Dagblaðið Vísir - DV - 05.09.2012, Blaðsíða 24

Tevez hungrar í sigur
n Segir að ósættið við Roberto Mancini hafi gert sér gott
Ó
sættið við Mancini reyndist
gott fyrir mig,“ segir Carlos
Tevez, leikmaður Manchest-
er City, sem farið hefur glimr-
andi vel af stað með liði sínu í ensku
úrvalsdeildinni í vetur og verið, að
öðrum ólöstuðum, besti leikmað-
ur liðsins það sem af er. Tevez segist
vera búinn að „finna hungrið“ eftir
erfiða tíma.
Tevez, sem er 28 ára, hefur skorað
þrjú mörk í deildinni fyrir City í vet-
ur og stigið upp eftir að Sergio Agu-
ero meiddist. Flestir bjuggust við því
að Tevez yrði seldur eftir að hann
lenti upp á kant við stjórann, Ro-
berto Mancini, í fyrra – annað kom
þó á daginn. Tevez neitaði að koma
inn á sem varamaður í leik gegn Ba-
yern München í riðlakeppni Meist-
aradeildarinnar í september í fyrra.
Roberto Mancini var gríðarlega
ósáttur við Tevez og lýsti því yfir op-
inberlega að leikmaðurinn væri „bú-
inn“ hjá félaginu. Tevez fór í kjölfar-
ið í sex mánaða útlegð til Argentínu
og virtist flest benda til þess að hann
myndi aldrei spila aftur í treyju City.
Mancini tók hann þó í sátt und-
ir lok síðustu leiktíðar og fékk hann
að spila nokkra leiki undir lokin þar
sem hann stóð sig vel.
„Þetta reyndist gott fyrir mig því
þetta hjálpaði mér að finna ástríðuna
aftur. Áður spilaði ég til þess að fanga
athygli landsliðsþjálfara Argentínu,
en í dag spila ég ánægjunnar vegna
og til að vinna leiki,“ segir Tevez og
bætir við að landsliðið sé ekki leng-
ur efst á forgangslistanum. „Félag-
ið á alla athygli mína. Ég átti gott
undirbúningstímabil þar sem ég gat
einbeitt mér alfarið að félaginu og
það hefur ekki gerst í fjögur til fimm
ár,“ segir hinn hamingjusami Carlos
Tevez.
24 Sport 5. september 2012 Miðvikudagur
Bestu og verstu kaupin
á lokadegi félagaskipta
n Fimm bestu og fimm verstu kaupin á lokadegi félagaskiptagluggans n Wayne Rooney í hópi þeirra bestu en Andy Carroll þeirra verstu
S
íðasti dagur ágústmánað-
ar og síðasti dagur janúar-
mánaðar eru jafnan anna-
samir hjá stjórnendum
knattspyrnuliða í Evrópu.
Hlutirnir þurfa að ganga hratt fyr-
ir sig enda er lokað fyrir félaga-
skipti í boltanum á miðnætti þessa
daga. Fjölmörg stór knattspyrnulið
í Evrópu þekkja það af eigin raun
að hafa keypt köttinn í sekknum
í viðleitni sinni til að styrkja hóp-
inn. Það á þó ekki við um öll lið
enda hafa fjölmörg þeirra keypt
leikmenn sem hafa slegið ræki-
lega í gegn. BBC tók á dögunum
saman lista yfir bestu og verstu
kaup enskra liða á lokadegi félaga-
skiptagluggans – 31. ágúst annars
vegar og 31. janúar hins vegar.
Þar er að finna nöfn eins og Way-
ne Rooney, Carlos Tevez og Andy
Carroll. n
Einar Þór Sigurðsson
blaðamaður skrifar einar@dv.is
„Ég er himinlifandi
með að fá tæki-
færi til að vinna með jafn
frábærum knattspyrnu-
manni og Robinho.
Wayne Rooney
Everton til Manchester United
(20 milljónir punda, 2004)
n Everton-menn reyndu hvað þeir
gátu að halda Wayne Rooney sem
þarna var átján ára hjá félaginu.
Tilboð frá Manchester United
var þó of gott til að hafna og
gekk United frá kaupunum þann
31. ágúst 2004. Rooney skrifaði
undir sex ára samning og skoraði
þrennu í sínum fyrsta leik gegn
Fenerbache í Meistaradeildinni.
Síðan þá hefur Rooney ekki litið
um öxl og haldið áfram að gegna
lykilhlutverki hjá United þó svo að
erfiðir tímar hafi vissulega komið
inni á milli.
„ Ég er mjög
spenntur. Ég
held að við höfum
fengið einn besta
unga leikmanninn
sem sést hefur í
30 ár.“
Sir Alex Ferguson um kaupin
Marouane
Fellaini
Standard Liege til Everton
(15 milljónir punda, 2008)
n Það þarf ekki að eyða mörgum
orðum í að lýsa hæfileikum þessa
hárprúða Belga. Hann er einn
öflugasti miðjumaður ensku
úrvalsdeildarinnar og hefur farið
vel af stað með Everton í fyrstu
umferðum deildarinnar. Fellaini
er einungis 24 ára og verði hann
seldur er ljóst að Everton getur
fengið mun meira en 15 milljónir
punda.
„ Þetta eru
frábærar
fréttir fyrir alla
hjá klúbbnum.
Hann mun hafa
stóru hlutverki
að gegna hjá
Everton næstu árin.“
Robert Elstone stjórnarformað-
ur Everton
Danny Murphy
Tottenham til Fulham
(eins árs lánssamningur, 2007)
n Hann komst ekki í lið hjá Totten-
ham en varð strax lykilmaður í liði
Fulham. Þegar útlit var fyrir að
Fulham myndi falla kom Murphy
sem stormsveipur inn í liðið og
hjálpaði því að halda sæti sínu
í deildinni. Hann skoraði eina
markið í 1–0 sigri á Portsmouth
sem gulltryggði sætið í deild
þeirra bestu. Murphy var keyptur
sumarið eftir og hélt áfram að
standa sig vel.
„ Hann getur
splundrað
vörnum and-
stæðinganna með
einni sendingu.
Ég er ánægður
með að hann hafi valið
Fulham.“
Lawrie Sanchez þáverandi stjóri
Fulham
Jerman Defoe
Tottenham til Portsmouth
(6 milljónir punda, 2008)
n Defoe átti erfitt með að komast
í Tottenham-liðið og ákvað
Harry Redknapp, sem þá stýrði
Portsmouth, að kaupa leikmann-
inn. Defoe myndaði sterkt par
með Peter Crouch og skoraði mark
í öðrum hvorum leik að með-
altali. Þegar Redknapp tók við
Tottenham í október 2008 keypti
hann Defoe aftur til Tottenham í
janúar 2009.
„ Hann klárar
færin sín
frábærlega og
hefur alltaf skor-
að mörk. Fullur af
sjálfstrausti mun
hann sýna að hann er
frábær, frábær markaskorari.“
Harry Redknapp þáverandi
stjóri Portsmouth
Fimm bestu kaupin
Carlos Tevez
Corinthians til West Ham (óuppgefið, 2006)
n Kaup West Ham á Tevez
og Javier Mascherano eru ein
óvæntustu kaupin í sögu ensku
úrvalsdeildarinnar, enda höfðu
leikmennirnir verið orðaðir við lið
á borð við Manchester United,
Arsenal og Chelsea. Mascherano
fór að vísu frá félaginu í janúar
2007 en Tevez hélt áfram. Það er
óhætt að fullyrða að Tevez hafi
upp á sitt einsdæmi haldið West
Ham í deildinni með átta mörkum
í síðustu tíu leikjum tímabilsins.
West Ham fékk síðar sekt vegna
þess hvernig eignarhaldi á leik-
mönnunum var háttað. Hvað sem
því líður sannaði Tevez gildi sitt.
„ Þetta eru
frábær
kaup fyrir okkur.
Ég er ekki í vafa
um að þessi kaup
geri okkur kleift að
keppa meðal bestu liða í Evrópu.“
Alan Pardew þáverandi stjóri
West Ham, um kaupin
Ætla ekki að
kaupa Ronaldo
Brasilíumaðurinn Leonardo, yfir-
maður íþróttamála hjá hinu mold-
ríka liði Paris St. Germain, segir
að félagið ætli sér ekki að reyna
að fá Cristiano Ronaldo frá Real
Madrid. Ronaldo kom mörgum
í opna skjöldu um helgina þegar
hann kvaðst vera óánægður í her-
búðum Real. Hefur Ronaldo ver-
ið orðaður við brottför í kjölfar-
ið. „Okkur hefur aldrei dottið í
hug að reyna að fá Ronaldo. Við
erum mjög ánægðir með leik-
mannakaup okkar í sumar,“ segir
Leonardo en síðasti leikmaður-
inn sem gekk í raðir félagsins er
Gregory van der Wiel sem kom frá
Ajax í Hollandi á þriðjudag.
Del Piero til
Grikklands?
Alessandro Del Piero á í viðræð-
um við gríska stórliðið Olympi-
akos. Del Piero, sem er 37 ára, yf-
irgaf Juventus í sumar eftir tæp 20
ár í herbúðum félagsins. Leikmað-
urinn reyndi hefur meðal annars
verið orðaður við Liverpool, Celtic
og FC Sion en Olympiakos virðist
vera líklegasti áfangastaður leik-
mannsins sem lék 91 landsleik
fyrir Ítalíu. Samkvæmt grískum
fjölmiðlum virðist engin kreppa
ríkja hjá Olympiakos. Félagið hef-
ur boðið Del Piero eins árs samn-
ing sem myndi færa honum 1,75
milljónir punda, 340 milljónir
króna.
Chamberlain fær
nýjan samning
Arsene Wenger, stjóri Arsenal,
er tilbúinn að bjóða ungstirninu
Alex Oxlade-Chamberlain nýj-
an samning. Chamberlain hef-
ur heillað marga stuðningsmenn
Arsenal með spilamennsku sinni
og vill Wenger tryggja að leikmað-
urinn verði áfram hjá félaginu um
ókomin ár. Wenger hefur misst
nokkra lykilmenn frá félaginu sem
voru við það að renna út á samn-
ingi. Má þar nefna Cesc Fabre-
gas, Samir Nasri og Robin van
Persie. Breska blaðið The Daily
Mail greinir frá því að félagið muni
setjast niður með leikmannin-
um og umboðsmanni hans síðar
í mánuðinum til að ræða nýjan
samning.
Glaður Það er augljóst að Tevez er búinn að finna leikgleðina aftur enda aftur farinn að
hrella varnarmenn ensku úrvalsdeildarinnar.