Dagblaðið Vísir - DV - 05.09.2012, Blaðsíða 8

V
eiðisvæði íslenska út-
gerðarrisans Samherja
við strendur Afríkuríkis-
ins Máritaníu lokuðust
að stóru leyti um síðustu
mánaðamót eftir að ríkisstjórn-
in í landinu færði fiskveiðilög-
söguna út í 20 sjómílur. Samherji
hefur stundað arðbærar veiðar, að-
allega á hestamakríl, við strendur
landsins síðastliðin ár eftir að hafa
keypt Afríkuútgerð Sjólaskipa á vor-
mánuðum 2007. Verksmiðjutogar-
ar Samherja hafa verið við veiðar á
svæðinu allt árið. Á milli 30 og 40
prósent af tekjum Samherja, á þriðja
tug milljarða króna árlega, eru til-
komin vegna veiða fyrirtækisins við
strendur Máritaníu og annarra ríkja
í Vestur-Afríku, til dæmis Marokkó.
Samanburðurinn við
þorskastríðin
Arðurinn af fiskveiðunum á þess-
um gjöfulu miðum rennur því ekki
til íbúa í Máritaníu nema að litlu
leyti. Íslenska útgerðarfyrirtækið, og
önnur útgerðarfélög sem veiða við
strendur landsins, njóta arðsins af
auðlindinni. Guðni Th. Jóhannes-
son, sagnfræðingur og einn af helstu
sérfræðingum landsins um þorska-
stríðin á Íslandi, segir að veiðar Ís-
lendinga við strendur Vestur-Afr-
íku séu „hámark tvískinnungsins“
þegar litið sé til samanburðarins
við þorskastríðin. „Í allri okkar bar-
áttu fyrir verndun fiskimiðanna var
rauði þráðurinn sá að strandríkið
skyldi hafa fullan rétt á auðlindun-
um undan ströndum þess.“
70 til 80 prósent
Veiðarnar á hestamakrílnum fara
aðallega fram laust undan strönd-
um Máritaníu og þýðir útfærsla fisk-
veiðilögsögunnar að Samherji má
ekki ekki veiða innan þessarar 20
mílna lögsögu. Útfærslan þýðir að
um það bil 70 til 80 af veiðisvæðum
Samherja við Máritaníu hafa lokast.
Heimildir DV herma að Samherji
geti nú aðeins veitt við strendur
landsins, utan þessarar 20 sjómílna
fiskveiðilögsögu, á tímabilinu frá
mars til júlí á hverju ári.
Komnir til Las Palmas
Um síðustu mánaðamót voru að
minnsta kosti tveir af togurum Sam-
herja, Heinaste og Beta 1, við strend-
ur Máritaníu. Togararnir héldu eftir
það til hafnar í Las Palmas á Kanarí-
eyjum þar sem útgerð Samherja,
Katla Seafood, hefur aðsetur.
Samherji hefur, vegna þessar-
ar aðgerðar ríkisstjórnar Márit-
aníu, byrjað að leita að veiðisvæð-
um í öðrum ríkjum Afríku. Samherji
keypti í febrúar 30 þúsund tonna
kvóta í Namibíu syðst í álfunni og
horfir fyrirtækið meðal annars til
þess sem möguleika að kaupa nýj-
an kvóta þar í landi um næstu ára-
mót þegar yfirvöld þar í landi gefa út
aflaheimildir fyrir næsta ár.
Nýr samningur við Evrópu-
sambandið
Á sama tíma og ríkisstjórnin í Márit-
aníu hefur fært fiskveiðilögsögu
landsins út í 20 sjómílur hafa yfir-
völd í landinu gert nýjan tveggja
ára fiskveiðisamning við Evrópu-
sambandið. Samningurinn gerir
evrópskum skipum kleift að stunda
áfram veiðar við strendur lands-
ins næstu tvö árin. Fimm ára samn-
ingur á milli Máritaníu og Evrópu-
sambandsins rann út í lok júlí
síðastliðins. Í fréttatilkynningu frá
Evrópusambandinu um endurnýj-
un samningsins kom fram að eitt af
lykilatriðunum í samningnum væri
að koma í veg fyrir ofveiði með sjálf-
bærum veiðum.
Í skiptum fyrir veiðiréttindin
greiðir Evrópusambandið 70 millj-
ónir evra árlega til ríkisstjórnarinn-
ar í landinu. Meðal þess sem kemur
fram í samningnum er að 60 prósent
starfsmanna evrópsku togaranna
sem veiða við Máritaníu eigi að vera
máritanskir. Meirihluti starfsmanna
á skipum Samherja í Afríku hefur
verið frá ríkjum Sovétríkjanna sál-
ugu, meðal annars Eystrasaltsríkj-
unum.
Yfirvöld í Máritaníu virðast því
vera orðin meðvitaðri um verðmæti
fiskveiðiauðlinda sinna og hafa þar
af leiðandi fært út fiskveiðilögsögu
sína auk þess sem reynt hefur ver-
ið að gera hagstæðari samning við
Evrópusambandið.
8 Fréttir 5. september 2012 Miðvikudagur
Veiðisvæði Samherja
við Máritaníu lokast
Við Kanaríeyjar Tveir af togurum Samherja, meðal annars Heinaste, voru við veiðar fyrir utan Máritaníu í lok síðasta mánaðar. Togararnir
eru nú í Las Palmas á Kanaríeyjum en aðgerðir ríkisstjórnar Máritaníu hafa komið niður á veiðum fyrirtækisins þar í landi.
Neitar að tjá sig Þorsteinn Már
Baldvinsson, forstjóri Samherja, hefur
ekki viljað ræða um Afríkuveiðar fyrir-
tækisins við DV. „Ég ætla ekki að fara út í
þetta við þig.“
n Færðu lögsöguna út í 20 mílur n Samherji horfir til annarra Afríkulanda
Ingi Freyr Vilhjálmsson
fréttastjóri skrifar ingi@dv.is
„ Í allri okkar bar-
áttu fyrir verndun
fiskimiðanna var rauði
þráðurinn sá að strandrík-
ið skyldi hafa fullan rétt
á auðlindunum undan
ströndum þess.
Teitur ekki smeykur
n Meiðyrðamál á lokametrunum
É
g er ekkert smeykur,“ skrifaði
bloggarinn og íslenskukennar-
inn Teitur Atlason á síðu sína
á þriðjudagskvöld en í dag,
miðvikudag, fer fram aðalmeðferð í
meiðyrðamáli hjónanna Gunnlaugs
M. Sigmundssonar og Sigríðar G. Sig-
urbjörnsdóttur á hendur honum.
Hjónin stefndu Teiti vegna blogg-
færslu hans á DV.is þar sem hann
rifjaði upp viðskipti Gunnlaugs með
fyrirtækið Kögun í febrúar í fyrra.
Teitur segir að loks sjái fyrir end-
ann á málaferlunum með aðalmeð-
ferðinni.
„Fólk má mæta og fylgjast með
ef það kærir sig um. Ég vonast auð-
vitað til þess að sjá vini mína og veit
að nokkrir ætla að mæta. Ég hvet
alla stjórnmálabloggara að mæta því
málið snertir þá með beinum hætti.
Sama gildir um fjölmiðlafólk og þá
sem einhverjar skoðanir hafa á mál-
og ritfrelsi,“ skrifar Teitur.
Teitur segir að þó málið fjalli um
atburði sem áttu sér stað í fortíð-
inni finnist honum það eiga sterka
skírskotun inn í framtíðina. 
„Þetta mál mitt snýst ekki bara
um efnisatriði málsins heldur líka
um réttinn til þess að tjá skoðan-
ir sínar. Réttinn til að skoða gögn og
draga af þeim ályktanir.
„Ég er ekkert smeykur. Ef ég tapa,
þá geri ég það með reisn. Ef ég vinn,
geri ég það með auðmýkt,“ segir
hann að lokum.
Útilokar ekki
karlkyns
höfunda
„Ég hef aldrei haldið fram að
það séu bara konur sem skrif-
uðu í bókina,“ sagði Hildur
Sverrisdóttir í viðtali í útvarps-
þættinum Reykjavík síðdegis á
þriðjudag. Hún ristýrði bók-
inni Fantasíur, þar sem lesa má
fimmtíu sögur sem eru saman-
safn af kynórum kvenna. Bókin
fékk hálfa stjörnu af fimm í DV
en eina stjörnu af fimm í
Fréttatímanum. Bókin hefur,
eins og þær einkunnir bera
með sér, verið harðlega gagn-
rýnd. Hildur útilokaði ekki í
viðtalinu að einhverjar sögurn-
ar væru ritaðar af karlmönn-
um. Valið hefði þó verið í bók-
ina „út frá forsendum kvenna“,
sagði hún. Hún sagði enn
fremur að hún væri ekki hissa
á viðbrögðunum sem bókin
hefði fengið og hvatti til frekari
umræðu um efni hennar.
Ungliðar harma
ákvörðunina
Öll félög ungra sjálfstæðismanna
í Suðurkjördæmi harma að Ragn-
heiður Elín Árnadóttir hafi ver-
ið sett af sem þingflokksformað-
ur Sjálfstæðisflokksins og Illugi
Gunnarsson skipaður í hennar
stað. Félögin í kjördæmi Ragn-
heiðar Elínar sendu á þriðjudag
frá sér ályktun þar sem þau lýsa
yfir vonbrigðum sínum með upp-
stokkunina. „Ungir sjálfstæðis-
menn í Suðurkjördæmi harma
þá ótrúlegu ákvörðun þingflokks
Sjálfstæðisflokksins að skipta um
þingflokksformann flokksins,“ seg-
ir í ályktuninni. „Það vekur furðu
að þingflokkur Sjálfstæðisflokksins
hafi ákveðið á þessum tímapunkti
að gera breytingar á þingflokksfor-
manni, sérstaklega í ljósi þess að
Suðurkjördæmið er sterkasta vígi
Sjálfstæðisflokksins nú um stundir.“
Sími 412 2500 - sala@murbudin.is - www.murbudin.is
– Afslátt eða gott verð?
Reykjavík - Reykjanesbæ
Akureyri - Húsavík
Vestmannaeyjum
Bað og sturta!
NAPOLI hitastýrt
sturtusett
26.900,-
SAFIR sturtusett
1.995,-
11.990,-
NAPOLI hitastýrð
utruts riryf ikæt ranudnölb
NAPOLI hitastýrð blöndunartæki
fyrir baðkar
14.900,-
einnig fáanlegt með
áföstu sturtusetti
ADE-15752204
AGI-167-1B
AGI-160
AGI-167-1C
Til í allt Teitur segir að hann muni tapa
með reisn eða sigra með auðmýkt.