Dagblaðið Vísir - DV - 03.03.2010, Blaðsíða 8

Sigur Ögmundar
Þegar þjóðin fellir Icesave-lögin í
þjóðaratkvæðagreiðslunni verð-
ur það í senn áfellisdómur um þá
samninga sem ríkisstjórnin gerði
við Breta og Hol-
lendinga og sigur
Ögmundar Jónas-
sonar sem sagði af
sér sem ráðherra
í mótmælaskyni
við þá. Þetta segir
Hannes Hólm-
steinn Gissurar-
son, prófessor í
stjórnmálafræði, á bloggsíðu sinni á
Pressan.is.
Hann segir afstöðu ráðherra rík-
isstjórnarinnar til þjóðaratkvæða-
greiðslunnar sýna að þeir séu ráða-
lausir.
„Þessir ráðherrar vita jafnvel og
aðrir, að Icesave-lögin, sem forseti
synjaði staðfestingar, munu verða
felld úr gildi í atkvæðagreiðslunni.
Um leið yrði slík niðurstaða áfellis-
dómur um þá samninga, sem stjórn-
in gerði við Breta og Hollendinga, og
sigur þess ráðherra, sem sagði af sér
í mótmælaskyni við þá,“ segir Hann-
es og vísar til Ögmundar.
8 MIÐVIKUDAGUR 3. mars 2010 FRÉTTIR
Ekki fórna
sjómönnum
„Það hlýtur að vera misskilningur
hjá einhverjum stjórnarþingmönn-
um að stjórnvöld verði að bakka
með að leigja sjálf út skötuselskvóta
til að bjarga stöðugleikasáttmálan-
um,“ segir Grétar Mar Jónsson, skip-
stjórnarmaður og fyrrverandi þing-
maður Frjálslynda flokksins.
„Hér í Sandgerði og víðar hafa
kvótalitlar og kvótalausar útgerðir
beðið í ofvæni eftir frumvarpinu um
breytingar á fiskveiðistjórnuninni og
útleigu ríkisins á skötusel. Í gær réru
aðeins 4 bátar af 60 héðan úr Sand-
gerði vegna þessa.“
Grétar Mar telur að verði útleigu
á skötuselskvóta frestað í þágu sátta
við stórútgerðina kosti það um 100
sjómenn vinnuna og ríkið verði af
240 milljóna króna tekjum af útleig-
unni til útgerðanna.
Braut rúður hjá
sinni fyrrverandi
Ein líkamsárás var kærð til lögregl-
unnar í Vestmannaeyjum í vikunni
sem leið en hún átti sér stað fyrir
utan heimahús síðdegis 22. febrúar.
Þar hafði maður sem vildi komast
inn til fyrrverandi sambýliskonu
sinnar lent í útistöðum við mann
sem reyndi að koma í veg fyrir það.
Endaði þessi ágreiningur með
handalögmálum án þess þó að um
alvarlega áverka væri að ræða.
Jafnframt braut þessi maður allar
rúður í útidyrahurð húss fyrrverandi
sambýliskonunnar.
Þarna var að verki sami maður
og ruddist óboðinn inn til fyrrver-
andi sambýliskonu sinnar í vikunni
þar áður.
Þjóðaratkvæðagreiðslan um síð-
ari Icesave-lögin sem fram fer um
helgina eftir að forseti Íslands synj-
aði þeim staðfestingar í byrjun árs,
snýst um hvort lögin eigi að halda
gildi sínu eða ekki. Þrátt fyrir að for-
setinn hafi synjað lögunum tóku
þau gildi og það er því í höndum
þjóðarinnar að ákveða hvort þau
eigi að gilda eða ekki. Verði lögin
felld í kosningu, eins og yfirgnæf-
andi líkur eru á, munu lögin sem Al-
þingi samþykkti síðasta sumar taka
gildi á nýjan leik. Þau lög eru hins
vegar staðlausir stafir í augum Hol-
lendinga og Breta og allar líkur á að
þau verði einnig felld úr gildi.
Munurinn á þessum lögum snýst
í einfölduðu máli um efnahagslega
fyrirvara Alþingis frá því seinasta
sumar á skuldbindingum vegna
Ice save. Í raun er því verið að kjósa
um hvort efnahagslegir fyrirvarar
Alþingis frá því í sumar eigi að taka
gildi, en þá er nauðsynlegt að semja
upp á nýtt, því hvorki Bretar né Hol-
lendingar fallast á þessa fyrirvara.
Ekki er kosið um hvort Íslendingar
eigi að borga Icesave eða ekki.
Fyrirvarar út
Undarleg staða er komin upp í
kringum kosningar helgarinnar,
þar sem nýjasta tilboð viðsemjenda
okkar er hagstæðara fyrir Ísland en
bæði fyrri og síðari Ice save-lögin.
Allt bendir því til þess að kosn-
ingarnar muni fyrst og fremst vera
táknræn synjun á lögunum, hver
svo sem framvinda málsins verður
eftir kosningar. Þetta verður jafn-
framt í fyrsta sinn sem þjóðin kýs
um lagafrumvarp sem forseti hef-
ur synjað.
Í lögunum frá því í ágúst 2009
er kveðið á um margs konar efna-
hagslega fyrirvara vegna greiðslu-
getu Íslands. Meðal annars að rík-
isábyrgð verði grundvölluð á því að
fjárhagsleg byrði hennar verði inn-
an viðráðanlegra marka, þannig að
Ísland geti endurreist fjármála- og
efnahagskerfi sitt. Ríkisábyrgð skal
samkvæmt þeim lögum vera mið-
uð við hámark á greiðslum úr rík-
issjóði og árin 2017 til 2023 er mið-
að við 4 prósent af vexti vergrar
landsframleiðslu vegna lánasamn-
ings við breska ríkið. Samningur-
inn við Hollendinga kveður á um
að að hámarki 2 prósent af vergri
landsframleiðslu, mælt í evrum,
verði notuð til að greiða skuldina
við Hollendinga. Samkvæmt lög-
unum áttu þessi hlutföll að verða
helmingi lægri árin 2016 og 2024.
Í seinni Icesave-lögunum hafa
málsgreinarnar sem fjalla um fyrir-
varana verið felldar út í heild sinni
og því um að ræða nærri skilyrðis-
lausa endurgreiðslu.
Skilyrðislaus ríkisábyrgð
Helsta óánægjuefnið er með
vaxtakjörin á lánasamningunum
við Breta og Hollendinga. Mið-
að við 5,55 prósenta vexti falla
892.789  krónur á hvern Íslend-
ing. Ef Íslendingar næðu að semja
við Breta og Hollendinga um betri
lánskjör myndu greiðslur á hvern
Íslending lækka strax. Ef vextirn-
ir yrðu 5 prósent myndi heildar-
skuldin lækka um vel á þriðja tug
milljarða og hver Íslendingur þyrfti
fyrir vikið að borga um 31 þúsund
krónum minna, sé miðað við að 88
prósent af eignum Landsbankans
endurheimtist.
Annar stór munur á fyrri og
seinni Icesave-lögunum, sem fjall-
að er um í grein sem Lárus L. Blön-
dal hæstaréttarlögmaður skrifaði
ásamt lagaprófessorunum Sigurði
Líndal og Stefáni Má Stefánssyni,
er að snúið er til baka til þess horfs
sem lánasamningarnir við Breta og
Hollendinga voru upphaflega í, að
ríkisábyrgðin er aftur orðin skilyrð-
islaus hluti af lánasamningunum.
Þjóðaratkvæðagreiðslan um Icesave-skuldbindingarnar snýst um hvort fyrirvarar Al-
þingis á ríkisábyrgð frá því í sumar eigi að gilda. Hollendingar og Bretar hafna þeim.
Munurinn á fyrri lögunum og þeim seinni er sá að ríkisábyrgðin er ótímabundin og
engir fyrirvarar um stöðu Íslands eru í seinni lögunum.
ÞETTA KJÓSA ÍS-
LENDINGAR UM
VALGEIR ÖRN RAGNARSSON
blaðamaður skrifar: valgeir@dv.is
Gengið til kosninga Jóhanna
Sigurðardóttir forsætisráðherra
þarf að greiða atkvæði um
Icesave-lögin eins og hver annar
Íslendingur á laugardaginn.
n Hvað er það í fyrri Icesave-
lögunum sem hefur verið fellt
út í seinni Icesave-lögunum?
1) Gildistími ríkisábyrgðar var til 5.
júní 2024.
2) Efnahagsleg viðmið sem sett
voru við hámark af vexti vergrar
landsframleiðslu á hverju ári. Þetta
átti að tryggja að greiðslur yrðu
viðráðanlegar.
3) Ef dómstólar úrskurða að íslenska
ríkið beri ekki ábyrgð geti það losnað
undan ríkisábyrgðinni.
Fellt út
n Hvernig breytist Icesave-
skuldin við lægri vexti?
Vextir Hver Íslendingur skuldar
5,55% 892.789 kr.
5,0% 861.748 kr.
4,75% 827.155 kr
4,5% 793.499 kr.
4,0% 728.927 kr.
3,5% 667.890 kr
*Miðað við að eignir Landsbankans
dugi upp í 88% af höfuðstól
Icesave-skuldarinnar.
Skuldabyrgðin
Undarleg staða er komin upp
í kringum kosningar
helgarinnar, þar sem
nýjasta tilboð viðsemj-
enda okkar er hagstæð-
ara fyrir Ísland en bæði
fyrri og síðari Icesave-
lögin.