannast við stemninguna hjá kaupmanninum á
horninu. Hún vann sjálf í versluninni Vegamótum, einnig í
Vesturbænum.
Hulda segir þær hafa fengið gott aðgengi að Gunnari og
Kristjáni og kúnnum þeirra. „Traust er lykilatriði. Þeir
bræður njóta mikils trausts í hverfinu þannig að við fengum
gott aðgengi að öllum sem fram komu í myndinni. Það má
segja að Gunnar og Kristján hafi unnið vinnuna fyrir okkur
áður að opna fólkið. Svo fengum við ókeypis ferð,“ segir hún
hlæjandi.
Hulda segir ekki hafa verið erfitt að nálgast Gunnar og
Kristján. „Þeir eru náttúrlega kaupmenn og eru allan dag-
inn í samskiptum við fólk. Þetta er ákveðinn „performance“
að vera kaupmaður þannig að þeir duttu inn í þetta.“
Undirbúningur að gerð myndarinnar hófst fyrir árið 2004
og tökur fóru fram árið 2006, en Hulda og Helga eyddu átta
mánuðum með Gunnari og Kristjáni á Ásvallagötunni. „Við
vorum lengi viðloðandi búðina, stukkum ekki bara inn með
myndavél á fyrsta degi. Myndin hefur fengið gríðarlegar
viðtökur og vann meðal annars verðlaun á Skjaldborgar-
hátíðinni þar sem myndin var fyrst sýnd. Ég er myndlist-
armaður og það er frekar þröngur heimur,“ segir Hulda.
„Mér líður eins og ég hafi samið popplag. Fólk er stöðugt að
labba upp að mér og tala um myndina. Hún hefur greini-
lega hreyft við fólki.“
hanna@dv.is
Rökstuðningur dómnefndar:
Kjötborg er gullfalleg og lágstemmd feel good-frásögn um af-
markað samfélag í borginni. Þeir Kristján og Gunnar verslun-
areigendur kunna að vera með síðustu kaupmönnum á horn-
inu en tilfinningin er samt sú að þeir hafi alltaf verið þarna
– og muni vonandi alltaf vera þarna, því það kemst ágætlega
yfir að þessir ágætu menn bjóða ekki aðeins upp á fjölbreytt
úrval hvers kyns dagvöru heldur einnig trú, von og kærleika.
Hulda rós guðnadóttir og Helga rakel
rafnsdóttir bjuggu til heimildarmyndina
Kjötborg sem hreppti menningarverð-
laun Dv í flokki kvikmynda. Heimildar-
myndin fylgir kaupmönnunum og
bræðrunum gunnari og Kristjáni í
versluninni Kjötborg á Ásvallagötu.
leiklist
eins og ég hafi samið popplag
Hulda Rós Guðnadóttir Hlaut
Jónasinn, menningarverðlaun dV, í
flokki kvikmynda ásamt Helgu rakel
rafnsdóttur sem ekki gat verið
viðstödd. mynd Rakel Ósk
„Mér líður óskaplega vel og þykir vænt um að fá þessi verðlaun.
Sérstaklega út af því að við erum að heiðra minningu skálds
sem dó langt fyrir aldur fram. Hann Jökull Jakobsson dó á besta
aldri en hann gaf okkur perlur í leikbókmenntum. Ég fann
hvernig hann kveikti í meðleikurum mínum þegar við byrjuð-
um að æfa verkið Hart í bak. Það er stórkostlegt að finna hvernig
fólk hefur tekið því. Það er svo gaman að leika þetta og því er svo
vel tekið. Þetta er svo sannarlega perla í leikbókmenntunum,“
segir Gunnar sem er afar sáttur við síðasta ár.
„Síðasta ár var ákaflega gott. Ég er 83 ára núna og er slasaður
á hægra hné. Það stóð til að ég færi á spítala í janúar því þá átti
Hart í bak að vera búið en þá fór það fyrst virkilega í gang og nú
er það komið fram í apríl. Þannig að ég læt hnéð bíða. Ég fórna
öllu fyrir Hart í bak.“ hanna@dv.is
Rökstuðningur dómnefndar:
Sextíu og fjögur ár eru senn liðin frá því að Gunnar Eyjólfsson
steig í fyrsta skipti á leiksvið. Hann komst brátt í raðir fremstu
leikara okkar og hefur verið þar æ síðan. Ólíkt flestum starfs-
bræðrum sínum, sem minnka við sig eða setjast í helgan stein
þegar árin færast yfir, hefur Gunnar sýnt og sannað að alltaf er
hægt að vera ungur í listinni. Síðasta leikafrek hans er Jónatan,
strandkapteinninn í Hart í bak Jökuls Jakobssonar, sem hann
dregur upp átakanlega og áhrifamikla mynd af.
leikarinn gunnar eyjólfsson hreppti
menningarverðlaun Dv í flokki leiklistar
en hann leikur aðalhlutverkið í einni af
vinsælustu sýningum landsins um
þessar mundir.
Fórnar öllu fyrir Hart í bak
Gaman að leika gunnari finnst
yndislegt að leika í Hart í bak sem
er perla í leikbókmenntum að
hans mati. mynd Rakel Ósk