Dagblaðið Vísir - DV - 18.07.2012, Qupperneq 24

Ógn stafar af
auðæfum Psg
24 Sport 18. júlí 2012 Miðvikudagur
Þ
etta er stórt vanda­
mál sem knattspyrnu­
heimurinn þarf að
glíma við,“ segir
Christian Gourcuff,
knattspyrnustjóri franska úr­
valsdeildarfélagsins Lorient,
um stefnu forráðamanna hins
nýríka félags, Paris St. Germain
(PSG) í Frakklandi. Félagið
hefur farið mikinn á leik­
mannamarkaðnum í sumar og
hefur ekkert félag í Evrópu eytt
jafn miklum fjármunum í leik­
menn og Parísarliðið.
Ótakmarkaðir sjóðir eig­
end anna, Qatar Investment
Authority, hafa gert félaginu
kleift að kaupa rándýra leik­
menn. Nú síðast skrifaði brasil­
íski varnarmaðurinn Thiago
Silva undir fimm ára samning
við félagið en hann var keypt­
ur frá Milan á 46 milljónir evra,
eða 7,2 milljarða króna. Fyrr í
sumar kom Ezequiel Lavezzi
til félagsins frá Napoli fyrir 30
milljónir evra, eða 4,4 millj­
arða króna. Þá verður Svíinn
Zlatan Ibrahimovic hjá Milan,
líklega kynntur sem leikmað­
ur PSG í dag, miðvikudag, en
tilboði upp á 23 milljónir evra,
eða 3,4 milljarða króna, var
tekið á dögunum. Stjóri PSG er
Carlo Ancelotti sem tók við um
síðustu áramót.
Uggandi þróun
Forráðamenn annarra liða í
Frakklandi eru uggandi vegna
þessarar þróunar, ekki síst
vegna þeirrar staðreyndar að
ekkert félag í Frakklandi hef­
ur yfir jafn miklum fjármunum
að ráða. Félagið er í eigu fjár­
festingarsjóðs í eigu yfirvalda
í Katar. Sjóðurinn var stofnað­
ur árið 2005 og rennur ágóði
yfirvalda af olíusölu og olíu­
vinnslu í umræddan sjóð. Fé­
lagið keypti 70 prósenta hlut í
PSG í maí í fyrra en rúmu ári
áður bárust fréttir af því að
fjárfestingarsjóðurinn hefði
borið víurnar í enska stórliðið
Manchester United.
Talið er að eignir Qatar In­
vestment Authority nemi um
60 milljörðum Bandaríkjadala,
eða 7.500 milljörðum króna,
og því ekki óvarlegt að halda
því fram að PSG sé ríkasta fé­
lagslið heims.
Kaupa allt sem þeir vilja
„Fótboltanum stafar hætta
af þessu,“ segir Christian
Gourcuff, en hann er faðir Yo­
hanns Gourcuff leikmanns
franska landsliðsins og erkifj­
enda Parísarliðsins, Olympique
Lyon. Hann bendir á að þó
Parísarliðið hafi yfir miklum
fjármunum að ráða skili þessir
peningar sér ekki inn í franska
boltann. Hann vill að meira
fjárhagslegt jafnræði verði á
milli liða og hefur áhyggjur af
því að PSG muni einoka Frakk­
landsmeistaratitilinn á kom­
andi árum.
Gourcuff er ekki einn um að
hafa áhyggjur af þessari þró­
un. Vikash Dhorasoo, fyrrver­
andi leikmaður PSG og franska
landsliðsins, fer ófögrum orð­
um um eigendur félagsins í við­
tali sem birtist í tímaritinu So
Foot á dögunum. „Katarar geta
keypt allt sem þeir vilja. Jafnvel
manneskjur. Skiptir ekki máli
hvort manneskjan heitir Zlat­
an, Kaka eða Tevez. Þeir vilja
bara borga nógu mikið,“ segir
hann.
Sigur, ekkert annað
Augljóst er að forráðamenn
Parísarliðsins ætla sér stóra hluti
á komandi árum, ekki einung­
is í frönsku deildinni heldur
einnig í Meistaradeild Evrópu.
Parísarliðið, sem er eitt sögufræg­
asta félag Frakklands, endaði í
öðru sæti deildarinnar í vor. Það
er hins vegar morgunljóst að fá
félög munu standast þeim snún­
ing í frönsku deildinni í vetur.
„Við viljum gera vel í Meistara­
deildinni. Það er engin spurning.
Það var frábært að fá Thiago Silva.
Hann mun hjálpa okkur mikið í
vörninni og verður lykilleikmað­
ur fyrir okkur. Lavezzi er leikmað­
ur sem getur gert gæfumuninn
og það sama má segja um Zlat­
an. Við erum nú þegar með mjög
gott lið en það verður enn betra
ef hann kemur,“ segir Argentínu­
maðurinn Javier Pastore, sem
kom til félagsins í fyrrasumar frá
Palermo. Parísarliðið greiddi 40
milljónir evra fyrir hann, eða 6,2
milljarða króna. Fyrsti leikur PSG
í frönsku deildinni er einmitt gegn
lærisveinum Christians Gourcuff,
Lorient, á heimavelli þann 11.
ágúst næstkomandi.
Moldríkir Félagið er í eigu fjár­
festingarsjóðsins Qatar Investment
Authority. Á þessari mynd sjást Bras­
ilíumaðurinn Nene og Argentínu­
maðurinn Javier Pastore.
n Yfirvöld í Katar eiga PSG n Ekkert félag eytt jafn miklu í leikmenn í sumar„Katarar geta
keypt allt sem
þeir vilja. Jafnvel
manneskjur.
Komnir Thiago Silva skrifaði undir samning við PSG á dögunum og Zlatan er einnig á leiðinni til félagsins.
Einar Þór Sigurðsson
blaðamaður skrifar einar@dv.is
Tilboði United
í Moura hafnað
Forráðamenn brasilíska
liðsins Sao Paulo hafa hafn­
að 38 milljóna evra, eða
5,9 milljarða króna, tilboði
Manchester United í hinn
nítján ára Lucas Moura.
United hefur verið á höttun­
um eftir Moura í allt sum­
ar og samkvæmt fréttum
brasilískra fjölmiðla var 32
milljóna evra tilboði United
hafnað á dögunum. Moura
er í liði Brasilíu sem tekur
þátt í Ólympíu leikunum í
London sem hefjast eftir
rúma viku. Forsvarsmenn
United höfðu vonast til að
landa Moura áður en leik­
arnir byrjuðu en sú von virð­
ist dvína með hverjum deg­
inum.
Ber ekki kala
til Mourinho
Tito Vilanova, nýráðinn
stjóri Barcelona, kveðst
ekki bera kala til Portúgal­
ans José Mourinho, stjóra
erkifjendanna í Real Ma­
drid. Vilanova og Mourin­
ho hafa eldað grátt silfur
saman á hliðarlínunni en
eins og frægt er orðið potaði
Mourinho í auga Vilanova
þegar Barcelona mætti Real
Madrid í Ofurbikarnum á
Spáni á síðustu leiktíð. Þá
var Vilanova aðstoðarmaður
Josep Guardiola sem hætti
störfum í vor. „Það er þreyt­
andi að það sé enn verið að
tala um þetta atvik. Hann
tók mjög vel á móti mér
þegar ég hitti hann aftur og
ég ber ekki kala til hans,“
segir Vilanova. Barcelona og
Real Madrid mætast aftur í
Ofurbikarnum í ágúst.
Litli Hazard
líka til Chelsea
Evrópumeistarar Chelsea
íhuga nú að reyna að fá
Thorgan Hazard, yngri bróð­
ur Eden Hazard, til félagsins.
Eden gekk í raðir Chelsea
í sumar fyrir 32 milljónir
punda, eða rúma sex millj­
arða króna, og vill yngri
bróðir hans fylgja honum til
Chelsea. Thorgan Hazard,
sem er 19 ára, er samnings­
bundinn Lens í Frakklandi
en þar sem samningur hans
rennur út næsta sumar er
líklegt að forsvarsmenn Lens
séu reiðubúnir að selja leik­
manninn fyrir tiltölulega
litla upphæð. Eden Hazard,
sem þykir afar leikinn með
boltann, segir að yngri bróð­
ir sinn sé mun hæfileikarík­
ari en hann.