Dagblaðið Vísir - DV - 18.01.2010, Qupperneq 18

Svarthöfði bíður þess spenntur að fá að segja nei við Icesa-ve-lögunum í þjóðaratkvæða-greiðslu. Það kemur auðvit-
að ekki til greina að segja já við þeim
álögum sem fylgja samningum við
Breta og Hollendinga um að greiða
þeim til baka þá peninga sem Björ-
gólfur Guðmundsson og Björgólfur
Thor og Kjartan Gunnarsson báru
ábyrgð á að blekkja almenning í þess-
um löndum til að leggja inn á reikn-
inga Landsbankans.
Í framhaldi þeirrar þjóðaratkvæða-greiðslu mun þjóðin fá aragrúa af slíkum atkvæðagreiðslum. Við verðum spurð um skattahækk-
anir ríkisstjórnarinnar: Vilt þú greiða
hærra skatta og útsvar? Svarið verður
nei. Í framhaldinu verður síðan lagt í
þjóðaratkvæði hvort lækka eigi skatta
og útsvar. Yfir 90 prósent þjóðarinnar
munu samþykkja slíkt. Þá mætti skjóta
inn lögum um að það verði frítt í bíó
fyrir alla landsmenn. Það munum við
auðvitað samþykkja.
Ein mikilvæg atkvæðagreiðsla verður að fara fram. Risa-stórt kúlulán upp á yfir 300 milljarða króna,
sem tekið var vegna gjaldþrots
Seðlabankans undir stjórn
Davíðs Oddssonar, má ekki
greiða til baka án
sam-
þykkis þjóðarinnar. Það verður því
kolfellt og þær þjóðir og stofnaninir
sem lánuðu peningana verða að bíta
í þann súra rabbabara að við borgum
ekki skuldir sem rekja má til óreiðu-
manna.
Það pirrar marga að þurfa að borga aðgöngumiða í Hval-fjarðargöngin, ferjur, flug, strætisvagna og annað sem
telst til almenningssamgangna. Með
einfaldri þjóðaratkvæða-
greiðslu mætti afnema
þau gjöld. Í sömu
atkvæðagreiðslu
mætti svara
eftirfarandi
spurningu:
Vilt þú greiða
17 þúsund
krónur á ári
í nefskatt til
Ríkisútvarps-
ins? Yfirgnæf-
andi meirihluti
þjóðarinnar
mun láta af-
nema jeppaskatt
Ríkisútvarpsins
og
gera samgöngur allra landsmanna
gjaldfríar.
Forseti Íslands mun hafa nóg að gera við að vísa málum í þjóðaratkvæði. Í rauninni þarf hann ekkert að brjóta
heilann um þessi mál. Það yrði regla
fremur en undantekning að þjóðin
kvæði upp sinn dóm. Vandi forset-
ans gæti þó orðið stór ef Alþingi vildi
spara á hans kostnað með því að
leggja forsetaembættið hans niður.
Í þjóðaratkvæðagreiðslu gæti
spurningin verið þessi: Viltu
spara 200 milljónir með því
að leggja niður embætti
forseta Íslands? Svarthöfði
mun auðvitað samþykkja
þann sparnað líkt og þorri
þjóðarinnar. Loksins er að
renna upp sú tíð að raun-
verulegt lýðræði verði á
Íslandi.
NEI, OG AFTUR NEI
SPURNINGIN
„Það er algerlega
ólýsanleg tilfinning,“
segir matreiðslumað-
urinn Agnar
Sverrisson sem er
fyrsti íslenski
kokkurinn til að fá
Michelin-stjörnu.
Agnar rekur veitingastaðinn Texture í
London sem hefur verið þungamiðja í
Íslendingasamfélaginu þar í borg
síðastliðin tvö ár.
HVERNIG ER AÐ VERA
FYRSTI ÍSLENSKI MI-
CHELIN-MAÐURINN?
„Ef forsetafrúnni hefði
seinkað um nokkrar
mínútur í viðbót hefðum
við sett af stað allsherjar-
leit um alla borgina.“
n Numbai Mirror hefur þetta eftir yfirmönnum
lögreglunnar en Dorrit Moussaieff var týnd í eina
sex klukkutíma í heimsókn sinni á Indlandi. Hún
hafði bara skellt sér í verslunarleiðangur og
gleymt að láta öryggisverði vita. - DV
„Þetta er tilgang-
ur lífsins.“
n Þórey Edda Elísdóttir
sem eignaðist sitt fyrsta barn
í september síðastliðnum. Hún
segir það best í heimi að vera
mamma. - DV
„Ég myndi
frekar hætta.“
n Logi Geirsson um að hann
myndi frekar hætta en að spila
með lélegu liði í Þýskalandi.
Samn- ingur hans við Lemgo rennur út í vor og
Logi leitar sér nú að nýju liði. - DV
„Aldur er ekkert
aðalmálið í
þessu heldur sú
staðreynd að
þetta getur
komið fyrir hvern sem er.“
n Þórhallur Gunnarsson, dagskrárstjóri RÚV,
um lagið In the Future sem hin 16 ára gamla
Karen Pálsdóttir söng í Söngvakeppni
Sjónvarpsins. - Fréttablaðið
„...hún er að
koma manni
inn á þing.“
n Jón Gnarr um stefnu
Besta flokksins en hann lítur á
þátt- töku flokksins í borgarstjórnarkosn-
ingum sem eins konar generalprufu. - Fréttablað-
ið
Ofbeldisfull sambúð
LEIÐARI
Ríkisstjórn Íslands kemur undarlega fram um þessar mundir. Hún virð-ist vera meðvirk þeim þjóðum sem eru augljóslega að gera okkur tölu-
verðan óleik með hörku sinni í Icesave-mál-
inu.
Þegar ríkisstjórnin komst til valda voru
miklar vonir bundnar við hana. Á síðari
árum hefur aldrei verið við völd lýðræðis-
sinnaðri ríkisstjórn. Ekki hefur heldur verið
tær vinstristjórn áður. Allt leit út fyrir að al-
mennir borgarar fengju loksins aukin rétt-
indi gagnvart hinum ranglátu fjármála-
stofnunum og að nú yrðu áhrif almennings
á ákvarðanatökur ríkisins stóraukin. En
svo gerðist eitthvað hjá ríkisstjórninni. Hún
missti neistann og gerði ekkert af þessu.
Ríkisstjórnin sem var mynduð utan um von
varð tákngervingur og talsmaður vonleysis.
Henni varð bölvanlega við ákvörðun forset-
ans um að þjóðin fengi að kjósa og á sama
tíma sérstaklega umhugað um að þjóð-
in borgi skuldir Björgólfs í útlöndum, þvert
gegn eigin siðferðisvitund. Við það vaknar
spurningin: Hvar hafa dagar lífs hennar lit
sínum glatað?
Icesave-málið er svo mikið úr karakter
ríkisstjórnarinnar að ef hún væri einstakl-
ingur yrði hún send til viðtals hjá lækni.
Samskiptin við Breta, Hollendinga, ESB og
Alþjóðagjaldeyrissjóðinn hafa svipt hana
sjálfsörygginu, frelsinu og sakleysinu.
Í sambúð para eru þekkt sambærileg
vandamál, þar sem valdameiri aðilinn kúg-
ar hinn, með hótunum og ofbeldi til skiptis.
Slík sambönd ganga upp vegna þess að fórn-
arlambið verður meðvirkt kúgara sínum í
þeirri trú að það eigi ekki betra skilið eða geti
ekki lifað án kúgarans. Í tilfelli Íslands er það
sannarlega svo að við verðum að halda sam-
bandi við nágrannaþjóðirnar. Og kannski
finnst íslenskum stjórnvöldum þau ekki eiga
neitt betra skilið eftir ruglið síðustu ár, en þau
verða að hugsa fyrst og fremst út í þá sem eru
saklausir en þurfa að borga fyrir þetta.
Yfirleitt er eina leiðin til að brjóta upp
hið ofbeldisfulla samskiptamunstur að ut-
anaðkomandi aðili komi til hjálpar og leiði
báðum aðilum í ljós að eitthvað sé rotið við
samskipti þeirra. Heimilisofbeldi viðhelst
í myrkrinu, fjarri augum annarra, en þrífst
verr þegar öllum er ljóst hvað er á seyði.
Vandinn er sá að fórnarlambið getur litið á
inngrip sem truflun á lífinu. Það hefur ekki
tíma til að lagfæra sambandið, því það er
upptekið, til dæmis við að hreinsa til eftir
aðra. Og svo vill það halda í þá von að vanda-
málið sé horfið, þegar síðustu árás lýkur.
En Icesave-málið hverfur ekki þótt samn-
ingurinn verði samþykktur. 387 milljarða
vaxtagreiðslur hefjast strax. Og eftir sjö ár
byrja 120 milljarða afborganirnar af höf-
uðstólnum. Tekjuskattur allra Íslendinga í
fimm ár mun ekki duga til að borga þetta.
Það er ekki of seint að lagfæra samband-
ið, sem hófst með ofbeldisfullri notkun Breta
á hryðjuverkalögum þarsíðasta haust. Rík-
isstjórnin verður þá að deila sem mestum
upplýsingum um samskiptin og láta vita af
því þegar þeim er hótað. Þetta er ekki ykkur
að kenna, en hættið samt að vera svona með-
virk.
BÓKSTAFLEGA
18 MÁNUDAGUR 18. janúar 2010 UMRÆÐA
SANDKORN
n Ólína Þorvarðardóttir, al-
þingismaður Samfylkingar,
hefur náð að fóta sig vel á Al-
þingi Íslendinga. Hún þykir
vera einkar harðskeytt í þeim
málum sem
hún lætur
sig varða.
Þannig hef-
ur hún náð
að velgja
íslenskum
sægreifum
vel undir
uggum með
því að hóta hiklaust að svipta þá
veiðiheimildum á augabragði,
geri þeir uppreisn gegn þjóð-
inni, eiganda auðlindarinnar.
Einhverjir telja hana eiga fullt
erindi í forystusveit Samfylk-
ingar.
n Á meðan útrásarvíkingar fara
huldu höfði í útlöndum og auð-
menn gráta horfið gull standa
nokkrir
uppi með
pálmann
í höndun-
um. Þeirra
á með-
al er Árni
Hauksson,
eiginmaður
Ingu Lindar
Karlsdóttur þulu Skjás eins,
sem hefur ávaxtað sitt pund
vel eftir að hann náði undir sig
Húsasmiðjunni og seldi aftur.
Séð og Heyrt sagði frá því að
Árni og Inga Lind eru að láta
rífa einbýlishús sitt á Arnarnesi
til að byggja annað og stærra.
n Ein vinsælasta ráðgátan
þessa dagana vestur á fjörðum
er hvað Kristinn H. Gunnars-
son, fyrrverandi alþingismaður,
hyggist taka
sér fyrir
hendur. Því
er hald-
ið fram að
hann sé
að vega og
meta það
hvort hann
fari í fram-
boð til bæjarstjórnar í Ísafjarð-
arbæ eða í heimabæ sínum,
Bolungarvík. Í báðum bæjarfé-
lögum gætir nokkurs kvíða hjá
væntanlegum frambjóðendum
þar sem víst þykir að „Sleggjan“
muni raska mjög valdahlutföll-
um, hvar svo sem borið verður
niður.
n Innan Ríkisútvarpsins er tals-
verður óróleiki þessa dagana.
Slæm afkoma stofnunarinnar
undir stjórn
Páls Magn-
ússonar út-
varpsstjóra
leiðir til þess
að nauðsyn-
legt er að
skera niður
í manna-
haldi. Sjálf-
ur er útvarpsstjórinn ágætlega
settur með laun og fararskjóta
sem er í anda 2007. Reiknað
er með að fyrir mánaðamót
komi til stórra og sársaukafullra
aðgerða innan RÚV án þess
að það hafi nákvæmlega verið
útfært.
LYNGHÁLS 5, 110 REYKJAVÍK
ÚTGÁFUFÉLAG: Útgáfufélagið Birtíngur ehf.
STJÓRNARFORMAÐUR: Hreinn Loftsson
FRAMKVÆMDASTJÓRI: Sverrir Arngrímsson
RITSTJÓRAR:
Jón Trausti Reynisson, jontrausti@dv.is
og Reynir Traustason, rt@dv.is
FRÉTTASTJÓRAR:
Brynjólfur Þór Guðmundsson, brynjolfur@dv.is
og Þórarinn Þórarinsson, toti@dv.is
AUGLÝSINGASTJÓRI:
Elísabet Austmann, elisabet@birtingur.is
DV Á NETINU: DV.IS
AÐALNÚMER: 512 7000, RITSTJÓRN: 512 7010,
ÁSKRIFTARSÍMI: 512 7080, AUGLÝSINGAR: 512 7050.
SMÁAUGLÝSINGAR: 515 5550.
Umbrot: DV. Prentvinnsla: Landsprent. Dreifing: Árvakur.
DV áskilur sér rétt til að birta aðsent efni blaðsins á stafrænu
formi og í gagnabönkum án endurgjalds.
Öll viðtöl blaðsins eru hljóðrituð.
JÓN TRAUSTI REYNISSON RITSTJÓRI SKRIFAR. Ríkisstjórnin sem var mynduð utan um von varð tákngervingur og talsmaður vonleysis.