Dagblaðið Vísir - DV - 29.09.2010, Qupperneq 23

miðvikudagur 29. september 2010 viðtal 23
Hræðilegur kokteill
Hrafnkell hætti að drekka í febrúar árið 1997.
„Þá fékk ég mér síðast uppáhaldslyfin mín,
einn kaldan og sígarettu. Svo datt ég einu
sinni í það í tvo tíma, söng og trallaði en fann
að það var ekki fyrir mig. Að vera fullur og í
geðhvarfakasti er hræðilegur kokteill og það
sem fjölskylda mín þurfti að þola síðustu tvö
árin sem ég var giftur. Það er því skiljanlegt að
konan og börnin hafi flúið en ástandið á mér
er gjörbreytt í dag,“ segir Hrafnkell og bætir
við að hann lifi ekki í ótta um að manían taki
sig upp.
„Ekki í dag. Ég kann orðið svo vel að lifa
með þessu. Sem lærður viðskiptafræðing-
ur hef reynslu af þeirri hörku sem er í gangi
í samfélaginu í dag. Ég er búinn að fara á
margar nauðungarsölurnar og inn á heimili
margra einstæðra mæðra. Til að gera sér best
grein fyrir ástandinu kíkir maður í ísskápinn
og oft er ástandið hrikalegt. Slíkt álag reynist
mér erfitt og getur kallað fram hausverk sem
ég kalla maníuhausverk. Ég er alltaf að læra
betur og betur inn á sjúkdóm minn og ná
meiri árangri í lífinu en samt er manni bara
hafnað.“ Hann segir AA-fundina hafa hjálp-
að honum í baráttunni við veikindin. „Fyrstu
árin vissi ég ekki hvenær ég væri að takast á
við maníuna og hvenær ég væri að takast á
við alkóhólismann. Smátt og smátt gat ég svo
greint þar á milli.“
Fyrirgefur sjálfum sér
Hrafnkell hlaut styrk hjá Forvarna- og
fræðslusjóðnum Þú getur! en sjóðurinn var
stofnaður af doktor Ólafi Þór Ævarssyni geð-
lækni til að styrkja þá til náms sem hafa orð-
ið fyrir áföllum eða átt við geðræn vandamál
að stríða. „Þessi styrkur skiptir öllu máli fyrir
mig. Nú get ég borgað skólagjöldin og klárað
námið. Það er nauðsynlegt að hafa eitthvað
fyrir stafni þegar maður á við geðræn vanda-
mál að stríða en það versta er að gera ekki
neitt og segjast bara vera afskrifaður af sam-
félaginu. Ég keyri áfram á kærleika, góð-
mennsku og raunsæi og með það þrennt að
leiðarljósi kemst maður langt. Ef fólk nenn-
ir að velta sér upp úr mér á neikvæðan hátt
þá er mér skítsama. Ég er löngu búinn að fyr-
irgefa mér. Ég get ekkert gert í því sem búið
er að gerast og næsta verkefni hjá mér er
að klára skólann. Það er hægt að ná sér eft-
ir mikla geðsjúkdóma. Geðveiki er alls ekki
endalokin.“ indiana@dv.is
Geðve i
Styrktartónleikar ÞÚ GetUr! verða Haldnir FimmtUdaGinn 7. október:
Fordómar gagnvart geð-
sjúkdómum ástæðulausir
„Ég hugsa að við séum öll með eitthvað í okkur
hvort sem það er kvíði, þunglyndi eða eitthvað
annað. Bara í mismiklu magni. Það er því engin
ástæða til að vera með fordóma gagnvart þeim
sem eru með geðsjúkdóma,“ segir Ragnheiður
Guðfinna Guðnadóttir, verkefnisstjóri Forvarna-
og fræðslusjóðsins Þú getur! en sjóðurinn verður
með styrktartónleika fimmtudaginn 7. október í
Vídalínskirkju í Garðabæ.
Ragnheiður Guðfinna segir tilgang sjóðsins
að efla þjónustu við geðsjúka, styrkja þá til náms
og draga úr fordómum gegn geðsjúkdómum.
„Tónleikarnir eru fyrir þá sem skera sig úr norminu
og það verður tónlistarmaðurinn Haffi Haff sem
mun opna tónleikana en sjálfur er Haffi þekktur
fyrir að skera sig úr. Einnig munu Páll Rósinkrans,
Gissur Páll tenór, Richard Scobie, Geir Ólafs, Rúna
Stefáns og Raggi Bjarna troða upp og svo mun
enginn annar en Bubbi Morthens og hljómsveit
ljúka kvöldinu með stæl,“ segir Ragnheiður
Guðfinna og bætir við að listamennirnir muni gefa
vinnu sína. „Leikkonan Katla Margrét Þorgeirsdóttir
úr Stelpunum ætlar að stýra kvöldinu og frú Vigdís
Finnbogadóttir verður heiðursgestur en Vigdís
gaf sér tíma til að hitta okkur. Við sögðum hennar
frá sjóðnum og þessu framtaki og henni leist vel á
og það verður mikill heiður að fá hana og hennar
nærveru þetta kvöld enda einstök kona.“
Þetta er þriðja árið í röð sem styrktartónleikar
Þú getur! eru haldnir en í fyrra voru styrkir afhentir
á tónleikunum í fyrsta skiptið. Í ár verða fimm
manns, sem eiga við geðræn vandamál að stríða,
styrktir til náms. „Ég vil nota tækifærið og koma á
framfæri mínum hjartans þökkum til listafólksins
sem er alltaf boðið og búið að aðstoða. Þarna
koma fram margir af vinsælustu tónlistarmönnum
og skemmtikröftum landsins og það er ljóst
að það verður enginn svikinn af því að mæta í
Vídalínskirkju.“
indiana@dv.is
ragnheiður
Guðfinna
Guðnadóttir
Ragnheiður
Guðfinna er
verkefnisstjóri
Þú getur!
mynd Jón SvavarS