Dagblaðið Vísir - DV - 04.11.2009, Blaðsíða 2

2 miðvikudagur 4. nóvember 2009 fréttir
Björn Leifsson, kenndur við líkams-
ræktarveldið World Class, byggir nú
156,1 fermetra sumarbústað á Val-
hallarstíg syðri nr. 8 í landi Kárastaða
á Þingvöllum. Fyrir var þar tæplega
sextíu fermetra sumarhús sem byggt
var árið 1948. Björn lét rífa þann bú-
stað í fyrra að sögn byggingarfulltrúa
Bláskógabyggðar og hófst bygging á
nýja bústaðnum í byrjun þessa árs.
Bústaðurinn er skráður á Laugar ehf.
Eins og fram hefur komið í DV færði
Björn rekstur World Class í það félag
fyrir stuttu sökum greiðsluþrots fyr-
irtækisins. Í viðtali í helgarblaði DV
sagðist Björn óttast gjaldþrot.
Milljóna bústaður
Í ársreikningi Lauga ehf. kemur fram
að áætlað markaðsverðmæti sum-
arbústaðarins sé fimmtíu milljónir
króna. Iðnaðarmaður sem DV talaði
við áætlaði að kostnaður við bygg-
ingu sumarbústaðarins vær eitt-
hvað á milli hundrað og tvö hundruð
milljónir.
Húsið skiptist í 73,3 fermetra kjall-
ara og 88,7 fermetra hæð. Aðeins er
búið að steypa kjallarann. Lóðin er
alls sex þúsund fermetrar.
Á vinnusvæðinu er lítil grafa sem
samkvæmt heimildum DV var keypt
sérstaklega fyrir verkið. Á lóðinni er
einnig prammi sem notaður er til að
ferja byggingarefni yfir vatni sam-
kvæmt heimildum DV.
Á besta stað
Bústaðurinn stendur við Þingvalla-
vatn, inni í sjálfum þjóðgarðinum,
og er útsýnið frá honum vægast sagt
dásamlegt. Stutt er í Vinaskóg sem
Vigdís Finnbogadóttir lagði grunn að
þar sem margir þjóðhöfðingjar hafa
komið og gróðursett tré.
Til að bæta útsýnið enn fremur
verður húsi Björns lyft um um það
bil þrjá metra frá gunnfleti bústað-
arins sem var þar fyrir og lá mjög
lágt í landinu. Neðri hæð bústaðar-
ins verður því að mestu grafin inn
í brekkuna sem húsið stendur í og
er að mestu gluggalaus á þrjá vegu.
Jarðhæðin myndar vinkil utan um
sólpall til að verja bústaðinn og gesti
hans fyrir ríkjandi norðan- og aust-
anáttum.
Arinn og hiti í gólfum
Ljóst er að bústaðurinn verður hinn
glæsilegasti þegar byggingu hans lýk-
ur. Harðviðarklæðning verður á sól-
pallinum og handrið úr hertu gleri.
Þá verða útveggir kjallara og svefn-
álma jarðhæðar klædd með stein-
flísum og úthagatorf verður á þaki
svefnálmu. Gluggar og hurðir verða
með tvöföldu einangrunargleri.
Inni verður munaðurinn ekki
minni. Í stofunni verður arinn tengd-
ur einangruðum reykháf úr ryðfríu
stáli og hiti í gólfum.
Arkitekt bústaðarins er Ari Már
Lúðvíksson, sá hinn sami og hannaði
heilsumiðstöðina Laugar fyrir Björn.
DV hafði samband við Björn til
að spyrjast fyrir um hvort byggingu
sumarbústaðarins yrði hætt sökum
fjárhagserfiðleika Björns. Hann vildi
ekkert tjá sig um málið og taldi skrif
fjölmiðla um hans mál líkjast ofsókn-
um.
Nafntogaðir nágrannar
Land Kárastaða hefur verið geysi-
vinsælt til fjölmargra ára og er þetta
eitt dýrasta sumarbústaðaland sem
finnst á Íslandi. Nágrannar Björns
eru heldur ekki af verri endanum.
Meðal þeirra sem eiga bústað við
Valhallarstíg er eignahlutafélagið
GT2 en þar í stjórn situr Ágúst Guð-
mundsson, kenndur við Bakkavör.
DV sagði frá því seint á síðasta ári að
Audi í Afmælisgjöf
Birgitta Líf, dóttir World
Class-hjónanna Dísu og
Björns, varð sautján ára 19.
október. Í afmælisgjöf frá
foreldrum sínum fékk hún
glæsilega Audi TT-bifreið
af árgerðinni 2004 eins
og kemur fram í nýjasta
tölublaði Séð og Heyrt.
Bíllinn er svartur, tveggja
dyra og 180 hestöfl. Bíllinn
er skráður á Dísu og var
keyptur í september. DV
ræddi við bílasala sem
áætlaði að slíkur bíll kostaði
3,5 milljónir á markaðinum
í dag.
Björn Leifsson, kenndur við World Class, byggir rúmlega 150 fermetra sumarbústað við Þingvallavatn. Bú-
staðurinn er skráður á Laugar ehf. og er í einu dýrasta og vinsælasta sumarhúsahverfi landsins. Nágrannar
Björns eru meðal annars Ágúst Guðmundsson og Kjartan Gunnarsson. Laugar ehf. tapaði tæpum 300 millj-
ónum árið 2008 en Björn greiddi sér sex milljóna króna arð fyrir árið.
BYggiR BÚsTAÐ
í sKuggA TAPs
LiLjA KAtríN GuNNArsdóttir
blaðamaður skrifar liljakatrin@dv.is
Ágúst Guðmunds-
son, Bakkavarar-
bróðir.
sigríður snævarr og
Kjartan Gunnarsson.
Guðrún Pétursdóttir,
fyrrverandi forseta-
frambjóðandi.
Þorbjörg Helga
Vigfúsdóttir
borgarfulltrúi og
eiginmaður hennar,
Hallbjörn Karlsson
fjárfestir.
Þorsteinn step-
hensen, forsprakki
iceland Airwaves.
ólafur ísleifsson,
lektor í hagfræði
við Háskólann í
reykjavík.
NágRANNAR BjöRNs á VAlhAllARsTíg:
„Til að bæta útsýnið
enn fremur verður húsi
Björns lyft um sirka þrjá
metra.“
Kjallarinn kominn Sumarbústaðurinn
er í byggingu og er aðeins búið að steypa
kjallarann. MyNd HeiðA HeLGAdóttir
Ferjað yfir vatn Hér sést sérstakur prammi sem samkvæmt upplýsingum DV er
notaður til að ferja byggingarefni yfir vatnið. MyNd HeiðA HeLGAdóttir