Dagblaðið Vísir - DV - 03.04.2009, Side 13

föstudagur 3. apríl 2009 13Fréttir
skyldi selja hluti sína í Glitni daginn
eftir að Þorsteinn Már Baldvinsson,
formaður bankaráðs Glitnis, gekk
á fund Davíðs 25. október og tjáði
seðlabankastjóranum að bankinn
rambaði á barmi greiðsluþrots. Ekki
var það til að draga úr tortryggn-
inni að Seðlabankinn og stjórnvöld
gerðu ekkert í málum Glitnis fyrr en
29. september, á fjórða degi frá því
Þorsteinn Már fór á fund Davíðs.
Loks var á það bent að Einar Sig-
urðsson, sonur Guðbjargar, væri
millistjórnandi hjá Glitni og kynni
að búa yfir gagnlegum upplýsing-
um.
Gögn þau sem DV hefur und-
ir höndum taka þó af öll tvímæli
um að Kristinn ehf. átti samnings-
bundinn rétt á því að selja hluta-
bréfin með sérstakri innlausnar-
tilkynningu sem bundin var við
dagana 25. til 27. september, síð-
ustu tvo virku dagana áður en
bankahrunið hófst.
Samkvæmt áreiðanlegum
heimildum DV leiddu grun-
semdir um leka eða innherja-
viðskipti til þess að Fjármálaeft-
irlitið tók málið til rannsóknar.
Það hefur hins vegar ekki leitt til
neinna ráðstafana af hálfu FME
og er að sjá sem málið sé úr
sögunni af hálfu þess.
Af fjölmiðlarekstri
Óli Björn Kárason, Ágúst Einarsson,
bróðir Sigurðar heitins og mágur
Guðbjargar, og Einar Sigurðsson,
sonur Guðbjargar, stofnuðu félag
um rekstur gamla DV árið 2001.
Blaðið undir stjórn Óla Björns varð
gjaldþrota 2003. Um þetta bloggaði
meðal annars Jónas Kristjánsson
eftirfarandi: „Verðið var milljarð-
ur, enda hafði blaðið skilað hagn-
aði árum saman. Óli Björn keyrði
það hins vegar í gjaldþrot á tæpu
ári. Guðbjörg tapaði hlutafénu og
Landsbankinn tapaði enn meira.“
Sagan segir að þegar Guðbjörgu
barst til eyrna að gamla DV ætti ekki
lengur fyrir launum hafi hún opn-
að sjóði sína og séð til þess að allir
fengju laun sín greidd. Aldrei mætti
það spyrjast um fjölskylduna, þar á
meðal soninn Einar, að hún stæði
ekki við grundvallarskuldbindingar.
Gráglettin örlög haga því svo að
Guðbjörg Matthíasdóttir, sem með
heppni aldarinnar losaði 3,5 millj-
arða undan gjaldþroti Glitnis, er nú
orðin stærsti hluthafinn í Árvakri,
útgáfufélagi Morgunblaðsins. Eftir
bankahrunið varð Árvakur að ein-
um þyngsta bagga nýja Glitnis og
síðar Íslandsbanka, en allt hluta-
fé Árvakurseigenda var strikað út
eftir að bankarnir hrundu. Skuld-
ir Morgunblaðsútgáfunnar höfðu
hlaðist upp með miklum taprekstri
undangengin misseri og námu um
eða yfir 5 milljörðum króna. Mestar
voru þær hjá Glitni eða um 80 pró-
sent þeirra.
Samkvæmt heimildum DV af-
skrifa Landsbankinn og Glitnir/Ís-
landsbanki að minnsta kosti þrjá
milljarða króna af skuldum Árvak-
urs en það er það verð sem ríkis-
bankarnir greiða fyrir að losna und-
an rekstri Morgunblaðsins.
Góðir meðreiðarsveinar
Stjórnarformaður hins endurreista
Árvakurs er Sigurbjörn Magnússon,
lögfræðingur Guðbjargar. Sigur-
björn er gegnheill sjálfstæðismaður
og var meðal annars framkvæmda-
stjóri þingflokks Sjálfstæðisflokks-
ins 1985 til 1990.
Nýr framkvæmdastjóri Árvakurs
er Óskar Magnússon sem titlaður
er útgefandi. Hann er einnig úr hirð
Guðbjargar því Óskar varð forstjóri
Tryggingarmiðstöðvarinnar hf. árið
2005 en lét af störfum eftir að Guð-
björg seldi hlut sinn í TM í skiptum
fyrir hlutabréf í Glitni. „Við höfum
engin áform um mannabreytingar á
Morgunblaðinu,“ sagði Óskar í sam-
tali við DV í lok febrúar þegar ljóst
var hverjir hefðu boðið best í Árvak-
ur. Aðspurður hvort Davíð Odds-
son muni taka við ritstjórastólnum
sagði Óskar: „Hann yrði örugglega
mjög góður ritstjóri.“
Gunnlaugur Sævar Gunnlaugs-
son hefur komið víða við en hefur
tekið þátt í að stýra auðæfum Guð-
bjargar mörg undanfarin ár. Hann
er nú stjórnarformaður Ísfélagsins
og bar meðal annars ábyrgð á því
að reka helstu stjórnendur félags-
ins á dögunum eftir að þeir höfðu
tapað hundruðum milljóna króna í
framvirkum gjaldeyrissamningum.
Gunnlaugur var stjórnarformaður
Tryggingamiðstöðvarinnar í nokkur
ár og var kjörinn stjórnarformaður
ársins 2006 en hann hafði þá gegnt
þeirri stöðu í fjögur ár hjá trygginga-
félaginu.
Gunnlaugur er handgenginn
Davíð Oddssyni og stóð vaktina fyr-
ir Sjálfstæðisflokkinn sem formaður
útvarpsráðs frá miðjum tíunda ára-
tugnum þar til útvarpsráð var lagt
niður 2007.
Peningar Guðbjargar
til bjargar
Víst þykir að í kröggum Morgun-
blaðsins og bankanna hafi Gunn-
laugur Sævar, Óskar, Sigurbjörn,
Styrmir Gunnarsson, Davíð Odds-
son og fleiri dyggir sjálfstæðismenn
lagt á ráðin um það hvernig halda
mætti yfirráðum yfir útgáfu Morg-
unblaðsins úr því sjálfur Björgólfur
Guðmundsson og gömlu hlutirn-
ir í útgáfunni höfðu verið strikaðir
út. Minnast menn þungrar áherslu
Davíðs á það hversu afdrifaríkt það
gæti verið ef völd yfir fjölmiðlum
þjöppuðust saman í höndum fárra
auðmanna. Á landsfundi Sjálfstæð-
isflokksins um síðustu helgi hafði
Davíð orð á því að synjun fjölmiðla-
laganna árið 2004 hefði verið einn
afdrifaríkasti afleikur þjóðarinnar á
síðari árum og átt þátt í hruninu.
Ljóst má vera að með framgöngu
aðstoðarmanna Guðbjargar M.
Matthíasdóttur í Vestmannaeyjum
hefur fjármagn hennar ráðið úrslit-
um um að útgáfa Morgunblaðsins
verður áfram í höndum sjáflstæðis-
manna.
Strangheiðarleg sómakona skjöl sem dV hefur undir
höndum sýna að guðbjörg M. Matthíasdóttir, athafnakona úr
Vestmannaeyjum, gat selt hlutabréf í glitni nákvæmlega síðasta
dag fyrir bankahrun samkvæmt samningi. Hér er hún fyrir miðju.
Heppnasta
kona Hrunsins
Aldrei mætti það spyrj-
ast um fjölskylduna,
þar á meðal soninn Ein-
ar, að hún stæði ekki
við grundvallarskuld-
bindingar.