Dagblaðið Vísir - DV - 19.04.2010, Blaðsíða 13

Á þriðja hundrað manns, sem sat
fokksráðsfund Sjálfstæðisflokksins
í Reykjanesbæ síðastliðinn laug-
ardag, lýsti fullum stuðningi við
Bjarna Benediktsson, formann
flokksins. Sjálfur telur hann að
tengsl sín við ýmsa fjármálagjörn-
inga, sem nefndir eru í skýrslu rann-
sóknarnefndar Alþingis, hafi verið
að fullu skýrð og telur enga ástæðu
til þess að segja af sér formennsku
eða víkja af þingi.
Á flokksráðsfundinum sagði
Þorgerður Katrín Gunnarsdóttir af
sér varaformannsembætti í Sjálf-
stæðisflokknum og tilkynnti jafn-
framt að hún myndi víkja tíma-
bundið af þingi meðal annars með
tilliti til þingmannanefndarinnar
sem fjallar um ábyrgð þingmanna
og ráðherra í ljósi skýrslu rann-
sóknarnefndarinnar. „Það er sárt
að kveðja varaformannsembættið,
en ég get ekki horft framhjá minni
ábyrgð, minni samvisku og mínum
trúverðugleika. Ég vil ekki að per-
sóna mín í embætti varaformanns
skyggi á það endurreisnarstarf sem
vinna þarf innan flokksins,“ sagði
Þorgerður Katrín.
Flokkurinn frestaði uppgjöri
Fyrir helgina ákvað einnig Illugi
Gunnarsson, formaður þingflokks
Sjálfstæðisflokksins, að víkja tíma-
bundið af þingi þar eð rannsóknar-
nefnd Alþingis hafði vísað málum
peningamarkaðssjóðanna til frek-
ari rannsóknar hjá embætti sérstaks
saksóknara.
Bjarni hefur ákveðið að kalla
saman miðstjórn Sjálfstæðisflokks-
ins til þess að ákveða hvernig nýr
varaformaður flokksins verði val-
inn. Hann hefur einnig lýst vilja til
þess að flýta landsfundi flokksins.
Þótt Þorgerður Katrín og Illugi
hafi nú vikið af þingi og Þorgerður
Katrín sagt af sér sem varaformaður
flokksins þykir meirihluta almennra
sjálfstæðismanna sem ekki sé enn
nóg að gert eins og tveir heimildar-
menn DV innan flokksins orða það.
Á það er meðal annars bent
að flokkurinn hafi haft fögur fyrir-
heit um uppgjör og endurreisn á
landsfundi sínum 26. mars í fyrra,
en á þeim fundi tók Bjarni við for-
mennsku af Geir H. Haarde.
Lítið hefur þótt bóla á slíku upp-
gjöri fyrr en fyrst nú eftir birtingu
skýrslu rannsóknarnefndar Alþing-
is. Fyrir landsfundinn í fyrra lét for-
ysta flokksins taka saman skýrslu
um uppgjör og endurreisn atvinnu-
lífsins undir forystu Vilhjálms Eg-
ilssonar, fyrrverandi þingmanns
flokksins og núverandi fram-
kvæmdastjóra Samtaka atvinnu-
lífsins. Davíð Oddsson fékk orð-
ið á landsfundinum í fyrra og lýsti
því meðal annars að hann sæi eftir
þeim trjám sem farið hefðu í að gefa
út skýrsluna á prenti.
„Þótt engin lög
hafi verið brotin“
Í skýrslunni stendur meðal annars:
„Það skýtur skökku við að á ríflega
100 dögum eftir eitt mesta efna-
hagshrun vestræns ríkis á friðartím-
um var enginn kallaður til ábyrgð-
ar af hálfu Sjálfstæðisflokksins. Þau
skilaboð til þjóðarinnar, að enginn
beri pólitíska ábyrgð eru röng. Hér
dugir séríslensk skilgreining á pól-
itískri ábyrgð ekki. Pólitísk ábyrgð
snýst ekki um að kjörinn fulltrúi eigi
að sitja sem fastast þrátt fyrir mistök
hans sjálfs eða undirmanna, held-
ur hið gagnstæða. Að standa upp
og fara þegar áföll verða þótt engin
lög hafi verið brotin af viðkomandi
er siður sem þarf að komast inn í ís-
lenska stjórnmálahefð. Menn þurfa
að láta framtíðarhagsmuni njóta
vafans og ekki láta sína persónu
vera fyrir.“
Um 560 dögum eftir banka-
hrunið hefur Sjálfstæðisflokkurinn
ekki átt frumkvæði að því að kalla
forystumenn innan flokksins til
ábyrgðar. Illugi Gunnarsson og Þor-
gerður Katrín Gunnarsdóttir tóku af
skarið sem einstaklingar og hafa lýst
ástæðum sínum með opinberum
yfirlýsingum.
Eftir því sem DV kemst næst var
á flokksráðsfundinum á laugardag
spurt um ábyrgð fleiri manna sem
voru við stjórnvölinn þegar bank-
arnir hrundu. Það á við um Tryggva
Þór Herbertsson, núverandi þing-
mann flokksins í Norðausturkjör-
dæmi. Hann var áður forstjóri Ask-
ar Capital sem lánaði félagi í hans
eigu, Varnagla ehf., 150 milljón-
ir króna árið 2007. Tryggvi Þór var
efnahagsráðgjafi Geirs H. Haarde
forsætisráðherra þegar bankakerf-
ið féll.
Einar K. Guðfinnsson mun einn-
ig hafa verið nefndur á fundinum
á laugardag, en hann var sjávarút-
vegsráðherra í ríkisstjórn Geirs H.
Haarde þegar bankarnir hrundu.
Þá hefur DV heimildir fyrir vax-
andi óánægju með framgöngu
Bjarna Benediktssonar, formanns
flokksins, og jafnvel Jónmundar
Garðarssonar, framkvæmdastjóra
flokksins, en hann átti hlut að eign-
arhaldsfélaginu Berginu ehf. sem
tók 2 milljarða króna lán til kaupa á
hlutum í Icebank.
Kristján Þór eða Hanna Birna?
Eins og DV hefur ítrekað greint frá
koma Bjarni og ættmenni hans víða
við í viðskiptasögu Wernerssona,
Milestone og annarra félaga sem að
sínu leyti tengdust afdrifum bóta-
sjóðs Sjóvár og viðskiptum með
hlutabréf í Glitni.
Bjarni hefur ekki viljað tengja
viðskiptasögu sína stjórnmálaaf-
skiptum sínum og staðfastlega vísað
á bug áburði um að hafa tekið þátt í
óeðlilegum viðskiptum.
Bjarni var kjörinn með 58 pró-
sentum atkvæða á landsfundi
flokksins í lok mars í fyrra. Kristján
Þór Júlíusson, sem einnig bauð sig
fram til formennsku, veitti honum
harða samkeppni og hlaut að lok-
um um 40 prósent atkvæða.
Innan Sjálfstæðisflokksins mun
þolinmæði óbreyttra sjálfstæðis-
manna hafa minnkað mjög mik-
ið að undanförnu gagnvart for-
ystumönnum, sem með einum
eða öðrum hætti komu við sögu
bankahrunsins og bera hugsan-
lega ábyrgð á því að einhverju leyti.
Ein augljós ástæða fyrir því er sú að
sveitarstjórnakosningar eru eftir um
sex vikur. Í kjölfar birtingar skýrslu
rannsóknarnefndar Alþingis þykir
vaxandi hópi sjálfstæðismanna það
ekki boðlegt að flokkurinn leggi í
sveitarstjórnakosningarnar án þess
að hafa gert minnstu tilraun til yf-
irbótar.
Þá er einnig horft til ofurfram-
laga til flokksins á uppgangstím-
um bankanna. Vísa má til samtals
55 milljóna króna frá FL-Group
og Landsbankanum í árslok 2006,
en sem kunnugt er kvaðst Geir H.
Haarde bera ábyrgð á móttöku
þeirra framlaga.
Innan flokksins spyrja menn vit-
anlega um framtíðarforystu flokks-
ins. Nafn Hönnu Birnu Kristjáns-
dóttur borgarstjóra er oft nefnt.
Hemildarmenn DV innan flokksins
segja afdráttarlaust að nafn Krist-
jáns Þórs Júlíussonar sé æ oftar
nefnt í seinni tíð.
Þrátt fyrir yfirlýsingar Bjarna
Benediktssonar og stuðningsyfirlýs-
ingu flokksráðsfundarins síðastlið-
inn laugardag er augljóst að á bratt-
ann er að sækja fyrir hann.
FRÉTTIR 19. apríl 2010 MÁNUDAGUR 13
BJARNI BERST FYRIR
FORMANNSSTÓLNUM
JÓHANN HAUKSSON
blaðamaður skrifar: johannh@dv.is
„Pólitísk ábyrgð snýst ekki um að
kjörinn fulltrúi eigi að
sitja sem fastast þrátt
fyrir mistök hans sjálfs
eða undirmanna.“
Almennir sjálfstæðismenn sýna
forystumönnum sínum, sem tengd-
ust bankahruninu með einhverjum
hætti, æ minni skilning og um-
burðarlyndi og krefjast breytinga í
forystu flokksins. Þorgerður Katrín
Gunnarsdóttir og Illugi Gunnars-
son hafa axlað ábyrgð og gefið skýr-
ingar með yfirlýsingum. Það þrengir
að Bjarna Benediktssyni, Tryggva
Þór Herbertssyni og jafnvel fleirum
í forystu flokksins sem ekki þykja
hafa hreinan skjöld vegna banka-
hrunsins.