Dagblaðið Vísir - DV - 23.09.2011, Page 23

N
ei – þetta er ekki skoðun
undirritaðs en fullyrðingin
er álíka gáfuleg og sú að
samkynhneigð sé í lagi á
meðan fólk stundi ekki
kynlíf með sama kyni. Er ég einn
um að finnast þessi áhugi Frið-
riks Schram og fleiri presta á kyn-
lífi samkynhneigðra eitthvað skrýt-
inn? Samkynhneigðir stunda kynlíf
já, en við stundum líka nám, vinnu
og skemmtistaði, pöntum pítsu, för-
um í bíó, horfum á sjónvarp, rækt-
um vináttu- og fjölskyldubönd – já,
við lifum bara svipuðu lífi og flestir
aðrir.
Miklu púðri er eytt í að reyna að
koma í veg fyrir að fólk stundi kyn-
líf með sama kyni en eitthvað ber
minna á mótmælum gegn kynlífi
gagnkynhneigðra utan hjónabands,
barneignum utan hjónabands,
skilnuðum... ég gæti haldið áfram.
Allt eru þetta „syndir“ samkvæmt
hinni 2.000 ára gömlu bók sem sí-
fellt er vitnað í þegar berja skal á
samkynhneigðum. Já, berja, því
það mætti halda að forsvarsmenn
kirkjusafnaða eins og Kristskirkj-
unnar séu í heilögu stríði gegn sam-
kynhneigð. Er kannski auðveldara
að berja á hommunum en hinum
gagnkynhneigða meirihluta? Má ég
minna á að ekki eru allir sömu trú-
ar og margir sem ekki trúa á neinn
Guð. Er í lagi að kúga það fólk í nafni
sinnar eigin trúar?

Á vefsíðu Kristskirkjunnar er
greinasafn Friðriks Schram þar sem
meðal annars má sjá greinartitilinn
„Foreldrar gætið barnanna ykkar
fyrir Samtökunum 78.“ Því miður
vísar þessi tengill í aðra grein því
ég er mjög forvitinn að heyra hvað
það er nákvæmlega sem samtökin
sem ég er í forsvari fyrir hafa gert
börnum landsins. Ég held að það
sé margt annað sem mætti vara for-
eldra við en Samtökin ‘78.
Samtökin eru með öflugt ung-
liðastarf undir sínum verndarvæng
og mér hefur verið tjáð af móður
að ungliðahópurinn hafi bjargað
barni hennar því engir voru vin-
irnir í skólanum. Er það þetta sem
foreldrar eiga að passa börnin sín
fyrir? Að þau eignist vini og JAFN-
INGJA? Kynnist öðrum hins egin
ungmennum sem eru að upp-
lifa svipaðar tilfinningar? Þá bjóða
Samtökin ‘78 einnig upp á fría
félagsráðgjöf fyrir þá sem þess óska
og er ekki vanþörf á meðan fólk
mætir svona fordómum.
Staðreyndin er sú að málflutn-
ingur á borð við þann sem Friðrik
stendur fyrir veldur því að samkyn-
hneigð ungmenni, jafnt á Íslandi
sem um heim allan, líða miklar
kvalir og fremja í versta falli sjálfs-
morð því einhver prestur segir þeim
að tilfinningarnar sem þau eru að
upplifa séu ekki Guði þóknanleg-
ar. Það eru þung og erfið skilaboð
fyrir óharðnaða unglinga. Samtök-
in ‘78 hafa ekki stundað að berjast
gegn hópum eða félagasamtök-
um með vopnum og ekki stendur
til að byrja á því núna. Við svörum
þegar á okkur hallar eða ráðist er
á hinsegin fólk. Friðriki finnst fólk
vera með fordóma gagnvart sér og
sínum skoðunum en það er rangt.
Fólk er einfaldlega á móti haturs-
áróðri, jafnvel þegar hann er kynnt-
ur undir rósinni „elskið syndarann
en fordæmið syndina.“
Umræða | 23Helgarblað 23.–25. september 2011
Hvað finnst þér um átak VR um 10 prósenta afslátt fyrir konur í búðum?
„Ég er alltaf hlynnt því að fá afslátt.“
Líndís Sigurðardóttir
45 ára starfsmaður hjá Landsbankanum
„Ég er ánægð með það.“
Jóhanna Dóra Jóhannesdóttir
83 ára ellilífeyrisþegi.
„Mér finnst það ekki sanngjarnt. Það eru
konur þarna sem eru á svipuðum launum og
karlmenn.“
Guðmundur Finnbogason
47 ára rafvirki.
„Mér finnst það bara frábært.“
Fríða Jónsdóttir
25 ára vaktstjóri í Hressingarskálanum
„Til hvers?“
Alfreð Sigurðsson
28 ára nemi á Grillmarkaðnum
Maður dagsins
Bríet var
háskólinn
Margrét Helga Jóhannsdóttir
Margrét Helga Jóhannsdóttir leikkona er
komin aftur á fjalir Þjóðleikhússins eftir 40
ára fjarveru. Margrét Helga leikur Aliide í
leikritinu Hreinsun eftir Sofi Oksanen en það
er leikkonan Vigdís Hrefna Pálsdóttir sem
leikur Aliide unga. Þetta er í annað skipti
sem þær stöllur túlka sömu persónu.
Hver er maðurinn?
„Margrét Helga Jóhannsdóttir leikkona.“
Hvar ert þú alin upp?
„Aðallega undir Esjunni.“
Hvað drífur þig áfram?
„Lífsorka.“
Hvað finnst þér best að borða?
„Ég er mikil matmanneskja og er fyrir alls
kyns sjávarfang eins og smokkfisk og kol-
krabba og allt þetta skrítna úr sjónum.“
Hver er uppáhaldsrithöfundurinn
þinn?
„Það er Halldór Laxness.“
Átt þú þér fyrirmynd?
„Já, margar. Bríet Héðinsdóttir heitin var
háskólinn minn.“
Hvert er draumahlutverkið?
„Ég held að ég sé búin að fá þau öll. Fyrsta
hlutverkið mitt hjá Leikfélagi Reykjavíkur
var draumahlutverk en þá lék ég Uglu í
Atómstöðinni.“
Hvernig fannst þér bók Sofi
Oksanen?
„Þetta er mögnuð bók og margslungin og
það magnaða er að leikritið var skrifað á
undan bókinni.“
Er erfitt að leika Aliide?
„Ég er ennþá að landa henni og það er langt
í land. Þetta er mjög sterkur hópur og ég
reikna með sterkri sýningu. Ég leik Aliide
þegar hún er fullorðin og Vigdís Hrefna Páls-
dóttir leikur hana unga en þetta er í annað
skipti sem við leikum sömu persónuna. Hún
leikur mig líka yngri í Eldfjallinu.“
Ert þú ánægð með að vera komin
aftur á fjalir Þjóðleikhússins?
„Mér finnst voðalega gaman að koma aftur
á fjalirnar eftir 40 ára fjarveru. Síðast þegar
ég lék í Þjóðleikhúsinu lék ég ekkjuna í söng-
leiknum Zorba árið 1971.“
Hvað er fram undan?
„Síðasta ár var mjög gjöfult hvað varðar
verkefni og framtíðin er eiginlega óráðin.
Það er búið að reifa eitt og annað en það er
ekkert fast í hendi.“
Kristni í lagi ef fólk fer ekki í kirkju!
Dómstóll götunnar
Guðmundur Helgason
formaður Samtakanna ‘78
Aðsent
Myndin Mótmælt Nokkuð stór hópur fólks kom saman við bandaríska sendiráðið við Laufásveg á fimmtudag. Hópurinn mótmælti afstöðu bandarískra stjórnvalda við til-
raunir Palestínu til þess að öðlast fullveldi og aðild að Sameinuðu þjóðunum. Hér má sjá Svein Rúnar Hauksson lækni halda erindi. Lögregla var með viðbúnað.
MynD SiGtryGGur Ari
„Er kannski auð-
veldara að berja
á hommunum heldur en
hinum gagnkynhneigða
meirihluta?
Hollinn-Skollinn
Í
sland er lýðræðisríki sem þýð-
ir að fólkið í landinu ræður. Til
þess eru kosningar; lýðurinn veit-
ir kjörnum þingmönnum umboð
til að fara með stjórn landsins í
ákveðinn tíma þó þeim sé uppálagt
að bera mikilvægustu málin und-
ir dóm fólksins sem kaus þá – alias
okkur. Það þýðir líka að við höfum
rétt á að fá allar tiltækar upplýsing-
ar um hin sömu mál svo við getum
myndað eigin skoðun og fellt okkar
dóma byggða á heilbrigðri umræðu.
Ella værum við ekki hótinu skárri en
einræðisríki þar sem upplýsingar eru
skammtaðar, afskræmdar og skrum-
skældar.
Það er einfaldlega réttur lýðsins
að hafa tögl og hagldir í lýðræðis-
ríkjum.
Svo eru líka annars konar kosn-
ingar á Íslandi þar sem fólkið velur
sér þjóðhöfðingja. Þetta tvennt hef-
ur frá upphafi verið aðskilið; forset-
inn á að vera þjóðhöfðingi en ekki
pólitíkus. Nú ber svo við að kjörinn
þjóðhöfðingi vill helst halda áfram
að vera pólitíkus og berst bak við
tjöldin fyrir sínum eigin pólitísku
ástríðum. Honum fer líkt og skoð-
anabræðrum hans, honum finnst
ekkert athugavert við að svína á fólk-
inu í landinu með því að halda op-
inni umræðu í gíslingu, drepa henni
á dreif og snapa sér leðjuslag hér og
hvar með skætingi og stælum.
Þannig á að synja okkur um þann
sjálfsagða rétt að fá að mynda okk-
ur óáreitt skoðanir um eitt brýn-
asta mál síðari tíma, óháð annarra
manna ofríki.
Við völdum réttkjörinn þingheim
sem óskaði fyrir okkar hönd eftir að-
ild að Evrópusambandinu. Ég á rétt
á því að fá að allar upplýsingar um
hvað aðild hefði í för með sér og ég
vil fá að gera það í friði. Án þess að
þurfa að þola valdníðslu sem for-
seti landsins og illa uppaldir stjórn-
málamenn hafa í frammi í þökk og
með blessun mannanna sem selt
var sjálfdæmi í auðlindum þjóðar-
innar. Stöðugt baktjaldamakk, póli-
tískt skítkast og skotgrafahernaður
í þágu eigin skoðana og í þeim til-
gangi einum að skara eld að sinni
eigin pólitísku köku er ekkert annað
en ofbeldi í okkar garð.
Sjáið heldur sóma ykkar í að gera
það sem ykkur var treyst til – að
standa vörð um lýðræði landsins og
hætta þessum skollaleik.
Ragna Björk Þorvaldsdóttir
MA í alþjóðasamskiptum
Aðsent