Dagblaðið Vísir - DV - 03.04.2009, Side 8

föstudagur 3. apríl 20098 Fréttir
Gagnrýni á fjárfestingar lífeyrissjóða verkalýðshreyfingarinnar hefur farið hátt undanfarið. Ragnar Þór
Ingólfsson er meðal þeirra sem hafa gagnrýnt þá opinskátt. Í kjölfarið fékk eiginkona hans sms frá nafn-
lausum aðila sem var ósáttur við umfjöllun Ragnars. Fyrir áratug vakti doktor Herdís Dröfn Baldvinsdóttir
athygli á tengslum verkalýðshreyfingarinnar og atvinnulífsins en var þögguð niður af verkalýðsforkólfum.
HÓTAÐ VEGNA
LÍFEYRISSJÓÐA
„Ég er með IP-töluna skráða í tölv-
unni og fer með hana til lögreglunn-
ar ef það verður framhald af svona
áreiti,“ segir segir Ragnar Þór Ing-
ólfsson, verslunarmaður og nýkjör-
inn stjórnarmaður í VR. Hann hefur
undanfarið vakið athygli á málefn-
um lífeyrissjóðanna, meðal annars
í Silfri Egils sem og á vefsíðu sinni.
Margir fagna gagnrýni Ragnars á líf-
eyrissjóðina en einn lesandi nýjustu
veffærslu Ragnars um sjóðina var
með ógnandi tilburði og setti sig í
samband við eiginkonu Ragnars til
að koma til hans skilaboðum.
„Ég hugsaði mig um oftar en tvisv-
ar áður en ég fór opinberlega í þessa
gagnrýni. Ég var varaður við á sínum
tíma, en ég er ekki hræddur við þessa
menn sem ég er að berjast á móti,“
segir Ragnar.
Í nýjustu færslunni beinir Ragn-
ar gagnrýni sinni að Þorgeiri Eyj-
ólfssyni, forstjóra Lífeyrissjóðs
verslunarmanna, og fjárfestingum
sjóðsins sem Ragnar telur grunsam-
legar. Fjöldi athugasemda birtist við
færsluna og ritar þar meðal annars
„Þórhallur“ nokkur sem lætur ann-
ars ekki uppi nein deili á sér en kallar
Ragnar „einfeldning“ sem fari með
„samhengislaust rugl“ án þess þó að
rökstyðja það frekar.
Þórhallur ritar síðan að hann hafi
ætlað að hringja í Ragnar en ekki
fundið hann í símaskránni og þess
í stað ákveðið að hafa samband við
eiginkonu hans.
Fór yfir strikið
„Það kom sms frá ja.is til konunnar
minnar. Þetta voru ekki beinar hót-
anir en það er alveg klárt mál hver
er tilgangurinn. Það er ekkert mál
að ná í mig í síma. Þetta er bara gert
til að draga umræðuna niður á eitt-
hvað annað plan. Eins og staðan er
í dag geri ég ekki greinarmun á því
hvort þetta var djók
eða einhver takt-
ík. Þessi aðili
hefur ekki haft
samband við
mig í síma,“ segir
Ragnar.
Hann ritaði í
kjölfarið í at-
huga-
semdakerfið á vefsíðunni skilaboð til
Þórhalls: „Þar sem þú tókst þá vafa-
sömu ákvörðun að angra konuna
mína vegna bloggskrifa minna hef ég
ákveðið í fyrsta skipti síðan ég byrjaði
á þessu að útiloka IP-töluna þína frá
þessu bloggi og hika ekki við að kæra
þig ef þú reynir eitthvað slíkt aftur.
Ég hef aldrei farið í felur með mín-
ar skoðanir og mun aldrei gera það,“
segir Ragnar.
Hann segist hafa skrifað um 80
pistla um lífeyrissjóðina og geri sér
grein fyrir að ekki séu allir sammála.
„Þetta fór yfir strikið. Ég tek þessu
samt með stóískri ró, enn sem komið
er allavega,“ segir hann.
Ragnar segist gera sér grein fyrir
að þeir sem stjórna lífeyrissjóðunum
hafi mikilla fjárhagslegra hagsmuna
að gæta og þar af leiðandi við því
búið að menn þeim tengdir reyni að
verja þá hagsmuni með því að þagga
niður umræðuna.
Þöggunartilburðir
Opinber gagnrýni á stjórnun og fjár-
hagsleg tengsl lífeyrissjóðanna er þó
fjarri því ný af nálinni hér á landi.
Herdís Dröfn Baldvinsdóttir skrifaði
doktorsritgerð sína í atvinnulífsfræð-
um um þessi tengsl og þekkir hún
þöggunartilburðina af eigin raun.
„Mér fannst skjóta skökku við að að
atvinnurekendur og atvinnulífshreyf-
ingin sætu saman við stjórnborðið.
Ég fann til dæmis dæmi þess að end-
urskoðendur lífeyrissjóða voru einn-
ig endurskoðendur hjá fyrirtækjum
sem lífeyrissjóðirnir voru að fjárfesta
í. Þetta kemur allt fram í ritgerðinni.
Mér fannst þetta ekki geta haldið og
setti mig í samband við Fjármála-
eftirlitið sem gaf mér munnlegt svar
um að þeir hefðu ekki vitað af þessu,“
segir Herdís. Hún veit hins vegar ekki
til þess að Fjármálaeftirlitið hafi að-
hafst neitt sérstaklega eftir ábend-
ingar hennar.
Herdís útskrifaðist árið 1998 frá
Lancaster University í Englandi en
hún vann að doktorsverkefninu í
áraraðir. Hún rifjar upp að í kringum
1993 var hún stödd í boði þar sem
hún hitti fyrir mann sem tengdist inn
í lífeyrissjóðina. Hún sagði þar frá
því að hún væri að skoða tengsl sjóð-
anna við atvinnulífið og fékk að heyra
það óþvegið frá manninum sem hún
hafði aldrei hitt áður: „Hvað ert þú að
skipta þér af því sem þér kemur ekki
við, helvítis tussan þín!“
Herdís segir að henni hafi vit-
anlega brugðið mjög við þetta. „En
ég man að þetta gerði mig ennþá
ákveðnari í að halda áfram,“ segir
hún.
Í doktorsritgerðinni komst Herdís
að þeirri niðurstöðu að tengsl verka-
lýðshreyfingarinnar og lífeyrissjóða
við íslenskt atvinnulíf valdi því að
hagsmunir launafólks verði út und-
an.
Rökkuð niður
Arnar Guðmundsson, þáverandi
upplýsingafulltrúi ASÍ, ritaði tvær
greinar í Morgunblaðið eftir að þar
var fjallað um niðurstöður Herdísar.
Arnar gagnrýndi harðlega rannsókn-
ir Herdísar. „Það er forkastanlegt að
bera á borð órökstudda sleggjudóma
um orsakasamhengi þarna á milli
og segja það niðurstöður virðulegr-
ar rannsóknar frá erlendum háskóla.
þau vinnubrögð eru mér áhyggju-
efni,“ ritaði Arnar.
Herdís segir að Arnar hafi hringt
mikið í sig og í háskólann með sví-
virðingar. Hún mætti síðan Ara Skúla-
syni, þáverandi framkvæmdastjóra
ASÍ, í viðtali á Rás 2 vegna málsins.
„Hann var svo reiður. Ég kom með
eintak af ritgerðinni og bauð hon-
um en hann bara strunsaði út þegar
viðtalið var búið og skellti á eftir sér
hurðinni,“ segir hún.
Herdíst segist hafa orðið fyrir
miklu aðkasti forsvarsmanna verka-
lýðshreyfingarinnar. „Ég var rökkuð
niður. Ég algjörlega brotnaði niður.
Þessi árás var svo grimm að ég var
hvekkt í marga mánuði á eftir,“ segir
hún.
Skömmu eftir útskrift var Herdís
ráðin rannsóknarstjóri neytenda-
mála á Norðurlöndum, en staðan er
fjármögnuð af Norrænu ráðherra-
nefndinni. Hún segist gjarnan hafa
viljað halda áfram að rannsaka líf-
eyrissjóðina en ekki getað það vegna
tímaskorts.
ASÍ tekur á málunum
Sölvi Tryggvason sjónvarpsmað-
ur hefur gefið í skyn að honum hafi
verið hótað eftir að hann spurði Geir
Haarde í desember um hvort hann
vissi til þess að lífeyrissjóðsmönn-
um hefði verið mútað. Þá var Sölvi
einn af umsjónarmönnum Íslands í
dag. „Eftir þetta viðtal fóru alls konar
varðhundar af stað. Ég fékk fleiri en
einn tölvupóst frá almannatengsla-
skrifstofu, þar sem reynt var að „terr-
orisera“ mig og fá mig til að hætta að
fjalla um þessi mál,“ skrifar Sölvi á
bloggsíðu sína 30. mars.
Miðstjórn ASÍ hefur sent frá sér yf-
irlýsingu þar sem kemur fram að hún
harmi þá gagnrýni sem komið hef-
ur fram á störf lífeyrissjóðanna. ASÍ
ætlar að taka af festu á málefnum líf-
eyrissjóðanna og meðal annars óska
eftir því að Fjármálaeftirlitið kanni
sérstaklega hvort lífeyrissjóðir hafi á
undanförnum árum starf-
að eftir lögum,
samþykktum
og fjárfest-
ingarstefnu.
Einnig
verða sett-
ar fram sem
allra fyrst
tillögur að
siðareglum
um fjárfest-
ingar sjóð-
anna.
„Þessi árás var svo
grimm að ég var hvekkt
í marga mánuði á eftir.“
ERlA HlynSDóttIR
blaðamaður skrifar: erla@dv.is
Vakti úlfúð doktor Herdís dröfn
Baldvinsdóttir var þögguð niður
af forsvarsmönnum verkalýðs-
hreyfingarinnar þegar hún benti
á hagsmunatengsl þeirra við
atvinnulífið fyrir áratug.
Varaður við ragnar Þór
Ingólfsson var varaður við áður
en hann hóf opinskáa gagnrýni
sína á lífeyrissjóðina.
Beinskeittur sölvi
tryggvason hefur
gefið í skyn að honum
hafi verið hótað eftir
umfjöllun um lífeyris-
sjóðina.