Dagblaðið Vísir - DV - 19.04.2010, Blaðsíða 4

4 MÁNUDAGUR 19. apríl 2010 FRÉTTIR
Rjóminn af blaðamannastéttinni kynnir sér Evrópusambandið:
Blaðamenn til Brussel
Þrettán íslenskir blaðamenn og
bloggarar eru á leið til Brussel í
Belgíu á mánudagsmorgun til að
kynna sér Evrópusambandið. Með-
al þeirra sem búnir eru að skrá sig í
ferðina eru Egill Helgason, umsjón-
armaður Silfurs Egils, Sölvi Tryggva-
son, sjónvarpsmaður á Skjá einum,
Frosti Logason, útvarpsmað-
ur á X-inu og stjórnmála-
fræðinemi, og Ólafur
Arnarson, rithöfundur og
hagfræðingur sem blogg-
að hefur á vef Pressunn-
ar um langt skeið. Athygli
vekur einnig að bloggarinn
Lára Hanna Einarsdóttir er í
hópnum.
Það er stækkunar-
stjórn Evrópusam-
bandsins sem
býður íslensku
blaðamönnunum í ferðina og greið-
ir sambandið fyrir flugið og gistingu
á Novo tel Tour Noire-hótelinu í mið-
borg Brussel. Um er að ræða fjögurra
daga ferð en íslenski hópurinn flýgur
til Brussel á mánudag og er væntan-
legur aftur til Íslands á fimmtudags-
morgun. Skipulögð dagskrá verður
fyrir íslenska hópinn frá þriðjudags-
morgni. Í ferðinni mun blaða-
mönnum verða kynnt ýmis
málefni sem snúa að starfsemi
Evrópusambandsins en ferðin er
í tengslum við aðildarumsókn Ís-
lendinga að sambandinu sem nú
er í sínum farvegi.
n Ragnhildur Thorlacius, RÚV
n Höskuldur Kárri Schram,
Stöð 2 og Bylgjunni
n Frosti Logason, X-inu
n Guðsteinn Bjarnason, Fréttablaðinu
n Egill Ólafsson, Morgunblaðinu
n Helgi Hrafn Guðmundsson, DV
n Guðmundur Magnússon, Eyjunni
n Sölvi Tryggvason, Skjá einum
n Egill Helgason, RÚV
n Lára Hanna Einarsdóttir,
bloggari á Eyjunni
n Bryndís Ísfold Hlöðversdóttir,
Miðjunni
n Alda Sigmundsdottir,
Iceland Weather Report
n Ólafur Arnarson,
bloggari á Pressunni
Þau fara
Á leið til Brussel Sölvi
Tryggvason er einn
þeirra sem skráðir
eru í ferðina til
Brussel.
Kláruðu lesturinn
Lestri starfsfólks Borgarleikhússins á
skýrslu rannsóknarnefndar Alþingis
lauk klukkan 12.30 á sunnudag eftir
146 klukkustunda samfelldan lestur.
Lesturinn hófst um leið og skýrsl-
an kom út og stóð samfellt, dag og
nótt, þar til yfir lauk. Landsmenn
hafa sýnt framtakinu mikinn áhuga
því stöðugur straumur fólks hefur
verið í leikhúsið á öllum tímum sól-
arhringsins. Óhætt er að segja að
lesturinn hafi kallað fram margvísleg
viðbrögð hjá þeim sem á hlýddu.
Hross í hættu
Eigendur útigangshrossa um allt
land þurfa að búa sig undir að verja
hross sín fyrir öskufalli. Of seint
er að bregðast við eftir að umtals-
vert öskufall er skollið á. Miðað við
veðurspá fyrir næstu daga er mest
hætta á öskufalli í Rangárvallasýslu
en hrossaeigendur á öllu Suður- og
Suðausturlandi þurfa að vera í við-
bragðsstöðu. 
Þar sem mikið öskufall verður er
hrossum bráð hætta búin af því að
anda að sér öskunni, drekka mengað
vatn og éta hana í sig með meng-
uðu fóðri. Því þarf að hýsa öll hross á
þeim svæðum. Sé það ekki hægt þarf
að flytja hross á öruggari svæði.
Umbótanefnd skip-
uð hjá Samfylkingu
Á flokksstjórnarfundi Samfylkingar-
innar sem fram fór um helgina var
samþykkt skipan umbótarnefnd-
ar sem hefur það verkefni að leiða
skoðun og umræðu um störf, stefnu,
innri starfshætti og ábyrgð Samfylk-
ingarinnar í aðdraganda banka-
hrunsins og gera að því loknu tillög-
ur til umbóta. Þær skulu liggja fyrir
ekki síðar en á flokksstjórnarfundi
Samfylkingarinnar haustið 2010.
„Við erum ekki undanþegin öðr-
um félögum í ferðaþjónustu. Ef
þetta varir lengi er alveg ljóst að
þetta mun hafa veruleg áhrif á
rekstur okkar eins og annarra,“
segir Björgólfur Jóhannsson, for-
stjóri Icelandair Group, um áhrif
eldgossins í Eyjafjallajökli. Ice-
landair Group sé þó heppnara
en mörg önnur félög í Evrópu
þar sem félagið geti enn flogið til
Bandaríkjanna. Auk þess sé að
opnast flug til Noregs. Hann seg-
ir erfitt að nefna svipað áfall fyr-
ir ferðaþjónustu í heiminum og
það sem gosið hefur nú haft. Það
séu helst áhrifin af árásinni á tví-
buraturnana í Bandaríkjunum 11.
september 2001. Áhrif þess hafi
þó ekki verið í líkingu við áhrif
eldgossins. Samstæða Icelandair
Group tapar, að sögn Björgólfs,
um 100 milljónum króna á dag
af völdum eldgossins. Talið er að
flugfélög í heiminum séu að tapa
um 25 milljörðum króna á dag.
Neikvæð áhrif á sumarið
Björgólfur segir að helsta áhyggju-
efni sitt séu áhrif eldgossins fyr-
ir ferðamannaiðnaðinn á Íslandi
fyrir sumarvertíðina. Því hafði
verið spáð að töluverð fjölgun
yrði í komu erlendra ferðamanna
hingað til lands í sumar. Eldgos-
ið gæti haft töluverð áhrif á þær
áætlanir. Að sögn Björgólfs hef-
ur finnska flugfélagið Finnair gef-
ið það út að þeir séu að tapa um
þrem milljónum evra á dag, eða
rúmlega 500 milljónum íslenskra
króna, vegna eldgossins á Íslandi.
Finnair sé þó vel í stakk búið til
að takast á við slíkt áfall þar sem
lausafjárstaða félagsins sé góð.
Bretar verða verst úti
Áhrif eldgossins virðast vera
einna mest á Bretlandi. Björgólf-
ur telur að gosið hafi haft mjög
slæm áhrif á breska flugfélagið
British Airways. „Ryanair er búið
að fella niður flug fram á miðviku-
dag og þá verður komin heil vika í
afbókanir hjá þeim. Þeir hafa ekki
gefið upp neinn kostnað en það
er ljóst að hjá svona stórum félög-
um hleypur kostnaðurinn á mjög
stórum tölum,“ segir Björgólfur.
Gæti orðið tragedía
„Ég held að ef þetta eldgos stend-
ur mjög lengi, í heilt ár jafnvel, þá
getur þetta orðið gríðarleg trag-
edía,“ segir Guðmundur Ólafs-
son hagfræðingur, spurður um
efnahagsleg áhrif eldgossins í
Eyjafjallajökli. Guðmundur seg-
ir þó að á þessari stundu sé úti-
lokað að meta áhrif eldgossins,
þar sem enginn veit hversu lengi
það muni standa. Hann segir hins
vegar að ef eldgosið stendur stutt
muni það frekar hafa jákvæð áhrif
á efnahaginn þar sem það muni
leiða til fjölgunar ferðamanna hér
á landi.
Gæti haft áhrif á fiskimiðin
„Þú veist ekki hvort eldgosið er til
góðs eða ills.  Ef þetta verður búið
fljótlega hugsa ég að þetta myndi
hjálpa okkur með því að draga
að ferðamenn,“ segir Guðmund-
ur. Hann er hins vegar svartsýnn
á horfurnar ef eldgosið stend-
ur mjög lengi. „Ef þetta stendur
í marga mánuði þá verður þetta 
„disaster“. Þá lendum við í mikl-
um erfiðleikum með framleiðslu.
Við getum lent í því að fá ösku yfir
allt landið og að þurfa að kaupa
landbúnaðarafurðir til landsins.
Við vitum ekki hvernig þetta fer
með fiskimiðin heldur.“
Aðspurður hvenær verulegra
efnahagslegra áhrifa fari að gæta
hér á landi, segir Guðmundur að
ef flugsamgöngur liggi niðri mjög
lengi verði staðan mjög erfið hér
á landi. „En 10 dagar til eða frá
skipta ekki máli,“ segir hann.
Ef þetta stend-ur í marga
mánuði þá verður
þetta „disaster“. Þá
lendum við í miklum
erfiðleikum með fram-
leiðslu.
TAPA HUNDRAÐ
MILLJÓNUM Á DAG
ANNAS SIGMUNDSSON og
VALGEIR ÖRN RAGNARSSON
blaðamenn skrifa: as@dv.is og valgeir@dv.is
Neikvætt á sumarvertíðina Björg-
ólfur Jóhannsson, forstjóri Icelandair
Group, hefur áhyggjur af áhrifum
eldgossins á ferðamannastrauminn til
Íslands í sumar.
Gæti orðið disaster „Ef þetta
stendur í marga mánuði verður þetta 
„disaster“,“ segir hagfræðingurinn
Guðmundur Ólafsson.
Icelandair tapar hundrað milljónum á dag vegna
eldgossins í Eyjafjallajökli. Guðmundur Ólafsson
hagfræðingur segir að ef eldgosið varir lengi geti
það haft mjög slæm áhrif á efnahag landsins.