Dagblaðið Vísir - DV - 22.09.2010, Blaðsíða 18

Lengi hefur verið kallað eftir sátt í íslensku samfélagi. Þess er beðið að við hættum að karpa og byrjum að vinna
saman að sameiginlegu markmiði.
Við erum jú öll í sama liðinu. Tak-
mark okkar er og verður að auka
sameiginleg lífsgæði, þannig að
þetta ætti ekki að vera neitt mál.
Á undraverðan hátt hefur það gjörsamlega mistekist að fá stjórnmálamenn til að vinna að sameiginleg-
um markmiðum. Þeir virðast alltaf
sjá tilgang í því að vera ósammála
og þrátta um mestu smáatriði. Þeim
virðist vera mikilvægara að hafa rétt
fyrir sér, með hvaða hætti sem er,
heldur en að gagnast þjóðinni.
Nú í vikunni urðu hins veg-ar loksins þau tímamót að leiðtogar tveggja stærstu stjórnmálaflokkanna
næðu saman. Bjarni Benediktsson
og Jóhanna Sigurðardóttir hafa lík-
lega aldrei verið sammála áður. Þau
hafa ekki náð saman um efnahags-
málin, ekki velferðarmálin og alls
ekki Icesave. Snertiflöturinn sem
þau náðu saman um var að hlífa
flokkssystkinum sínum við því að
fara fyrir Landsdóm og svara fyrir
ráðherraábyrgð sína.
Í fyrra yfirgaf Ingibjörg Sólrún Gísladóttur formannsstólinn í Samfylkingunni. Hún valdi Jóhönnu sem eftirmann sinn
og hrósaði henni í hástert. Nú er
Jóhanna sannfærð um að Ingibjörg
Sólrún sé hreinlega of saklaus til
þess að það megi ákæra hana, þrátt
fyrir að þingmannanefnd sem hún
setti á laggirnar kæmist að þeirri
niðurstöðu að hún ætti að vera
ákærð. Þvílík tilviljun að Jóhanna
skuli einmitt sjá ástæðu til að grípa
fram fyrir hendurnar á þingmanna-
nefndinni akkúrat í tilfelli þessarar
nánu samstarfskonu hennar.
Agnes Bragadóttir, blaða-kona Davíðs Oddsson-ar, gagnrýndi Jóhönnu í sunnudagsblaði Mogg-
ans fyrir að launa Ingibjörgu Sól-
rúnu með því að láta hana fara fyrir
Landsdóm. Gagnrýni úr þeirri átt
var ótvírætt merki um að Jóhanna
væri að gera eitthvað rétt varðandi
spillinguna. En annað kom á dag-
inn.
Jóhanna og Bjarni eru sammála um það að fylgja lögunum, svo lengi sem lögin kveði ekki á um að forverar þeirra axli ábyrgð.
Kannski geta Jóhanna og Bjarni
myndað saman ríkisstjórn utan um
þennan snertiflöt.
Þessi samhljómur milli Sjálfstæðisflokks og Sam-fylkingar heyrðist síðast vorið 2007. Þá náðu Geir
Haarde og Ingibjörg Sólrún Gísla-
dóttir sögulegum sáttum Sjálf-
stæðisflokks og Samfylkingar. Þá
var allt orðið um seinan þannig að
þau ákváðu að þegja yfirvofandi
bankahrun í hel, leyfa Lands-
bankanum að fara ránshendi um
Evrópu, lækka skatta til að auka
þenslu, fara í áróðursherferð fyrir
bankana í Evrópu og Bandaríkj-
unum og almennt gera ekki neitt
í vandanum, kannski sem betur
fer, því það sem þau gerðu gerði
illt verra.
AFHJÚPUN JÓHÖNNU
„Ég er í stuði enda er þing Neytenda-
samtakanna framundan — en ég er
ekki í rafmagnsstuði.“ segir JÓHANNES
GUNNARSSON formaður Neytenda-
samtakanna, hefur sent Landsneti,
sem er dreifingaraðili rafmagns, bréf
þar sem óskað er rökstuðnings á því
viðhorfi fyrirtækisins að það beri ekki
ábyrgð á tjóni vegna rafmagnstrufl-
ana. Fyrr í
mánuðinum
urðu miklar
rafmagns-
truflanir sem
ollu víða
skemmdum á
raftækjum.
Jóhannes telur
að skýrt sé í
lögum að
fyrirtækið beri
ábyrgð.
JÓHANNES, ERTU Í
STUÐI?
„Íslendingar
eru engir
rasistar.“
n Juan Alberto Borges Del Pino, bróðir
kúbversks pilts sem flúði land ásamt föður
þeirra vegna ofsókna.
„Mér finnst ég loksins fá
viðurkenningu sem
listamaður.“
n Tónlistarmaðurinn Haffi Haff um að hann
muni koma fram á tónlistarhátíðinni Iceland
Airwaves. - DV.
„Þetta byrjaði sem friðar-
ganga í fyrri hálfleik en
núna að verða að góðri
borgarastyrjöld.“
n Arnar Björnsson, í lýsingu á síðari hálfleik í
viðureign Manchester United og Liverpool á Old
Trafford á sunnudag - Stöð 2 Sport 2.
„Ég er bara með
viðkvæma
íslenska húð.“
n Ásdís Rán Gunnarsdóttir, en
læknar hafa ráðlagt fyrirsætunni að halda sig frá
sól og ljósabekkjum. Ástæðan er minniháttar
húðskemmdir sem gætu versnað ef Ásdís fer
ekki að öllu með gát. - DV.
„Strákar þið eruð eitthvað
vangefnir.“
n Andri Snær Magnason, um hvað hann segir
við menn innan orkugeirans þegar þeir hyggjast
byggja álver á Húsavík án þess að vera búnir að
tryggja sölu á meira en 1/3 af orkunni. - Kastljós.
Fóstran sem felldi Ísland
Jóhanna Sigurðardóttir forsætisráðherra er ekki aðeins aðgerðalaus og til óþurft-ar við landstjórnina. Hún er líka skað-
leg í siðleysi sínu. Eftir að hópur þingmanna
undir forystu Atla Gíslasonar hefur mán-
uðum saman fjallað um ráðherraábyrgð og
skilað niðurstöðu stígur Jóhanna fram og
fordæmir starf nefndarinnar. Sérstaklega
gerir forsætisráðherra athugasemdir við að
flokkssystir hennar, Ingibjörg Sólrún Gísla-
dóttir, skuli vera í hópi þeirra sem nefndin
vill stefna fyrir landsdóm.
Afstaða Jóhönnu lyktar af pólitík. Hún
var sjálf í þeirri aumu ríkisstjórn Geirs H.
Haarde sem lét íslenska þjóðarbúið fara inn í
þær hörmungar sem enn standa. Þess vegna
er það áhorfsmál hvort Jóhanna á ekki sjálf
að vera fyrir landsdómi. Og þess vegna er
hún vanhæf til að fjalla um það hvort ráð-
herraábyrgð sé á dagskrá eða ekki.
Jóhanna og meðreiðarsveinar hennar
láta eins og það sé glæpur að draga ráðherra
hrunsins fyrir landsdóm.
Hörðustu viðurlög við því að steypa þjóð
í glötun eru tveggja ára fangelsi. Viðurkennt
er í íslensku réttarkerfi að vanræksla sé sak-
næm. Sofandi skipstjóri er sekur þótt stýri-
maður hans sé í brúnni þegar mistök verða.
Landsdómur á ekki að gera annað en að
skera úr um það hvort ráðherrar hafi van-
rækt störf sín með sýnilegum afleiðingum.
Einn helsti gallinn á tillögum nefndar Atla
er sá að Jóhanna sjálf er ekki á sakamanna-
bekk. Þá er skelfilegt að Davíð Oddsson,
fyrrverandi forsætisráðherra, skuli sleppa af
tæknilegum ástæðum.
Á sama tíma og forsætisráðherrann vill
sleppa starfssystkinum sínum undan lands-
dómi er hópur mótmælenda fyrir héraðs-
dómi. Venjulegt, íslenskt fólk sem mótmælti
vanrækslu Jóhönnu og félaga utan við og
inni á Alþingi er beinlínis ofsótt af réttar-
kerfinu. Það á að refsa þeim fyrir að voga sér
að rísa gegn valdstjórninni. Lögin heimila að
þyngsta mögulega refsing sé lífstíðarfang-
elsi. Fóstran sem mótmælti því að samfélagi
hennar væri rústað á að fara í fangelsi á með-
an afglapar á ráðherrastólum verða hugs-
anlega ekki einu sinni ákærðir. Barnshaf-
andi kona sem starfar við umönnun sjúkra
verður sótt á fæðingardeild ef með þarf til
að svara til saka. Þetta er viðbjóðslegt réttar-
kerfi í landi afglapanna.
REYNIR TRAUSTASON RITSTJÓRI SKRIFAR. Jóhanna á sjálf að vera á sakamannabekk.
LEIÐARI
SPURNINGIN
SVARTHÖFÐI
BÓKSTAFLEGA
18 UMRÆÐA 22. september 2010 MIÐVIKUDAGUR
ORRUSTA ARNÞRÚÐAR
n Útvarpsstjórinn Arnþrúður Karls-
dóttir stendur í ýmsum slagsmálum.
Frægt var þegar hún tókst á við Eið
Guðnason, fyrr-
verandi sendi-
herra, og hótaði
að heimsækja
eiginkonu hans.
Þá hefur hún
verið í slag við
Guðmund Ólafs-
son sagnfræðing
sem hún segir að
skrifi undir nafni konu sinnar, Önnu
Maríu Sverrissdóttur. Nú er Arn-
þrúður komin í enn eina orrustuna.
Að þessu sinni er það starfsmaður
hennar, Sigurður G. Tómasson, sem
er í skotlínunni en hún rak hann
með smáskilaboðum.
STYRKJAHÖFÐINGI
SKAMMAÐUR
n Guðlaugur Þór Þórðarson, fyrr-
verandi heilbrigðisráðherra, var
afdráttarlaus þættinum Í bítinu á
mánudag í af-
stöðu sinni til
Landsdóms.
Taldi Guðlaug-
ur fráleitt að
draga ráðherra
með þess-
um hætti fyrir
dóm. Samherjar
Guðlaugs Þórs
á amx.is brugðust illa við ummæl-
um þingmannsins. Minntu þeir á
að landsfundur Sjálfstæðisflokksins
hefði samþykkt að efna til eins kon-
ar landsdóms yfir Guðlaugi vegna
styrkjamála hans.
ÁHUGALAUS UM
TÍMARIT
n Það er mörgum ráðgáta hvaða að-
ilar eru að bera víurnar í tímaritaút-
gáfuna Birtíng sem er í eigu Hreins
Loftssonar.
Ýmsir hafa verið
nefndir til sög-
unnar sem kaup-
endur og þá síð-
ast feðgarnir Egill
Örn Jóhannsson
og Jóhann Páll
Valdimarson,
eigendur Forlags-
ins, sem Eyjan fullyrti að hefðu reynt
að kaupa. Jóhann Páll brást strax
við molanum sem birtist á Orðinu á
götunni: ,,... Áhugi okkar á Birtingi er
enginn og hefur aldrei verið nokkur,“
skrifaði Jóhann Páll sem segist aldrei
hafa talað við Hrein.
SLÚÐURDROTTNING Á
UPPLEIÐ
n Vefritið Pressan er á mikilli sigl-
ingu nú sem fyrr. Þrátt fyrir orðróm
um að vefritið sé til sölu er engan
bilbug á Birni
Inga Hrafnssyni
og félögum
hans að finna.
Á mánudaginn
var tilkynnt að
slúðurdrottning-
in Marta María
Jónasdóttir
hefði verið ráðin
sem aðstoðarritstjóri við hlið Stein-
gríms Sævarrs Ólafssonar. Marta
þykir vera einkar snjöll í fréttum af
frægum og uppsker nú samkvæmt
því.
SANDKORN
TRYGGVAGÖTU 11, 101 REYKJAVÍK
ÚTGÁFUFÉLAG: DV ehf.
STJÓRNARFORMAÐUR:
Lilja Skaftadóttir
RITSTJÓRAR:
Jón Trausti Reynisson, jontrausti@dv.is
og Reynir Traustason, rt@dv.is
FRÉTTASTJÓRI:
Ingi Freyr Vilhjálmsson, ingi@dv.is
UMSJÓN HELGARBLAÐS:
Ingibjörg Dögg Kjartansdóttir, ingibjorg@dv.is
UMSJÓN INNBLAÐS:
Ásgeir Jónsson, asgeir@dv.is
DV Á NETINU: DV.IS
AÐALNÚMER: 512 7000, RITSTJÓRN: 512 7010,
ÁSKRIFTARSÍMI: 512 7080, AUGLÝSINGAR: 512 7050.
SMÁAUGLÝSINGAR: 515 5550.
Umbrot: DV. Prentvinnsla: Landsprent. Dreifing: Árvakur.
DV áskilur sér rétt til að birta aðsent efni blaðsins
á stafrænu formi og í gagnabönkum án endurgjalds.
Öll viðtöl blaðsins eru hljóðrituð.
Ingibjörg Sólrún á tískusýningu
Debenhams í júlí 2008, tveimur
mánuðum fyrir hrun.
Bjarni Benediktsson sýnir tískuföt
í Smáralind í júlí 2008, þegar allt var
orðið um seinan.
Jóhanna Sigurðardóttir klappar með Björgvini G. Sigurðssyni á Landsfundi
Samfylkingarinnar í júlí 2008, þar sem yfirvofandi efnahagshrun var ekki rætt.
BFF. Best friends forever Jóhanna
og Ingibjörg saman í júlí 2008.