Dagblaðið Vísir - DV - 06.06.2011, Blaðsíða 6

6 | Fréttir 6. júní 2011 Mánudagur
Karl M. Grönvold er búinn að afplána dóm sinn í Brasilíu:
Brasilíufanginn kominn heim
Brasilíufanginn Karl M. Grönvold er
kominn heim til Íslands eftir fjög-
urra ára dvöl í erlendum fangels-
um. Karl hlaut tæplega fjögurra ára
dóm í Brasilíu eftir að hafa reynt að
smygla tæpum sex kílóum af kóka-
íni úr landi. Hann sat af sér dóminn
í fangelsi fyrir útlendinga í San Paolo
í Brasilíu. Honum var sleppt í febrúar
á síðasta ári en var á skilorði fram í
september og undir ströngu eftirliti.
Síðan tók við löng bið þar sem Karl
beið þess að komast heim. Jóhannes
Kr. Kristjánsson skrifaði bók um dvöl
Karls í fangelsinu þar sem hann lýsti
þeim aðbúnaði sem hann bjó við í
fangelsinu og lífinu innan múranna.
Í viðtali við DV í nóvember á síð-
asta ári sagðist Karl ætla að vinna í
sjálfum sér þegar hann kæmi heim:
„Það fyrsta er að koma mér í stand.
Ég er búinn að vera á skelfilegum
stað í langan tíma og þegar ég kem
heim ætla ég að leita mér aðstoðar.
Ég er með mín plön um að bæta líf
mitt og ég ætla ekki að halda áfram
í þessum bransa. Það er algjörlega
hreinskilið svar,“ sagði Karl þá full-
ur af von um að komast heim. Þegar
hann var laus úr fangelsinu í Brasilíu
mátti hann ekki vinna fyrir sér og því
sá fjölskylda hans um að halda hon-
um uppi. Karl er nú laus ferða sinna
og kominn aftur til landsins. Hann
hefur sést á landinu undanfarið og
meðal annars í félagsskap Ásgeirs
Þórs Davíðssonar, eða Geira á Gold-
finger.
Endurnærir og hreinsar ristilinn
Í boði eru 60-150 töflu skammtar
30+
Betr i apotekin og Maður l i fandi www.sologhei lsa. is
OXYTARM
Sól og
heilsa ehf
=
Losnið við hættulega
kviðfitu og komið maganum
í lag með því að nota náttúrulyfin
Oxytarm og 30 days saman120 töflu skammtur
days
detox
„Brynjar hitti mann sem bauð hon-
um vinnu, hann spurði hvernig
vinnu og þá sagði maðurinn að vinn-
an fælist í því að fara með pakka með
lyfjum til Japan,“ segir Amornrat
Lapaaneknun kærasta Brynjars
Mettinissonar sem var handtekinn
fyrir fíkniefnamisferli í síðustu viku á
hóteli í miðborg Bangkok í Taílandi.
Amornrat, sem yfirleitt er kölluð
Jenny, segir tvær grímur hafa runn-
ið á Brynjar þegar honum var tjáð í
hverju vinnan væri fólgin. „Hann
sagðist ekki vilja gera neitt ólöglegt
en þá sagði maðurinn: „Nei, ekki
hafa áhyggjur, þetta eru ekki eitur-
lyf“.“ Brynjar var samt ekki tilbúinn
að gera þetta en þá bauð maðurinn
honum 2.500 dollara fyrir að finna
fyrir sig einhvern annan aðila sem
væri til í að fara með pakkann til Jap-
an og Brynjar ákvað að taka því til-
boði.
Kom ekki nálægt efnunum
„Brynjar margspurði hvort um ólög-
legt athæfi væri að ræða og hvort það
væru eiturlyf í pakkanum en mað-
urinn fullvissaði hann um að svo
væri ekki,“ segir Jenny. Samkvæmt
Jenny var Brynhar í sambandi við
umræddan mann í töluverðan tíma
áður en hann fann mann til verksins.
Sá sagðist vera tilbúinn að gera nán-
ast hvað sem er fyrir peninga og var
til í að taka að sér að fara með pakk-
ann til Japan. Á mánudaginn síðasta
mætti Brynjar svo á fund á hóteli
með tilvonandi burðardýri og þeim
aðila sem skipulagði verkið. Brynj-
ar sagði Jenny að burðardýrið hefði
að öllum líkindum haft samband við
lögregluna og látið vita af fundinum.
Þegar lögreglan kom á hótelið þá
kom í ljós að um eitt og hálf kíló af
amfetamíni var í pakkanum sem átti
að flytja til Japan. Jenny hefur þær
upplýsingar eftir Brynjari að hann
hafi aldrei komið nálægt pakkanum.
„Hann vissi ekki af þessu og sá aldrei
efnið,“ segir Jenny sem vissi þó ekki
hvað Brynjar hafði flækt sig í fyrr en
hún fékk símtal frá honum aðfara-
nótt þriðjudags þar sem hann tjáði
henni að hann hefði verið handtek-
inn.
Móðirin segir aðra sögu
Móðir Brynjars lýsti atburðarásinni
töluvert öðruvísi í samtali við DV í síð-
ustu viku. Hún sagðist hafa upplýsing-
arnar eftir kærustu Brynjars en mögu-
legt er að þær hafi ekki skilið hvor aðra
nógu vel. Móðir Brynjars sagði hann
aldrei hafa hitt manninn með fíkniefn-
in áður og að kærasta Brynjars hefði
verið með í för. Hvorugt stemmir við
það sem Jenny sagði í samtali við DV.
„Frábær strákur“
Brynjar var úrskurðaður í þriggja
mánaða gæsluvarðhald vegna máls-
ins en Jenny fékk að heimsækja hann
á miðvikudaginn í síðustu viku. Hún
mun líklega fá að heimsækja hann
einu sinni í viku á meðan hann situr
í varðhaldi. „Hann þarf bara að vera
sterkur í þrjá mánuði og ef lögmaður-
inn hans verður góður þá held ég að
þetta fari allt vel,“ segir Jenny sem er
miður sín. Hún er strax farin að sakna
Brynjars. „Við erum búin að vera sam-
an allan sólarhringinn síðastliðna þrjá
mánuði. Hann er frábær strákur, það
er ekkert slæmt til í honum og hann
myndi aldrei gera neitt ólöglegt.“
Kynntust á netinu
Jenny segir að hún og Brynjar hafi
kynnst á internetinu fyrir einhverj-
um mánuðum en hann kom til Taí-
lands til að hitta hana fyrir tæpum
þremur mánuðum. „Hann var alltaf
að senda mér skilaboð en ég svaraði
aldrei,“ segir Jenny hlæjandi þegar
hún rifjar upp hvernig þau kynntust.
„Svo sendi hann mér aftur og aftur
en mér fannst hann reyna of mikið.“
Jenny ákvað að lokum að gefa Brynj-
ari tækifæri og segist svo sannarlega
ekki sjá eftir því. Hún treystir á að
aðrir sjái það góða í Brynjari líka. „Ég
sagði honum bara að sýna í fangels-
inu hvað hann væri góður maður og
þá verður allt gott eftir þrjá mánuði,“
segir Jenny að lokum.
n Brynjar Mettinisson var handtekinn í Bangkok í síðustu viku n Kærastan segir
honum hafa verið boðin vinna við að finna burðardýr n Var talin trú um að um lög-
leg lyf væri að ræða n Kærastan saknar Brynjars og trúir að hann verði látinn laus
„Hann sagðist ekki
vilja gera neitt
ólöglegt en þá sagði
maðurinn: „Nei, ekki hafa
áhyggjur, þetta eru ekki
eiturlyf.“
Brynjar átti að
finna Burðardýr
Fann burðardýr Kærasta Brynjars segir hann hafa samþykkt að finna burðardýr til að fara
með lyf til Japan. Hann hélt að um lögleg efni væri að ræða.
Sólrún Lilja Ragnarsdóttir
blaðamaður skrifar solrun@dv.is
Karl Grönvold
Landbúnaðarráðherra vill halda
höftum:
Össur snuprar
Jón Bjarnason
,,Eitt af meginatriðum varðandi inn-
göngu í Evrópusambandið er að
tollar falla niður í viðskiptum milli
ríkjanna,“ segir
Össur Skarphéð-
insson utanríkis-
ráðherra í sam-
tali við DV. Hann
segir að þingið
hafi talað skýrt
um að það gilti
líka um innfluttar
landbúnaðarvör-
ur. Ráðherrann segist ekki kippa sér
upp við fréttir um að Jón Bjarnason
landbúnaðarráðherra sé mótfallinn
afnámi tollverndar á landbúnaðar-
vörur við aðild.
,,Það vita allir að álitið, sem var
grunnurinn undir samþykkt þings-
ins um aðildarumsóknina, segir
berum orðum að augljósustu áhrifin
af inngöngu í sambandið séu að allir
tollar á vörum á milli Íslands og ann-
arra aðildarríkja myndu falla niður.
Það er meira að segja sérstaklega
tekið fram að það gildi líka um land-
búnaðarvörur. Svo við ráðherrarnir,
að ég nú tali ekki um þingið, vissum
nákvæmlega á hvaða forsendum
umsóknin var samþykkt hvað þetta
varðaði,” segir utanríkisráðherra.
Össur segir kjarna málsins vera
þann að hvorki hann né Jón né aðrir
ráðherrar geti stillt upp rauðum
strikum sem gangi lengra en álit
utanríkismálanefndar, enda sé búið
að leggja af ráðherraræði fyrri ríkis-
stjórna gagnvart Alþingi. Össur segir
að í álitinu hafi líka verið fjallað
um að finna leiðir til að afnám toll-
verndar hefði sem minnsta röskun í
för með sér fyrir bændur, sérstaklega
mjólkurbændur.
,,Það væri til dæmis hægt með
því að semja um heimildir til að
bæta bændum það upp með annars
konar beinum stuðningi. Það kæmi
í sama stað niður fyrir landbúnað-
inn í heild. Breytingin yrði sú að toll-
verndin kæmi fram sem sérstakur
stuðningur í fjárlögum, í stað þess
að mömmur og pabbar sem daglega
kaupa í matinn fyrir fjölskylduna
greiði tollverndina í smáskömmtum
í hvert sinn sem þau kaupa í matinn.
Þannig er það í reynd í dag.”