Dagblaðið Vísir - DV - 21.03.2011, Blaðsíða 6

6 | Fréttir 21. mars 2011 Mánudagur
Sat saklaus í fangaklefa í sólarhring og vill 700 þúsund í bætur:
Vill bætur eftir handtöku
Filippseyskur karlmaður hefur höfð­
að mál gegn íslenska ríkinu vegna
meintrar ólögmætrar handtöku. Mál­
ið á rætur sínar að rekja til atviks sem
átti sér stað í Hraunbæ í október 2008.
Tveir lögreglumenn voru kvaddir að
húsi í hverfinu vegna þess að kvartað
hafði verið undan hávaða í einni íbúð­
inni. Lögregluþjónarnir báðu húsráð­
anda að vísa gestum sínum út og biðu
þeir eftir því að gestirnir yfirgæfu íbúð­
ina. Í stigahúsi fjölbýlishússins réðust
nokkrir menn á lögregluþjónana og
veittu þeim alvarlega áverka. Frétta­
blaðið greindi frá því í október 2008 að
annar lögreglumannanna sem kom á
vettvang hefði verið afleysingamaður
og ekki haft réttindi til að bera kylfu og
piparúða. Hann hlaut skurð á höfuð
sem þurfti að sauma saman. Lögreglu­
þjónunum tókst að ýta á neyðarhnapp
og barst liðsauki skömmu síðar. Alls
voru ellefu einstaklingar handteknir í
tengslum við rannsókn málsins. Fjórir
af þeim voru úrskurðaðir í gæsluvarð­
hald en hinum var sleppt.
Sex menn voru dæmdir í málinu
og hlutu þrír mannanna níu mán­
aða fangelsisdóm í Hæstarétti í jan­
úar á þessu ári. Einn var dæmdur í sjö
mánaða fangelsi en tveir í sex mánaða
fangelsi.
Maðurinn sem höfðaði málið
gegn íslenska ríkinu var handtekinn í
tengslum við rannsókn málsins og var
haldið í fangaklefa í um það bil sólar­
hring. Rannsókn málsins leiddi til þess
að ekki þótti tilefni til að gefa út ákæru
og ákvað hann því að leita réttar síns í
kjölfarið. Samkvæmt upplýsingum frá
verjanda mannsins fer hann fram á
700 þúsund krónur í bætur. Málið var
þingfest í Héraðsdómi Reykjavíkur á
föstudag.
Endurnærir og hreinsar ristilinn
allir dásama OXYTARM
Í boði eru 60-150 töflu skammtar
30+
Betr i apotekin og Maður l i fandi www.sologhei lsa. is
OXYTARM
Sól og
heilsa ehf
=
Losnið við hættulega
kviðfitu og komið maganum
í lag með því að nota náttúrulyfin
Oxytarm og 30 days saman120 töflu skammtur
days
detox
Handtekinn Maðurinn
var grunaður um árás á lög-
regluþjóna.
Reyndi að stinga
lögreglu af
29 ára karlmaður hefur verið
dæmdur í 45 daga óskilorðsbundið
fangelsi. Maðurinn var sakfelldur
fyrir að aka bifreið um götur Egils­
staða undir áhrifum fíkniefna. Lög­
regla stöðvaði akstur mannsins en
þegar þeir hugðust færa manninn
á lögreglustöð flúði hann af vett­
vangi á bifreiðinni og ók henni
um götur bæjarins yfir almennum
hraðamörkum. Samkvæmt ákæru
raskaði hann þannig umferðar­
öryggi á alfaraleið og stofnaði lífi
og heilsu vegfarenda í augljósan
háska. Auk þess að sæta fangelsi í
45 daga var maðurinn sviptur öku­
rétti í sex mánuði. Þá var honum
gert að greiða rúmar 350 þúsund
krónur í sakarkostnað. 
Dæmdur fyrir fólskulega árás:
Áfram í
varðhaldi
Hæstiréttur hefur staðfest úrskurð
Héraðsdóms Reykjavíkur þess
efnis að karlmaður, sem sakfelld­
ur var fyrir fólskulega líkamsárás
í Laugardalnum í fyrrahaust, sæti
gæsluvarðhaldi uns Hæstiréttur
kveður upp dóm í málinu. Mað­
urinn var sakfelldur í héraðsdómi
í síðustu viku og dæmdur í þriggja
ára fangelsi fyrir að ráðast á sextán
ára stúlku. Atvikið átti sér stað
þann 11. október síðastliðinn og
sló maðurinn stúlkuna meðal ann­
ars með hörðu áhaldi í höfuðið og
tók hana hálstaki uns hún missti
meðvitund. Afleiðingar árásarinn­
ar voru þær að hún hlaut meðal
annars skurð á hnakka og enni auk
þess sem hún fingurbrotnaði.
Maðurinn hefur setið í gæsluvarð­
haldi frá 12. nóvember síðast­
liðnum en hann áfrýjaði dómi
héraðsdóms sem kveðinn var upp
í síðustu viku. Var það niðurstaða
Hæstaréttar að maðurinn skuli
sæta varðhaldi uns dómur fellur í
málinu, þó ekki lengur en til mið­
vikudagsins 13. apríl næstkom­
andi.
Í kjölfar mikillar umræðu og funda
þar sem lagðar hafa verið fram álykt­
anir gegn fyrirhuguðum sparnað­
araðgerðum meirihluta borgar­
stjórnarinnar hafa verið sett á fót
grasrótarsamtök foreldra. Á sunnu­
dag opnaði hópurinn vefinn börn.is
þar sem safna á undirskriftum undir
áskorun á borgarstjórn Reykjavíkur
um að falla frá tillögum um breyting­
ar í leik­ og grunnskólum borgarinn­
ar. Agnar Már Jónsson er talsmaður
samtakanna og segir hann að með
þessu átaki séu ráðamenn minntir
á að samstarf við foreldra eigi ekki
að vera orðin innantóm. „Það hef­
ur aldrei verið ráðist í jafnstórt sam­
einingarverkefni eins og þetta,“ segir
Agnar Már og bendir á að um 8.000
einstaklingar verði fyrir áhrifum
sameiningar og niðurskurðar.
Hugdirfska eða heimska
Á fundum í Hlíðaskóla og Réttar­
holtsskóla á laugardag svaraði Jón
Gnarr borgarstjóri gagnrýni foreldra
og sagðist trúa því að starfshópurinn
sem vann sameiningartillögurnar
hefði staðið sig afar vel og skilað fag­
legu starfi. Hann ítrekaði að niður­
skurðurinn væri nauðsyn enda stæði
Reykjavíkurborg höllum fæti í kjölfar
efnahagshrunsins.
Agnar Már segir það hafa verið
foreldra í Breiðholti sem byrjuðu að
vinna saman að því að koma í veg fyr­
ir þann gjörning sem skýrslan kveður
á um og segir hópinn sameinast um
að telja sparnaðaraðgerðirnar grófa
aðför að framtíð barna í borginni „Við
erum óháð og ópólitísk og teljum það
algert brjálæði að fara út í þessar að­
gerðir. Það er annað hvort hugdirfska
eða heimska að leggja í svo stórfelld­
an niðurskurð og sameiningar meðan
ávinningurinn af verkefninu er aðeins
150 milljónir á ári.“
Sparnaðarmarkmið lítil
Hópurinn, og átakið sem hann
stendur fyrir, hefur fengið nafn eftir
léninu sem hýsir undirskriftasöfn­
unina, börn.is. Agnar segir nafnið
vera táknrænt fyrir þau málefni sem
samtökin berjast fyrir. „Við berjumst
fyrir börnin okkar í leikskólum og
grunnskólum borgarinnar. Það er
verið að storka samstarfi við borgar­
búa með því að keyra þessar tillögur í
gegn án samráðs. Skýrslan sem er til­
lögunum til grundvallar er illa unnin
og ég tel persónulega að ef menn ætli
sér að fara í svona stórt verkefni þá
þurfi sparnaðarmarkmið að vera 3–6
prósent en ekki undir einu prósentu­
stigi eins og raunin er í dag.“
Á þeim fundum sem haldnir hafa
verið með foreldrum hefur reiði
þeirra verið augljós og beinst að
ráðamönnum. Á fundi í Grafarvogi
gengu fundarmenn út þegar formað­
ur menntaráðs, Oddný Sturludóttir,
tók til máls og á öðrum fundum
brugðust foreldrar við máli ráða­
manna með því að spotta þá með
hlátri. Óskar Sandholt, verkefnis­
stjóri starfshópsins, segir álag á borg­
arfulltrúa hafa verið töluvert á þess­
um tíma. „Þetta þykir öllum sem að
koma gríðarlega erfitt verkefni og sú
staða sem við erum í er sorgleg. Álag
á þá sem að verkefninu koma og þá
sérstaklega borgarfulltrúa hefur ver­
ið mikið. Vegna þess að niðurskurð­
urinn snertir börn þá eru viðbrögðin
persónulegri en annars,“ segir Óskar
sem ítrekar það að skýrslunni hafi
komið fagfólk með mikla reynslu af
leikskólamálum borgarinnar.
Lofa málefnalegri gagnrýni –
ekkert persónulegt
Agnar Már segir aðspurður um þenn­
an mikla hita í foreldrum mikilvægt að
gagnrýni á ráðamenn sé málefnaleg
og fagleg. „Það er mikilvægt að um­
ræðan falli ekki niður á það plan að
verða persónuleg. Það er ómaklegt.
Aðalatriðið er að mæta gagnrýni for­
eldra og viðurkenna þau mistök sem
hafa verið gerð í vinnslu skýrslunnar.
Það er hins vegar ekki staðan í dag. Við
erum tilbúin til samráðs og vitum að
það þarf að skera niður og viljum fá að
setjast niður og ræða málin.“
Undirskriftir af börn.is verða af­
hentar borgarstjóra á fimmtudaginn
í þessarri viku.
„VIÐ BERJUMST
FYRIR BÖRNIN“
n Harðar ályktanir samþykktar á fundum með foreldrum um efni tillagna
meirihluta borgarstjórnar n Hörkuleg gagnrýni og mikil reiði foreldra
n Borgarstjóri ítrekaði nauðsyn niðurskurðarins í skólamálum
n Mikið álag er á borgarfulltrúum meirihlutans, segir Óskar Sandholt
Kristjana Guðbrandsdóttir
blaðamaður skrifar kristjana@dv.is
Agnar Már Jónsson, talsmaður
grasrótarsamtaka foreldra
heldur tölu Til að gera atburðinn
táknrænan var fundurinn haldinn á
þakinu á Æsufelli 4, þar sem Besti
flokkurinn og Samfylkingin kynntu
stefnumál sín.
MYND RÓBERT REYNISSON