Dagblaðið Vísir - DV - 13.07.2011, Blaðsíða 4

4 | Fréttir 13. júlí 2011 Miðvikudagur
Viðurkenndar
stuðningshlífar
í úrvali
Stórhöfða 25 • Sími 569 3100 • eirberg.is
Í sumar er opið virka daga frá kl. 9 -18
Einkahlutafélögin Skebbi og Laugal­
ind hafa verið úrskurðuð gjaldþrota.
Skiptum þrotabúa þeirra er lokið og
fundust engar eignir upp í tæplega
eins milljarðs króna skuldir félaganna.
Skebbi var í eigu Rúnars Jónssonar,
fyrrverandi forstöðumanns gjaldeyr­
ismiðlunar Glitnis, en hann starfar í
dag á sjávarútvegssviði Íslandsbanka.
Laugalind var í eigu Friðfinns Ragn­
ars Sigurðssonar, fyrrverandi fram­
kvæmdastjóra fjárstýringar Glitnis,
en hann er líka starfandi hjá Íslands­
banka í dag.
Þeir Rúnar og Friðfinnur voru
á meðal 16 stjórnenda Glitnis sem
fengu kúlulán upp á um 8,5 milljarða
króna í maí árið 2008, nokkrum mán­
uðum fyrir fall bankans. Fékk Rúnar
þá 341 milljónar króna kúlulán í gegn­
um einkahlutafélagið Skebba og Frið­
finnur 171 milljónar króna kúlulán í
gegnum einkahlutafélagið Laugalind.
Engar eignir fundust upp í 599 millj­
óna króna skuldir Skebba og hið sama
á við um Laugalind en skuldir þess
námu 299 milljónum króna þegar fé­
lagið fór í þrot.
Þeir Rúnar og Friðfinnur þurfa
ekki að standa skil á skuldum eignar­
haldsfélaga sinna þar sem þeir voru
ekki í persónulegri ábyrgð fyrir þeim.
Þess skal getið að samkvæmt rann­
sóknarskýrslu Alþingis var Rúnar með
tæplega 90 milljónir króna í laun árið
2008. Hann á 320 fermetra einbýlishús
að Sævangi í Hafnarfirði en bruna­
bótamat þess er 63 milljónir króna.
Friðfinnur á 200 fermetra raðhús að
Fjallalind í Kópavogi en brunabóta­
mat þess er 42 milljónir króna.
Samkvæmt rannsóknarskýrslu Al­
þingis námu lán Glitnis til starfsmanna
og/eða eignarhaldsfélaga í þeirra eigu,
alls um 55 milljörðum króna þegar
þau urðu hæst í september 2008. Talið
er að flest einkahlutafélög fyrrverandi
starfsmanna Glitnis séu eignalaus líkt
og félög Rúnars og Friðfinns en eignir
félaganna urðu verðlaus við fall bank­
ans haustið 2008.
as@dv.is
Engar eignir upp í skuldir eignarhaldsfélaganna Skebba og Laugalindar:
Sleppa við milljarð
Fyrri eigandi og stjórnendur Office
1 hafa keypt rekstur fyrirtækisins út
úr þrotabúi Tékklistans. Tékklist­
inn, áður Egilsson hf., sá um rekst­
ur Office 1 áður en félagið var tek­
ið til gjaldþrotaskipta. Fyrri eigandi
Tékklistans, Egill Þór Sigurðsson, og
æðstu stjórnendur Office 1 skipa nýj­
an eigendahóp fyrirtækisins undir
nafninu Egilsson ehf. Á sama tíma
og Tékklistinn ehf. var tekið til gjald­
þrotaskipta voru tvö ný félög stofnuð
eins og DV greindi frá í júní, annars
vegar Egilsson ehf. og hins vegar Off­
ice One ehf. Egilsson sér um rekst­
ur fyrirtækisins á meðan Office One
ehf. heldur utan um húsnæði þess.
Tékklistinn var að fullu í eigu
Egils Þórs Sigurðssonar. Rekstur Off­
ice 1 var boðinn til sölu á dögunum
og sýndu að minnsta kosti fjórir að­
ilar einhvern áhuga á að kaupa fé­
lagið eftir því sem DV kemst næst.
Að sögn Kjartans Arnar Sigurðs­
sonar, forstjóra félagsins, eru kaup­
in fjármögnuð að hluta með lánum
og að hluta með eigin fé stjórnenda
og fyrri eiganda. Félagið tekur yfir
allar starfsmannaskuldbindingar
og leigusamninga hins gjaldþrota
félags. Einnig er greitt fyrir birgðir
og lausafjármuni félagsins. Kjartan
er eigandi nýr eigandi Office One
ásamt þeim Brynju Blöndu Bryn­
leifsdóttur fjármálastjóra, Bjarna
Árnasyni, framkvæmdastjóra inn­
kaupa og heildsölusviðs, Ragnari
Ástvaldssyni, framkvæmdastjóra fyr­
irtækjaþjónustu, og Agli Þór Sigurðs­
syni stjórnarformanni. Egill hafði
áður átt Office One að fullu.
Hagstæðasta tilboðið
„Þeirra tilboð var langhæst og lang­
hagstæðast fyrir búið. Á þeim
grundvelli var tilboðinu tekið,“ seg­
ir Garðar Garðarsson lögmaður
sem var skipaður skiptastjóri yfir
búinu samkvæmt úrskurði hér­
aðsdóms. Kröfulýsingarfresti í bú
Tékklistans er ekki lokið og því er
ekki orðið ljóst hverjar endurheimtur
kröfuhafa verða úr þrotabúinu
né heldur hversu stórt gjald­
þrot félagsins er. Að sögn
Garðars verður gerð grein
fyrir þessu á skiptafundi
sem fer fram í september.
Ákveðið var að ganga til samninga við
stjórnendur og fyrrverandi eiganda
Office 1 á skiptafundi á föstudaginn.
Það var eftir að búið var að fara yfir
öll tilboð sem bárust í reksturinn með
helstu kröfuhöfum og ljóst þótti að
umrætt tilboð væri það besta.
„Þetta er sala upp á hundruð
milljóna,“ segir Kjartan Örn um hvað
sé greitt fyrir rekstur Office 1 í þrota­
bú Tékklistans. Hann segir að um sé
að ræða nýtt fjármagn og að ekki sé
um yfirtöku skulda að ræða. „Það
er gríðarlega mikilvægt að halda því
til haga að þetta ferli var algjörlega
gagnsætt og það var farið með félagið
alla leið í gjaldþrot. Það var fenginn
skiptastjóri sem dómari tilnefnir og
það er enginn sem getur haft áhrif á
það. Það er skiptastjóri sem kemur
að búinu í einhverjar fimm vikur og
hann auglýsir það til sölu, sem hann
gerði um miðjan júní. Það bárust til­
boð frá ólíkum aðilum,“ segir Kjartan
sem tekur fram að tilboð stjórnenda
fyrirtækisins hafi verið betra en önn­
ur fyrirliggjandi tilboð. Aðspurður
upplýsir hann að kaupverðið liggi á
bilinu tvö til fimm hundruð milljón­
ir króna. Samkvæmt heimildum DV
voru fá önnur tilboð gerð í þrotabúið
sem geta talist raunhæf.
Skuldugt félag
Að sögn Kjartans hafa allir viðskipta­
vinir og lánardrottnar verið upp­
lýstir um ferlið. Í ársreikningi Tékk­
listans fyrir árið 2009, sem er síðasti
ársreikningur sem hefur verið birt­
ur fyrir félagið, kemur fram að það
skuldaði lánastofnunum um 826
milljónir króna. Á þeim tíma var
Landsbankinn helsti lánardrottinn
félagsins. Meirihluti skuldanna við
lánastofnanir var í erlendri mynt.
Ekki er ljóst hversu stórt tap kröfu­
hafa verður vegna gjaldþrots Tékk­
listans en samkvæmt heimildum DV
mun það hlaupa á hundruðum millj­
óna. Þær fjárhæðir þurfa því lána­
drottnar Tékklistans að afskrifa úr
bókum sínum.
Tékklistinn, sem áður hét Egilsson
hf., lenti í fjárhagsvandræðum og
óskaði eftir greiðslustöðvun um mitt
ár 2009. Þrátt fyrir greiðslustöðv­
unina og tilraun til að endurskipu­
leggja fjárhag félagsins þurfti að setja
það í þrot. Aðspurður hvort hann hafi
trú á því að rekstur félagsins eigi eftir
að ganga vel héðan í frá segir Kjartan
svo vera: „Ég er búinn að starfa hérna
í 3 ár. Þegar ég kom að félaginu í júní
2008 var hlutverk mitt að endur­
skipuleggja reksturinn og fara í fjár­
hagslega endurskipulagningu. Ofan
í það fékk ég bankahrunið á Íslandi
sem torveldaði mér gríðarlega, síð­
an fékk ég gjaldþrot samkeppnisað­
ilanna, Pennans og A4, þann 1. apríl
2009 sem bjó til hrikalega hræðslu á
markaðnum. Fyrirtæki stukku til og
lokuðu á krít á okkur út af því sem
hafði gerst hjá hinum.
Í fyrsta skipti í öllu þessu ferli líð­
ur mér eins og við séum með fyrir­
tækið á núllpunkti og getum farið í
uppbyggingu til frambúðar. Ég held
að þetta sé nákvæmlega sama til­
finning og margir stjórnendur eru
að upplifa núna á Íslandi. Við erum
núna á núllpunkti og fram undan er
vöxtur íslensks efnahagslífs á nýjan
leik,“ segir Kjartan sem telur að um
gleðifréttir sé að ræða. Þeir 68 starfs­
menn félagsins sem voru í vinnu hjá
fyrirtækinu haldi vinnu sinni, þar af
séu 44 í fullu starfi.
Office 1 í hendur fyrri
eiganda eftir gjaldþrot
n Skuldir afskrifaðar n Ekki ljóst hversu hátt tapið vegna gjaldþrots
gamla félagsins verður n Stjórnendur og fyrri eigandi eignast félagið
Halda störfum sínum Starfsmenn Office 1 munu halda störfum sínum eftir að fyrri eigandi
og stjórnendur fyrirtækisins keyptu reksturinn út úr þrotabúi Tékklistans.
Í hendur fyrri eiganda
Garðar Garðarsson lögmaður
og skiptastjóri Tékklistans
segir að tilboð fyrrverandi
eiganda og núverandi
stjórnenda Office 1 hafi verið
hagstæðasta tilboðið sem
lagt var fram.
Guðni Rúnar Gíslason
blaðamaður skrifar gudni@dv.is
„Þeirra tilboð var
langhæst og lang-
hagstæðast fyrir búið.
Réttarhöld gætu tafist:
Brynjar
gæti
fengið
dauðadóm
„Var að tala vil mömmu og Brynjar
verður kærður fyrir samsæri og getur
fengið dauðadóm! Er illt í hjartanu.“
Þetta skrifar Eva Davíðsdóttir, systir
Brynjars Mettinissonar, sem hand­
tekinn var fyrir fíkniefnamisferli í
Bangkok í lok maí, á Facebook­síðu
sem stofnuð var til styrktar honum.
Brynjar er ennþá í gæsluvarðhaldi
en móðir hans fór til Bangkok fyrir
þremur vikum og samkvæmt heim­
ildum DV hefur hún fengið að hitta
hann nokkrum sinnum. Til stóð að
mál Brynjars yrði tekið fyrir í ágúst
en heimildir herma að töf gæti orðið
á því. Jafnvel allt upp í ár. Utanríkis­
ráðuneytið hefur þó útvegað Brynj­
ari lögfræðing sem vinnur nú í máli
hans.
Heimildir DV herma að ákæran
gegn Brynjari komi til með að verða
í nokkrum liðum. Hann muni líklega
að minnsta kosti verða ákærður fyrir
samsæri til að smygla eiturlyfjum,
sem og selja. Hörðustu viðurlög við
einum ákæruliðnum munu vera
dauðarefsing.
Líkt og DV greindi frá í byrjun
júní tók Brynjar að sér að finna
burðardýr til að fara með pakka frá
Taílandi til Japans. Að sögn Jennyjar,
taílenskrar kærustu Brynjars, átti
hann að fá 2.500 dollara fyrir vikið.
Í pakkanum reyndist töluvert magn
amfetamínvökva. Heimildir herma
að Brynjar hafi ekki játað hlutdeild í
málinu. Hann hefur haldið því statt
og stöðugt fram að honum hafi verið
tjáð að lögleg lyf væru í pakkanum,
einhvers konar neyðargetnaðarvörn.
Hann segist hafa trúað því. Brynjar
auglýsti eftir burðardýri á netinu en
sá sem svaraði reyndist vera lög­
reglumaður. Það komst því upp um
athæfið og Brynjar og kollegi hans
voru handteknir á hóteli í Bangkok
þann 31. maí síðastliðinn.
solrun@dv.is