Dagblaðið Vísir - DV - 19.04.2010, Blaðsíða 19

Hinn 21 árs gamli markvörður
ARON RAFN EÐVARÐSSON
sló í gegn í sínum fyrsta landsleik gegn
Frakklandi um helgina. Hann var með
36 prósenta markvörslu þær mínútur
sem hann spilaði og varði meðal
annars eitt víti.
SÁ EKKI BOLTANN Í
FYRSTA MARKINU
Hrunið með þúsunda milljarða tjón
fyrir innlenda og erlenda aðila er
staðreynd.
Skýrsla rannsóknarnefndar Al-
þingis frá 12. apríl 2010 upplýsir um
mörg og alvarleg lögbrot almennra
borgara og opinberra aðila. Hver
verða næstu skref? Aðgerðir ríkis-
saksóknara og ríkislögreglustjóra,
sem voru tíu ár með málverkaföls-
unarmál og fimm ár með Baugsmál,
án verulegs árangurs? Refsirann-
sóknarumfang hrunsins er risavax-
ið, margra áratuga verk sé miðað við
verklag Íslendinga til þessa. Ekki er
líklegt að sérstakur saksóknari, sem
sjálfur er með takmarkaða mennt-
un og reynslu á sviði efnahagsbrota
og starfar jafnframt í umhverfi sem
skortir slíkar forsendur, leysi málin.
Og er forsvaranlegt að leggja slíkar
byrðar á einn eða fáa menn meðan
opinberir aðilar, sem hafa lögbundn-
ar skyldur til að vinna verkin, kunni
ekki og geti ekki? Bótaréttur sem
tengist hruninu fyrnist meðan rann-
sóknir í lokuðum stofnunum banka-
leyndar silast áfram og er mátulegt að
þeir sem lentu í meintu brotaferli bíði
árum saman eftir niðurstöðu? Höf-
um við svo fangelsi til að hýsa marga
brotamenn og peninga og vilja til að
reka þau?
Niðurstaða rannsóknarnefndar-
innar staðfestir slaka opinbera stjórn-
sýslu hér. Íslendingar byggju ekki við
slaka opinbera stjórnsýslu, hefði um-
boðsmaður Alþingis náð góðum ár-
angri í störfum sínum á liðnum árum
og hefði réttarkerfi okkar verið vand-
að og fljótvirkt. Svo einfalt er það.
Hvað skal gera?
Endurgerð stjórnarskrár er oft nefnd
og undir það skal tekið sem lang-
tímaaðgerð. Viðkvæmasti og vanda-
samasti og jafnframt mikilsverðasti
þáttur stjórnskipunarinnar er rétt-
arkerfið. Réttarkerfi okkar þarfn-
ast líka endurgerðar. Stjórnmála- og
vinatengsl hafa lengi slig að það og
menntun til að fara faglega með efna-
hagsbrot virðist skipulega hafa verið
sniðgengin. Því er brýnt að mennta
fólk til að fjalla um efnahagsbrot, allt
frá rannsóknarmönnum til saksókn-
ara, dómara og fjölmiðlamanna.
Óhjákvæmileg og fljótvirk lausn
hrunmála er aflétting bankaleyndar á
að minnsta kosti öllum færslum sem
eru hærri en tíföld árslaun öryrkja,
innan við tuttugu milljónir króna.
Enda eru engin rök, hvorki efnisleg
eða lagaleg, sem réttlæta bankaleynd
á hærri færslum sem friðhelgum
einkamálum. Aflétting bankaleyndar
af stærstu færslum mundi auðvelda
upplýsingu mála, málsóknir einka-
aðila og endurheimt illa fengins fjár.
Það minnkar líka þörfina á refsimál-
um því þungamiðja þeirra er upplýs-
ing.
Hrun – skýrsla – hvað næst?
UMRÆÐA 19. apríl 2010 MÁNUDAGUR 19
1 EGILL HELGASON: SAMBAND GEIRS OG DAVÍÐS SJÚKT Skýrsla
rannsóknarnefndar Alþingis sýnir
fram á sjúkt samband þeirra að mati
Egils.
2 RUSH LIMBAUGH: ELDGOSIÐ MERKI FRÁ GUÐI Bandarískur fjöl-
miðlamaður segir eldgosið tengjast
Guði og Barack Obama
3 ÁSDÍS JENNA KYNNTIST KEVIN BUGGLE Á NETINU Ástfangið par
ræddi einkalíf sitt í helgarblaði DV.
4 SJÓMAÐUR LÉST ÞEGAR HANN FÉLL ÚTBYRÐIS Þyrla Landhelgis-
gæslunnar sótti sjómann sem lést.
5 BJARNI HARÐARSON: PLAT-AF-SAGNIR ÞINGMANNA
Bjarni Harðarson gagnrýnir afsagnir
þingmanna.
6 SÁU EKKI TIL JÖKULSINS VEGNA MIKILLAR ELDVIRKNI Menn frá
Veðurstofu Íslands voru í Fljótshlíð,
þeir sáu þó ekki vel til jökulsins
vegna eldinga.
7 FYLFULLUM MERUM BJARGAÐ UNDAN ÖSKUNNI Rakel Ósk Sig-
urðardóttir tók myndir af fylfullum
merum sem verið var að bjarga
undan drungalegu öskufallsskýi
eldgossins.
MEST LESIÐ á dv.is MYNDIN
Hver er maðurinn? „Aron Rafn
Eðvarðsson.“
Hvar ertu alinn upp? „Holtinu í
Hafnarfirði.“
Hvað finnst þér skemmtilegast að
gera? „Spila handbolta og vera með
vinum og fjölskyldu.“
Hvar vildirðu helst búa ef ekki á
Íslandi? „Danmörku eða Þýskalandi.
Þýskaland heillar náttúrlega út af
handboltanum þar.“
Hver er þín fyrirmynd í handbolt-
anum? „Sennilega Tomas Svenson,
fyrrverandi landsliðsmarkvörður Svía.“
Hvenær byrjaðirðu að æfa hand-
bolta? „Þegar ég var fjögurra ára. Ég er
búinn að vera í þessu helvíti lengi.“
Hefurðu spilað aðrar stöður?
„Einhverntíma í sjötta flokki spilaði ég
sem leikstjórnandi en hef verið í markinu
síðan þá. Ég var líka markvörður í
fótbolta á sínum tíma.“
Bjóstu við að verða valinn í
landsliðið? „Nei, þetta kom á óvart, get
ekki sagt annað.“
Hvernig var tilfinningin að koma
inn gegn besta liði sögunnar fyrir
framan fullri Laugardalshöll? „Það
var mögnuð tilfinning. Ég hélt ég yrði
stressaðri en ég held ég hafi bara verið
nokkuð kúl á því. Það var líka gott að
verja þarna strax og fá snertingu á
boltann.“
Sástu boltann í markinu hjá
Karabatic? „Nei. Þetta var held ég á
svona 190 kílómetra hraða. Ég efast um
að þetta skot hafi sést í hægri endursýn-
ingu.“
Ertu ekki hæstánægður með
frammistöðu þína? „Jú, virkilega
ánægður. Ég hefði svo sem viljað taka
tvö til þrjú skot í viðbótar, þessi sem ég
varði inn, en annars er ég mjög sáttur.“
Er fast landsliðssæti markmiðið?
„Að sjálfsögðu. Er það ekki takmarkið hjá
öllum sem æfa handbolta?“
MAÐUR DAGSINS
KJALLARI
„Nei, ég kaupi mér þannig ef ég þarf
þess en ég efast um að þess þurfi.“
ANNA MARGRÉT KRISTINSDÓTTIR
22 ÁRA HÁSKÓLANEMI
„Nei. Ég geri það líklega ekki nema ég
fari til Eyja.“
PERLA KRISTINSDÓTTIR
29 ÁRA HÁSKÓLANEMI
„Nei, og hyggst ekki gera það.“
VIGGÓ JÓHANNSSON
55 ÁRA BÍLSTJÓRI
„Nei, langt frá því og ætla ekki að gera
það.“
RAGNAR GUÐMUNDSSON
80 ÁRA ELLILÍFEYRISÞEGI
„Nei. Ég geri það ekki nema hér verði
allt svart af ösku. En ég óttast ekkert.“
ATLI BERGMANN
50 ÁRA SÖLUSTJÓRI
ERTU BÚIN/N AÐ KAUPA ÞÉR GRÍMU ÚT AF ELDGOSINU Í EYJAFJALLAJÖKLI?
DÓMSTÓLL GÖTUNNAR
TÓMAS
GUNNARSSON
lögfræðingur skrifar
„Réttarkerfi okkar
þarfnast líka end­
urgerðar.“
Öskuský Lögreglumenn voru á ferð í öskufallinu á Suðurlandi um helgina. Það sást varla á milli bíla í myrkrinu eins og sést á
þessari mynd. Öskufallið olli miklum röskunum um helgina. MYND/AFP