Dagblaðið Vísir - DV - 18.01.2010, Síða 4
4 MÁNUDAGUR 18. janúar 2010 FRÉTTIR
Róbert Árni Hreiðarsson, dæmdur barnaníðingur og fyrrverandi lögmaður:
Ákærður fyrir að tæla aðra stúlku
Lögmaðurinn og dæmdi barnaníð-
ingurinn Róbert Árni Hreiðarsson
hefur verið ákærður fyrir fleiri kyn-
ferðisbrot að nýju. Að þessu sinni
gegn sautján ára stúlku á árunum
2002 til 2004. Honum er meðal ann-
ars gefið að sök að hafa tælt hana til
samræðis og annarra kynferðismaka
í tjaldi með því að beita hana blekk-
ingum og bjóða peningagreiðslur.
Kynferðisbrotamálið nýja gegn
Róberti Árna hefur verið þingfest í
Héraðsdómi Norðurlands eystra en
hið meinta fórnarlamb krefst miska-
bóta upp á 1,2 milljónir króna. Fyr-
ir rúmum tveimur árum var hann
dæmdur í þriggja ára fangelsi og til
sviptingar lögmannsréttinda fyrir
gróf kynferðisbrot gegn fjórum ungl-
ingsstúlkum, sem voru á aldrinum
14 til 15 ára þegar brotin voru fram-
in. Þá beitti hann svipuðum aðferð-
um, blekkingum og peningagreiðsl-
um, til að tæla þær til kynferðismaka.
Á heimili hans fundust myndir og
myndbönd með barnaklámi og þar
fannst minnisbók lögmannsins sem
innihélt nöfn og upplýsingar um
335 stúlkur á ungum aldri. Hann var
sýknaður fyrir vörslu barnakláms en
samkvæmt dómnum á hann ýmist
að hafa haft við stúlkurnar samræði,
sett fingur sína inn í leggöng þeirra,
fróað sér yfir þær, látið þær fróa sér
eða fengið þær til munnmaka. Fyrir
kynferðismökin greiddi hann stúlk-
unum ýmist í reiðufé eða með áfengi.
Brotin áttu sér stað á árunum 2005 til
2006.
DV hefur áður greint frá því að
Róbert Árni afplánar dóm sinn í
Fangelsinu á Akureyri. Þaðan mun
hann þurfa að mæta í réttarsal vegna
nýrrar ákæru vegna kynferðisbrota
gegn ungri stúlku.
trausti@dv.is
Í Kompásþætti Fjallað var um
málefni Róberts Árna í Kompás-
þætti þegar fjallað var um kynferð-
islega misnotkun á börnum.
Innheimtufyrirtækjum slysa- og skaðabóta fer fjölgandi og eru nokkur farin að auglýsa
þjónustu sína grimmt. Matthías Halldórsson aðstoðarlandlæknir biður um að fyrir-
tækin gæti hófs og starfsemin þróist ekki út í bótainnheimtur að amerískri fyrirmynd.
VARAÐ VIÐ
HRÆGÖMMUM
„Þetta er einhvers konar
ameríkanisering og hef
ég tekið eftir því sjálfur
að þeim hefur fjölgað.“
Fyrirtækjum sem sérhæfa sig í slysa-
og skaðabótum hefur fjölgað hér-
lendis á undanförnum misserum.
Jafnframt eru þau orðin nokkuð
áberandi í þjóðfélaginu því þau eru
farin að auglýsa þjónustu sína reglu-
lega í fjölmiðlum.
Við einfalda leit á alnetinu má
finna nærri tug fyrirtækja sem sér-
staklega tengja sig við innheimtu
slysa- og skaðabóta fyrir fólk. Þrjú
þeirra, Fortis, Tort og Fulltingi, hafa
verið mest áberandi undanfarnar
vikur vegna auglýsinga í sjónvarpi.
Hin fyrirtækin gera slysabótum hátt
undir höfði í kynningum sínum og
því má reikna með að innheimta
bóta sér stór þáttur í starfsemi fyr-
irtækjanna. Þar að auki má gera ráð
fyrir því að fjöldi annarra lögmanns-
stofa sinni þessari iðju með fram
öðrum málaflokkum.
Spurning um
bótahlutfall
Steingrím-
ur Ari Ara-
son, for-
stjóri
Sjúkra-
trygginga
Íslands,
segir það
almennt
af hinu
góða að fyr-
irtæki taki
að sér
að
innheimta bætur fyrir ein-
staklinga en bendir á að oft sé
þetta á gráu svæði. Aðspurð-
ur segir hann að fram til
þessa hafi ekki borist kvart-
anir til stofnunarinnar vegna
þessara innheimtufyrirtækja.
„Í raun er ekkert hægt að am-
ast við þessu en það er hins
vegar alveg ljóst að oft eru
menn á gráu svæði. Við höfum
einna helst orðið vör við það
að þessi fyrirtæki eru að reyna
að sækja mjög gömul mál og það
getur verið bagalegt fyrir málsað-
ila,“ segir Steingrímur Ari.
„Í þeim tilvikum þarf
að rifja málin vel upp
og sú vinna get-
ur verið erfið. Ég
kannast við um-
ræðu um hræ-
gammaaðferðir
innheimtumann-
anna en til okk-
ar hefur þó ekki verið kvartað. Við
vitum aldrei hver bótaskiptingin er
milli aðila en það er einna helst við
bótahlutfall innheimtuaðila sem ég
gæti sett spurningarmerki. Í flestum
tilfellum eru þetta einföld mál, sem
við aðstoðum fólk við, og því óeðli-
legt að einkaaðili taki stóran hluta af
bótunum til sín.“
Óheppileg þróun
Matthías Halldórsson aðstoðarland-
læknir hefur orðið var við fjölgun
slíkra fyrirtækja og bendir á að það
sé nýtt að þau séu að auglýsa sig upp
með áberandi hætti. „Þetta er ein-
hvers konar ameríkanisering og hef
ég tekið eftir því sjálfur að þeim hef-
ur fjölgað. Út af fyrir sig hef ég ekk-
ert út á fjölgun fyrirtækjanna að setja
en hef vissar áhyggjur af því að þessu
fylgi ákveðin hætta á svindli. Vissu-
lega er sjálfsagt að hjálpa fólki að
sækja bætur ef um vankunnáttu er
að ræða en mér finnst að Trygginga-
stofnun ætti að nægja til þess,“ segir
Matthías.
„Auðvitað get ég ekki haft neitt
á móti starfseminni á meðan hún
er lögleg en bið um að hún verði í
sæmilegu hófi. Reynslan af svona
starfsemi, til að mynda í Banda-
ríkjunum, er sú að þessu fylgi hræ-
gammastarfsemi en þar hefur þró-
unin orðið sú að fyrirtækin eru farin
að leita uppi læknamistök. Sú þróun
gæti alveg eins orðið hér á landi og
það væri mjög óheppilegt.“
n Fortis
n Tort
n Fulltingi
n Slysabætur.is
n Landslög
n Bótaréttur
n LEGE lögmannsstofa
n Acta lögmannsstofa
Nokkur slysa- og
skaðabótafyrirtæki:
TRAUSTI HAFSTEINSSON
blaðamaður skrifar: trausti@dv.is
Fjölgar ört Miðað við auglýsing-
ar í fjölmiðlum virðast bótafyrir-
tækjum hafa fjölgað og þau meira
farin að auglýsa þjónustu sína.
Farið varlega Matthías hefur ekkert á móti bótafyrirtækj-
unum en vonast til þess að þau þróist ekki frekar í átt að
amerískum bótafyrirtækjum.
Á ofsahraða á
Hellisheiði
Tveir ökumenn fengu að
kynnast laganna vörðum
eftir að þeir voru teknir á
ofsahraða á bílum sínum á
Hellisheiði á föstudagskvöld
og aðfaranótt laugardags.
Fyrri ökumaðurinn var stöðv-
aður eftir að bíll hans hafði
mælst á 144 kílómetra hraða
á klukkustund.
Hinn ökumaðurinn var
tekinn um miðnættið á enn
meiri hraða. Sá mældist á 160
kílómetra hraða á klukku-
stund eða 70 kílómetrum á
klukkustund yfir löglegum
hámarkshraða, en að auki
reyndist hann undir áhrifum
áfengis. Hann þarf væntan-
lega ekki að hafa áhyggjur af
því að endurtaka slíkt athæfi í
bráð þar sem hann var svipt-
ur ökuréttindum á staðnum.
Tvær slösuðust
í bílveltu
Tvær ungar stúlkur voru
fluttar með þyrlu Landhelg-
isgæslunnar, TF LÍF, á Land-
spítalann í Fossvogi undir
kvöld á sunnudag eftir bíl-
veltu skammt frá Grundar-
firði seinni partinn í dag.
Að sögn varðstjóra hjá
Landhelgisgæslunni fór þyrl-
an til móts við sjúkrabílinn og
sótti þær slösuðu á Kaldár-
melaflugvelli upp úr kl. 17.30.
Þyrlan lenti svo í Reykjavík
klukkan 18.26.
Að sögn lögreglunnar í
Grundarfirði var mikil hálka
og ísing á veginum þegar
slysið varð.
Barist um
efsta sætið
Níu sækjast eftir sæti á lista
vinstri-grænna fyrir komandi
bæjarstjórnarkosningar á Ak-
ureyri og hafa því gefið kost á
sér í forvali flokksins. Andrea
Hjálmsdóttir og Baldvin H. Sig-
urðsson sækjast bæði eftir að
leiða listann. Edward Huijbens
sækist eftir öðru sæti listans.
Aðrir sem gefa kost á sér eru
Auður Jónasdóttir, Daði Arnar
Sigmarsson, Dýrleif Skjóldal,
Guðmundur H. Helgason, Krist-
ín Sigfúsdóttir og Sóley Björk
Stefánsdóttir.
Vinstri-græn eiga nú tvo bæj-
arfulltrúa, Baldvin og Kristínu.
LEIÐRÉTTINGAR
n Móðir Sigrúnar Eyþórs-
dóttur var rangnefnd í grein
á ættfræði- og afmælissíð-
um DV um helgina. Rétt nafn
hennar er Anna Eyvör Ragn-
arsdóttir.
n Gunnar Sigurðsson býr
ekki lengur á Kew Riverside-
svæðinu í London, eins og
lesa mátti í grein um útrás-
arvíkinga í helgarblaði DV.
Húsið sem hann bjó í er í
eigu Bjarna Ármannssonar
og konu hans. Baugur leigði
húsið af þeim til tveggja ára
en ekki tíu.