Dagblaðið Vísir - DV - 30.06.2009, Page 6

Þriðjudagur 30. júní 20094 Fréttir
Hannes á ekki
hús í Boston
„Þetta er alrangt, hreinn upp-
spuni,“ segir Smári Sigurðsson,
faðir Hannesar Smárasonar. Í
nýjasta tímariti Séð og heyrt er
staðhæft að Hannes eigi þrjú
hús í Boston. Smári þvertekur
fyrir það og segir að hann hafi
átt hús í Weston, útborg Boston.
Það hús hafi hins vegar verið selt
fyrir mörgum árum.
Ökuníðingur laus
úr haldi
Ökumaðurinn sem reyndi að
keyra inn í fjarskipamiðstöð
lögreglunnar við Skógarhlíð og
stórskemmdi í leiðinni lögreglu-
bíl í eltingaleik við lögreglu í
síðustu viku, er laus úr gæslu-
varðhaldi. Maðurinn hefur setið
í rúma viku í gæsluvarðhaldi
en ekki var ákveðið að krefjast
áframhaldandi gæsluvarðhalds
yfir manninum, þar sem rann-
sókn málsins er lokið og ekki
þótti ástæða til að framlengja
varðhaldið Ríkissaksóknari hef-
ur fengið málið í hendurnar og
mun að öllum líkindum gefa út
ákæru í kjölfarið.
413 fyrirtæki
gjaldþrota á
árinu
66 fyrirtæki voru tekin til gjald-
þrotaskipta í maí samanborið
við 74 fyrirtæki í sama mánuði
á síðasta ári. Jafngildir þetta ell-
efu prósenta fækkun milli ára.
Fyrstu fimm mánuði þessa árs
er fjöldi gjaldþrota 413 en fyrstu
fimm mánuði ársins 2008 var
301 fyrirtæki tekið til gjaldþrota-
skipta. Jafngildir það rúmlega
37 prósenta aukningu milli ára.
Þetta kemur fram í nýjum tölum
frá Hagstofu Íslands.
Nefbrotnaði
í hópslagsmál-
um
Hópslagsmál brutust út á
Flúðum aðfaranótt sunnu-
dags og nefbrotnaði einn í
átökunum. Var hann fluttur á
slysadeild Landspítala til að-
hlynningar. Samkvæmt dag-
bók lögreglunnar gistu þrír
fangageymslur lögreglunnar
á Selfossi en þeir höfðu verið
handteknir vegna ölvunar og
óláta. Mikill erill var hjá lög-
reglu og kom sú staða upp að
bið yrði á að sinna verkefnum
þar sem lögreglumenn voru
uppteknir í öðrum málum
annars staðar.
Guðmundur Freyr hannaði gítarstilli í síma sem Nokia hefur tekið upp á sína arma:
græðir evrur á gítarforriti
Farsímarisinn Nokia hefur gert samn-
ing við Guðmund Frey Jónasson um
dreifingu á gítarstilli sem Guðmund-
ur hannaði fyrir farsíma. Gítarstillir-
inn Tunerific er seldur á heimasíðu
Nokia og slái forritið í gegn þar má
ætla að það skili Guðmundi vænni
summu þar sem hann fær 70 prósent
af hverri netsölu.
„Ég spila á gítar og hef gert lengi.
Ég fékk þessa hugmynd eiginlega út
frá því, að það væri sniðugt og þægi-
legt að hafa stilli í símanum,“ segir
Guðmundur sem er 28 ára og hefur
lokið meistaranámi í tölvunarfræði.
Mikil þróunarvinna liggur að baki
Tunerific en hún hefur nú skilað sér
í sölusamningi við Nokia. Farsíma-
framleiðandinn tók forritinu opnum
örmum enda er það hannað fyrir far-
síma og gætt þeirri náttúru að eftir
því má bæði stilla klassíska gítara og
rafmagns. „Sá samningur er þannig
að þeir ætla að dreifa þessu fyrir okk-
ur á vefverslun sinni. Þeir sem sækj-
ast eftir því geta komist inn á þessa
vefverslun og keypt forritið. Hún var
opnuð 27. maí svo þetta er allt að
fara í gang núna,“ segir Guðmundur
en hann mun fá 70 prósent tekna af
hverju seldu forriti og Nokia 30 pró-
sent, en það kostar 10 evrur að hlaða
niður forritinu.
Hann segir þróunina á Tunerific
hafa kostað sitt, bæði tíma og pen-
inga. „Við reyndum að halda öll-
um kostnaði í lágmarki en þegar ég
tók verkefnið með mér í masterinn
fengum við styrki sem gerði það að
verkum að við gátum klárað þetta
dæmi,“ segir Guðmundur sem vinn-
ur verkefnið í samstarfi við Jóhann
P. Malmquist prófessor. „Við fengum
styrk frá Tækniþróunarsjóði Rann-
ís sem var tæpar 11 milljónir,“ seg-
ir Guðmundur og gerir sá samning-
ur honum kleift að vinna í forritinu
núna. Notendur hjá Nova geta einn-
ig náð í forritið í Nokia-símum sínum
en Guðmundur vinnur að því þessa
dagana að forrita það fyrir aðrar teg-
undir síma sem getur falið í sér enn
frekari tækifæri úti í heimi í framtíð-
inni. bodi@dv.is
Í útrás guðmundur Freyr stefnir á að selja forritið um allan heim á næstu árum.
Stjórnarliðar eygja von um að stuðningur við Icesave-samninginn aukist þegar lögð
hafa verið fram fylgiskjöl og greinargerð með frumvarpi fjármálaráðherra á Alþingi.
Talið er að andstaða við samninginn fari minnkandi í röðum vinstri-grænna þótt enn
hafi tveir til þrír þingmenn flokksins ekki gert endanlega upp hug sinn.
Stuðningur eykSt
við iceSave-Samning
Þingflokkur VG afgreiddi í gær frum-
varp Steingríms J. Sigfússonar fjár-
málaráðherra frá þingflokknum, en
það var samþykkt í ríkisstjórn í gær-
morgun. Þingflokkur Samfylkingar-
innar fjallar um frumvarpið í dag, en
fjármálaráðherra ráðgerir að fylgja
því úr hlaði á fimmtudag.
Frumvarpið miðar að því að afla
samþykkis Alþingis fyrir ríkisábyrgð á
Icesave-skuldbindingum í Bretlandi
og Hollandi sem nema að lágmarki
650 milljörðum króna. Samningur-
inn er til 15 ára og afborgunarlaus
fyrstu sjö árin. Vextir eru 5,55 prósent
en í samningnum er uppgreiðslu-
ákvæði takist stjórnvöldum að semja
um lægri vexti á síðari stigum. Marg-
ir telja líkur á því að með inngöngu í
Evrópusambandið yrði hægt að end-
urfjármagna Icesave-ábyrgðina á
lægri vöxtum.
Samkvæmt samningnum eru við-
semjendurnir, Hollendingar og Bret-
ar, til viðræðu um breytingar á samn-
ingnum fari greiðslubyrði fram úr
greiðsluþoli íslensku þjóðarinnar.
Dómstólaleiðin ófær
Stjórnvöld hafa sætt gagnrýni fyrir að
sýna því ekki meiri áhuga en raun ber
vitni að útkljá málið fyrir dómstólum.
Ingibjörg Sólrún Gísladóttir, sem var
utanríkisráðherra og formaður Sam-
fylkingarinnar þegar bankarnir féllu,
hefur lýst því í samtali við DV að full-
reynt hafi verið að sú leið yrði ekki
farin vegna andstöðu Hollendinga,
Breta og Evrópusambandsins. „Þetta
var afdráttarlaus af-
staða þeirra andspænis
þeim rökum íslenskra
stjórnvalda að til-
skipun ESB um
innistæðutrygg-
ingar miðað-
ist við hrun
einstakra
banka en
ekki kerfis-
hrun í einu
landi.“
Ingi-
björg Sól-
rún sagði að
and-
staðan byggðist á þeim skilningi að
ófært væri skapa réttaróvissu innan
alls Evrópska efnahagssvæðisins um
það hvort innistæðutryggingar væru
yfirleitt í gildi.
Á það er einnig bent að fráleitt sé
að ætla að dómstólaleiðin hefði skil-
að Íslendingum góðum ávinningi. Ef
til málaferla hefði komið væri við því
að búast að Hollendingar og Bretar
hefðu ráðist gegn neyðarlögunum
sem sett voru í bankahruninu. Þau
gerðu ráð fyrir að innistæður Íslend-
inga yrðu tryggðar að fullu en ekki
innistæður í íslenskum bönkum í
öðrum löndum. Líkast til hefðu Bret-
ar og Hollendingar krafist þess að Ís-
lendingar greiddu einnig þann hluta
sem þeir hafa nú fallist á að axla
sjálfir. Kostnaður Breta varðandi
Icesave-samninginn nemur 2,4
milljörðum punda og Hollend-
ingar axla sjálfir kostnað sem
nemur 1,7 milljörðum evra.
Með Icesave-samningnum
hafi því Bretar og Hollend-
ingar í raun fallist á að gera
ekki ágreining vegna ís-
lensku neyðarlaganna.
Treysta að meirihlut-
inn haldi
Þótt hart sé deilt um
Icesave-málið og
fjölmiðlar og netheimar séu undir-
lagðir af umræðunni voru þeir stjórn-
arliðar sem DV hafði samband við í
gær þeirrar skoðunar að samningur-
inn, sem fyrir liggur, njóti meirihluta-
fylgis á Alþingi og verði samþykktur.
Með samningnum og frumvarpi fjár-
málaráðherra fylgja viðaukar og ítar-
leg greinargerð þar sem farið er yfir
helstu álitamál og spurningar sem
vaknað hafa um gerð samningsins
við Hollendinga og Breta. Svo virð-
ist sem ágreiningurinn innan þing-
flokks VG fari minnkandi. Guðfríður
Lilja Grétarsdóttir, formað-
ur þingflokksins,
sagði við fjölmiðla í
gærkvöldi að hún
hefði ekki gert
upp hug sinn;
hún ætti eft-
ir að kynna
sér öll gögn
málsins.
Björn
Valur Gísla-
son, þingmaður
VG, er fylgjandi
Icesave-
samn-
ingnum eins og lesa má í grein
hans á smugan.is: „Icesave-sam-
komulagið felur það sömuleiðis í
sér að íslenska þjóðin mun greiða
breskum og hollenskum sparifjár-
eigendum það sem þeim ber en
aðrir, svo sem ýmis félagasam-
tök, sveitarfélög og stofnan-
ir fá sínar kröfur ekki greidd-
ar að fullu fari svo að eignir
Landsbankans dugi ekki fyrir
skuldinni. Með öðrum orð-
um: samningurinn hlífir ís-
lenskum skattgreiðend-
um við að þurfa að greiða
allt tapið af Icesave rekstri
Landsbankans í Bretlandi
og Hollandi.“
Björn Valur segir að gæfa
þjóðarinnar í annars ömur-
legu máli felist í því að frið-
ur fáist til að glíma við erfið
mál heima í héraði og tek-
ist hafi að semja þjóðina frá
miklu hærri skuldum sem
annars hefðu hæglega
getað fallið á þjóð-
ina.
Jóhann hauksson
blaðamaður skrifar: johannh@dv.is
„Samningurinn hlífir
íslenskum skattgreið-
endum við að þurfa
að greiða allt tapið af
Icesave rekstri Lands-
bankans í Bretlandi og
Hollandi.“
Þingmaður VG Björn Valur
gíslason segir að tekist hafi að
semja þjóðina frá miklu hærri
skuldum sem annars hefðu
hæglega getað fallið á hana.
Þingflokksformaðurinn guðfríður Lilja
grétarsdóttir hefur ekki gert upp hug
sinn til frumvarps flokksformanns síns,
Steingríms j. Sigfússonar, um icesave.