Dagblaðið Vísir - DV - 13.07.2011, Blaðsíða 12

12 | Fréttir 13. júlí 2011 Miðvikudagur
Samkvæmt ársreikningi einkahluta-
félagsins Inn Fjárfesting fyrir árið
2009 kemur fram að félagið hafi það
ár átt eignir upp á nærri 1.500 millj-
ónir króna hjá Landsbankanum í
Lúxemborg sem samanstóð af verð-
bréfum og bankainnistæðum. Fé-
lagið er alfarið í eigu Ingunnar Gyðu
Wernersdóttur, systur þeirra Karls og
Steingríms Wernerssona, en systkin-
in áttu fjárfestingarfélagið Milestone
saman þar til Ingunn seldi hlut sinn í
lok árs 2005. „Ég hef ekkert við þig að
tala. Ekkert. Ég tala ekki við DV. Vertu
blessaður,“ sagði Ingunn Gyða Wer-
nersdóttir þegar blaðamaður hringdi
í hana til að spyrja um 1.500 milljóna
króna eign hennar hjá Landsbank-
anum í Lúxemborg.
Fimm milljarðar fyrir hlut í
Milestone
Ingunn seldi hlutin í Milestone til
bræðra sinna í lok árs 2005 fyrir 5,2
milljarða króna. Fékk hún greitt fyr-
ir hlutinn með reiðufé og fjárkröfu á
hendur tryggingafélaginu Sjóvá-Al-
mennum á árunum 2005, 2006 og
2007. Fréttir bárust af því eftir hrun
að skiptastjóri þrotabús Milestone
hefði viljað rifta umræddum kaup-
um bræðranna á hlut Ingunnar. Þeir
hefðu fengið lán til að kaupa systur
sína út en aldrei hefði verið greitt
af láninu. Sendi Ingunn frá sér yfir-
lýsingu vegna skrifa fjölmiðla um
málið. „Greiðslur til mín vegna um-
ræddra hlutabréfaviðskipta áttu sér
stað á árunum 2005, 2006 og 2007.
Langstærstur hluti þeirra er því fyrir
utan tveggja ára riftunarfrest gjald-
þrotalaga og ætti því ekki að vera til
umræðu, hvorki hjá skiptastjóra né
í fjölmiðlum,“ sagði hún í yfirlýsing-
unni.
Ingunn átti 15,3 prósent í Mile-
stone en einnig fór hún með 28 pró-
senta hlut í félaginu Leiftri Ltd. sem
átti 32 prósent í Milestone þegar hún
seldi hlut sinn í lok árs 2005. Leiftri
Ltd. er skráður á Tortóla á Bresku
Jómfrúareyjunum.
„Þeir bræður mínir og það frá-
bæra starfsfólk sem vinnur hjá Mile-
stone var að gera svo góða hluti að
mér fannst ég litlu hafa við að bæta.
Þeir eru mjög færir í viðskiptum og
hafa þetta sjötta skilningarvit hvað
viðskipti varðar,“ sagði Ingunn í sam-
tali við Fréttablaðið í febrúar árið
2007 um ástæðu þess að hún ákvað
að selja hlut sinn í Milestone.
Hluti af sölunni til Lúxemborgar
Líklegt er að 1.500 milljóna króna
bankainnistæða félagsins Inn Fjár-
festing hjá Landsbankanum í Lúx-
emborg sé hluti af þeim fjármun-
um sem Ingunn fékk fyrir söluna á
hlutnum í Milestone. Í skýrslu rann-
sóknarnefndar Alþingis kom fram að
Ingunn hefði verið sjöundi stærsti
lántakandinn hjá Landsbankanum
í Lúxemborg fyrir hrun. Skuldaði
hún bankanum nærri 12 milljón-
ir evra, eða nærri tvo milljarða ís-
lenskra króna miðað við núverandi
gengi. Samkvæmt efnahagsreikningi
Inn Fjárfestinga árið 2009 átti félagið
þá eignir upp á nærri 2,5 milljarða
króna og nam eigið fé félagsins 1.120
milljónum króna.
Segir í ársreikningnum að ágrein-
ingur sé á milli félagsins og þrota-
bús Landsbankans í Lúxemborg
um stöðu og uppgjör á annars veg-
ar lánasamningi og lánalínu upp á
nærri 1.500 milljónir króna og hins
vegar eignasafni Inn Fjárfestinga hjá
bankanum upp á nærri 1.500 millj-
ónir króna. Í ársreikningi Inn Fjár-
festinga kemur fram að félagið eigi
að standa skil á langtímaskuldum
upp á 1.460 milljónir króna árið
2014. Einnig kemur fram að félagið
hafi gert framvirka gjaldeyrissamn-
inga en engar skýringar eru gefnar
á hvers konar samninga er um að
ræða.
Enn í viðskiptum í Lúx
Milestone átti í töluvert miklum við-
skiptum við Landsbankann í Lúx-
emborg fyrir hrun. Sá sem annaðist
málefni félagsins þar heitir Guðjón
Sævarsson. Verður að teljast líklegt
að hann hafi einnig séð um málefni
Ingunnar hjá bankanum eftir að hún
seldi sig út úr Milestone. Hann sá
einnig um málefni Björgólfs Thors
Björgólfssonar hjá Landsbankan-
um. Guðjón starfar í dag hjá fyriræk-
inu Arena Wealth Management, en
þar starfa margir fyrrverandi starfs-
menn íslensku bankanna í Lúxem-
borg. Eigendur Arena eru þeir Arnar
Guðmundsson og Þorsteinn Ólafs-
son, sem störfuðu hjá Landsbank-
anum í Lúxemborg fyrir hrun, líkt og
Guðjón. Áður hefur verið sagt frá því
í fjölmiðlum að þeir Hannes Smára-
son, Pálmi Haraldsson og Magnús
Ármann séu á meðal viðskiptavina
Arena. Ekki er ólíklegt að Ingunn
hafi líka fært viðskipti sín þangað eft-
ir hrun þó ekkert sé hægt að fullyrða
um slíkt.
Á mikið af fasteignum
Umrædd eign Inn Fjárfestinga er
ekki það eina sem félagið á. Sumar-
ið 2007 keypti félagið svokallað Alli-
ance-hús við Mýrargötu á 925 millj-
ónir króna. Um svipað leyti keypti
félagið líka einbýlishúsið Esjuberg
við Þingholtsstræti sem áður hýsti
gamla Borgarbókasafnið. Er talið
að Ingunn hafi greitt vel á annað
hundrað milljónir króna fyrir það.
Húsið var upphaflega um 470 fer-
metrar að stærð en miklar fram-
kvæmdir hafa verið við húsið eft-
ir að Ingunn keypti það. Lét hún
byggja nærri 250 fermetra viðbygg-
ingu og er húsið núna yfir 700 fer-
metrar að stærð.
Fyrir stuttu bárust fréttir af því að
Reykjavíkurborg hefði tilkynnt Inn
Fjárfestingum um dagsektir og gefið
þeim frest til að gera úrbætur á um-
gengni við Esjuberg við Þingholts-
stræti. Þó hafi ekki tekist að hafa
uppi á Ingunni til að koma bréfi til
hennar um umrætt erindi. Inn Fjár-
festing á líka 230 fermetra iðnaðar-
húsnæði við Suðurhraun í Garðabæ
og 350 fermetra skrifstofuhúsnæði
að Hamraborg í Kópavogi þar sem
skrifstofa fyrirtækisins er. Fyrirtæk-
ið átti líka BMW X5- jeppabifreið en
Ingunn færði hana yfir á eigin nafn í
júní síðastliðnum. Einnig á hún 245
fermetra einbýlishús við Bjarma-
land í Reykjavík sem er skráð á hana
persónulega.
Á Héðinshúsið
Ingunn á líka einkahlutafélagið
Seljaveg sem á um átta þúsund fer-
metra húsnæði að Seljavegi 2 sem
oftast er nefnt Héðinshúsið. Í árs-
lok 2009 skuldaði félagið nærri 3,6
milljarða króna. Í árslok 2009 nam
bókfært verð veðsettra eigna nærri
1.300 milljónum króna. Athygli vek-
ur að það ár bókfærir félagið áhvíl-
andi lán félagsins á 1.270 milljónir
króna og segir í skýringum að félagið
fallist ekki á að skuldir þess nemi 3,6
milljörðum króna þar sem óvissa ríki
um lögmæti gengistryggingar höfuð-
stóls. Íslandsbanki á veð í húsinu.
Linda Björk Bentsdóttir, æsku-
vinkona Ingunnar, starfar sem fram-
kvæmdastjóri Seljavegar. Í samtali
við DV segir Linda að félagið hafi
samið um skuldir sínar. „Það er mjög
skuldugt,“ segir hún þó aðspurð um
stöðu félagsins, en það sé hins vegar
enn í fullum rekstri.
Sjötta skilningarvit útrásarvík-
inganna
Ingunn var í viðtali við Fréttablaðið í
febrúar árið 2007. Þar var hún spurð
um það hvort umræða um „nýríka“
Íslendinga væri á þeim tíma nei-
kvæð. Hún svaraði því játandi. „Ég
get því ekki annað séð en að Ísland og
allir Íslendingar hafi hagnast á því að
hafa hér á landi frambærilega menn
sem hafa þetta sjötta skilningarvit
hvað viðskipti varðar,“ voru lokaorð
Ingunnar í umræddu viðtali. Líklega
myndu fáir taka undir orð hennar í
dag í ljósi þeirra atburða sem síðar
urðu með hruni efnahags- og fjár-
málakerfis Íslands haustið 2008.
Virðist standa vel
Ingunn hefur sýnt tónlistar- og
menningarlegum málefnum mik-
inn áhuga. Hún er menntaður hjúkr-
unarfræðingur með framhalds-
menntun í skurðhjúkrun en hefur
frá árinu 2005 alfarið einbeitt sér að
eigin fjárfestingum. Hún hefur mörg
járn í eldinum. Auk þess að eiga fé-
lögin Inn Fjárfestingu og Seljaveg á
hún einkahlutafélagið Út sem á lista-
gallerí, einkahlutafélagið Gyðunni,
sem hún stofnaði nýlega með Önnu
Margréti systur sinni sem kemur
að hrossarækt, 30 prósent í einka-
hlutafélaginu S4S, sem á skóverslan-
ir Steinars Waage, skor.is og Ecco og
svo á hún hlut í fjármálafyrirtækinu
Auði Capital en þar er hún varamað-
ur í stjórn. Hún virðist því ekki hafa
farið jafn illa út úr hruninu og bræð-
ur hennar, þeir Karl og Steingrímur.
Stendur vel Ingunn virðist ekki hafa farið jafn illa út úr hruninu og bræður hennar, þeir Karl
og Steingrímur.
700 fermetra glæsihýsi Hér má sjá
einbýlishúsið Esjuberg sem Ingunn Werners-
dóttir keypti árið 2007. Hún lét byggja við
húsið sem í dag er yfir 700 fermetrar að
stærð. Mynd Hörður SVEinSSon
n Félag ingunnar Wernersdóttur átti 1.500 milljónir króna í Landsbankanum í Lúxem-
borg n „Ég tala ekki við dV,“ segir ingunn n Á fjölda fasteigna á höfuðborgarsvæðinu
Á 1.500 milljónir
á reikningi í Lúx
Annas Sigmundsson
blaðamaður skrifar as@dv.is
„Ég get því ekki
séð annað en að
Ísland og allir Íslending-
ar hafi hagnast á því að
hafa hér á landi fram-
bærilega menn sem hafa
þetta sjötta skilningarvit
hvað viðskipti varðar.