Dagblaðið Vísir - DV - 04.11.2009, Blaðsíða 8

8 miðvikudagur 4. nóvember 2009 fréttir
Fyrirtaka í máli Guðmundar Jóns-
sonar, sem oftast er kenndur við
meðferðarheimilið Byrgið, fór fram í
Héraðsdómi Suðurlands á mánudag.
Guðmundi er meðal annars gefið að
sök að hafa dregið sér um 3,3 millj-
ónir króna þegar hann notaði kred-
itkort Byrgisins til persónulegra nota
árin 2005 og 2006. Honum er einn-
ig gefið að sök að hafa dregið sér 4,3
milljónir króna af söfnunarreikningi
sem Svavar Dalmann safnaði í þágu
Byrgisins. Nemur fjárdrátturinn sam-
tals um 9,3 milljónum króna.
Guðmundur mætti í héraðsdóm
í fylgd tveggja fangavarða þar sem
hann afplánar nú tveggja og hálfs
árs fangelsisdóm sem hann fékk fyrir
að brjóta kynferðislega gegn konum
sem voru skjólstæðingar hans í Byrg-
inu. Málið vakti mikla athygli og hélt
Guðmundur statt og stöðugt fram
sakleysi sínu.
Guðmundur vildi ekki tjá sig um
málið að fyrirtökunni lokinni og vís-
aði öllum spurningum til lögmanns
síns, Hilmars Baldurssonar. Hilm-
ar bjóst við að aðalmeðferð í mál-
inu færi fram í janúar. Hann sagðist
bjartsýnn á að málið myndi leitt til
lykta sem fyrst þar sem ekki væri um
stórar upphæðir að ræða.
Auk Guðmundar er Jón Arnar
Einarsson, fyrrverandi stjórnarfor-
maður Byrgisins, einnig ákærður.
Snýr þáttur Jóns Arnars að vantöld-
um launagreiðslum og vangoldnum
skattgreiðslum og er Guðmundur
einnig ákærður fyrir þann þátt.
Jón Arnar bar sig vel í héraðsdómi
á mánudag og gantaðist við blaða-
mann á staðnum. Var hann efins um
að málið yrði leyst fljótlega og bjóst
ekki við úrskurði fyrr en árið 2015.
Líkti hann málinu við Baugsmálið og
vísaði í þann langa tíma sem það hef-
ur tekið.
liljakatrin@dv.is
Þögull sem gröfin Guðmundur neitaði að tjá sig við blaðamann í héraðsdómi og
vísaði öllum spurningum til lögmanns síns. Ljósmyndari: Heiða HeLgadóttir
Guðmundur í Byrginu mætti í héraðsdóm í fylgd fangavarða:
Sakaður um fjárdrátt
Auglýsingaherferð Metro undan-
farna daga hleypur á mörgum millj-
ónum króna. Það besta er að rekstr-
araðilar veitingastaðarins þurfa
ekki að greiða krónu fyrir herferð-
ina.
Á dögunum var alþjóð tilkynnt
að til stæði að loka hinum íslensku
McDonald‘s-stöðum og opna í stað-
inn svipaðan stað, þar sem notað
yrði íslenskt hráefni. Lokun þessar-
ar alþjóðlegu matarkeðju á Íslandi
rataði inn í flesta fjölmiðla lands-
ins og flykktust sorgmæddir Íslend-
ingar að sölulúgum McDonald‘s til
að bragða á skyndibitanum í hinsta
sinn, í bili að minnsta kosti. Að mati
þeirra sérfræðinga sem DV leitaði
til þykir augljóst að fyrirtækið hafi
leitað til almannatengslafyrirtækis
við undirbúning herferðar sinnar.
Þannig sé auðvelt að meta herferð-
ina á margar milljónir króna en fyr-
irtækið hefur ekki þurft að leggja út
eina einustu krónu til þess.
Kreppuvinkill tekinn
Andrés Jónsson almannateng-
ill segir auglýsingaherferð Metro
ótrúlega vel heppnaða. Hann skilur
vel áhuga fjölmiðlanna því McDon-
ald‘s snerti marga. „Ég er sann-
færður um að fyrirtækið var búið að
skipuleggja þetta vel og hafa verið
með almannatengla í þessu. Keyrt
var stíft á fjölmiðlana, þetta er stað-
ur sem allir þekkja og til viðbótar
tekinn svona kreppuvinkill á þetta,“
segir Andrés.
Guðmundur Oddur Magnús-
son, prófessor við Listaháskóla Ís-
lands, er sammála því að herferð
Metro hafi heppnast vel. Hann er
hins vegar ekki viss um að hún skili
sér til langtíma. „Það hlupu allir til
þegar tilkynnt var að McDonald‘s
yrði lokað því margir hafa til fyrir-
tækisins tilfinningar. Þannig tengja
margir minningar við staðinn, til
dæmis minningar um barnaaf-
mæli sem haldið var þar, og því
skiljanlegt að fólk hafi hlaupið til.
Að tengja þetta svona vel við opn-
un nýs staðar tókst mjög vel en ég
er ekki viss um að það skili sér alla
leið. Ég er ekki viss um að Metro
takist að verða svona sogblettur
eins og McDonald‘s-staðirnir eru,“
segir Guðmundur Oddur.
gæti virkað
Aðspurður telur Andrés herferðina
margra milljóna króna virði. Hann
segir nú reyna á rekstaraðilana að
halda umræðunni á floti. „Það er
alveg hægt að mæla svona umfjöll-
un og þessi herferð hleypur á millj-
ónum. Herferðin er vel heppnuð að
mínu mati. Ég gæti alveg trúað því
að þetta komi til með að virka, það
er ákveðin stemning fyrir kreppu-
vinklinum og þannig gæti fólk leit-
að meðvitað í þetta,“ segir Andrés.
Jón Garðar Ögmundsson, fram-
kvæmdastjóri Lystar ehf., er virki-
lega ánægður með þá athygli sem
Metro hefur fengið. Aðspurður seg-
ir hann Metro rekið á sömu kenni-
tölu og McDonald‘s var á. „Það
er bara brjálað að gera hjá okkur,
hreinlega allt vitlaust, og við erum
rosalega ánægð með þær móttökur
sem við höfum fengið. Ég átti ekki
alveg von á þessari athygli og ég er
ekki hissa á því að menn meti þetta
á milljónir, en auðvitað ég ánægð-
ur með þessa frábæru kynningu.
Sjálfur er ég gamall sölumaður
og við ákváðum þessa
breytingu alveg sjálf-
ir. Ég lít bjartsýnn til
framtíðar,“ segir Jón
Garðar.
dýrir borgarar Skipt var yfir í Metro því dýrt var að kaupa allt hráefni McDonald‘s frá útlöndum.
jón garðar Ögmundsson, framkvæmdastjóri Metro, segir brjálað að gera eftir að
McDonald‘s var lokað. Fyrirtækið fékk gífurlega mikla kynningu og viðskiptavinir
streymdu að til að kveðja alþjóðlegu matvælakeðjuna. Jón Garðar er virkilega ánægð-
ur með kynninguna og segir greinilegt að það sé til líf eftir McDonald‘s.
ÓKEYPIS MILLJÓNAHERFERÐ
trausti Hafsteinsson
blaðamaður skrifar: trausti@dv.is
„Ég gæti alveg trúað
því að þetta komi til
með að virka, það er
ákveðin stemning fyrir
kreppuvinklinum og
þannig gæti fólk leitað
meðvitað í þetta,“
Vel heppnað Andrés
telur auglýsingaherferð
Metró gulls ígildi og
hægt að meta á milljónir.
Laminn vegna
hermannabúnings
Ráðist var á karlmann í Vest-
mannaeyjum um helgina. Árás-
armaðurinn taldi fórnarlambið
hafa unnið það sér til saka að vera
klæddur í hermannabúning. Árás-
in var gerð fyrir utan veitingastað-
inn Lundann aðfaranótt sunnu-
dags og var eina líkamsárásin sem
kærð var til lögreglu í Vestmanna-
eyjum um helgina.
Að öðru leyti var tiltölulega
rólegt hjá lögreglunni í Eyjum í
síðustu viku að því er fram kemur
í dagbók lögreglunnar. Eitt vinnu-
slys var tilkynnt til lögreglu en
maður sem var að vinna við lyftara
á vélaverkstæði fékk meitil í and-
litið þannig að gleraugu sem hann
var með brotnuðu. Fóru glerbrot í
augu mannsins en ekki er talið að
hann hafi hlotið skaða af.
Landsbankinn
vísar annað
Landsbankinn vísar á skipta-
stjóra þrotabús Nýsis til að
svara fyrir breytingar í rekstri
líkamsræktarstöðvarinnar
World Class. Í svari bankans
kemur fram að þar hafi leigu-
samningurinn verið sam-
þykktur til að tryggja áfram-
haldandi rekstur í sérhæfðu
húsnæði í Laugum. Bankinn
hafnar því að hafa aðstoðað
við að færa daglegan rekst-
ur milli félaga í eigu World
Class.
Biskup fundar
með séra Gunnari
Lögmaður séra Gunnars Björns-
sonar fundar í dag með Karli
Sigurbjörnssyni, biskupi Íslands,
um málefni prestsins. Samkvæmt
heimildum DV verður þar lagður
á borð starfslokasamningur til
handa Gunnari og þess freist-
að að ná lendingu í hinni erfiðu
deilu sem er uppi. Biskup hef-
ur fram til þessa staðið fast við
ákvörðun sína að færa prestinn
til í starfi. Séra Gunnari var boð-
inn tugmilljóna samningur sem
hann hafnaði. Á fundinum verð-
ur gerð önnur tilraun til að ná
samkomulagi um starfslokin.
Enn skráð á
greiðsluþrota félag
Bæjarstjórn Seltjarnarneskaup-
staðar hefur ekki fengið formlega
beiðni frá rekstraraðilum World
Class þess efnis að færa rekstur
stöðvarinnar á Seltjarnarnesi yfir á
aðra kennitölu. Líkamsræktarkeðj-
an og bærinn eru með samning en
sá samningur er í nafni greiðslu-
þrota félags, Þrek ehf. Daglegur
rekstur World Class hefur verið
færður yfir í upprunalegt rekstr-
arfélag, Laugar ehf., en samning-
ur við Seltjarnarnes er enn í nafni
hins greiðsluþrota félags. Er DV
óskaði eftir svari bæjarstjóra Sel-
tjarnarnesbæjar um hvort hann
hygðist samþykkja kennitölubreyt-
ingu á samningnum vildi bæjar-
stjórinn ekki ræða málið.