Dagblaðið Vísir - DV - 31.10.2011, Síða 14

Lof&Last
E
ld
sn
ey
ti
Algengt verð 230,3 kr. 230,8 kr.
Algengt verð 233,1 kr. 241,6 kr.
Höfuðborgarsv. 233,0 kr. 241,5 kr.
Algengt verð 233,3 kr. 241,8 kr.
Algengt verð 234,9 kr. 241,9 kr.
Melabraut 233,1 kr. 241,6 kr.
14 | Neytendur 31. október 2011 Mánudagur
Borgarleikhúsið
rokkar
n Borgarleikhúsið fær hrósið að
þessu sinni en DV fékk eftirfarandi
sent: „Mamma fékk leikhúsmiða
í áttræðisafmælisgjöf fyrir nokkru
en þegar hún mætti var leiksýn-
ingin löngu byrjuð. Hún hafði ekki
áttað sig á breyttum sýningar-
tíma. Stúlka í afgreiðslunni leysti
málið mjög snarlega, bauð
mömmu og gesti hennar
beint á sýningu hjá Íslenska
dansflokknum og svo
fékk hún aðra miða á
sýninguna sem hún
ætlaði upphaflega á.
Vel gert – Borgarleik-
húsið rokkar!“
Illa bökuð pítsa
n Lastið fær Rizzo Pizzeria. „Ég hef
farið reglulega á Rizzo í gegnum
tíðina og nú verð ég að fá að lasta þá
fyrir að hafa hrakað alveg gríðarlega.
Sótti pítsu til þeirra um síðustu helgi
og varð vonsvikin. Allt
áleggið var á tveimur
sneiðum og pítsan
var illa bökuð.“ segir
óánægður viðskipta-
vinur sem segist
munu panta pítsurnar sínar
annars staðar frá héðan af.
SENDIÐ LOF EÐA LAST Á NEYTENDUR@DV.IS
Nagladekkin
menga
Flestir bílaeigendur eru farnir að
huga að því að koma bílnum á vetr-
ardekk en það getur þó þvælst fyrir
mönnum hvers konar dekk skal
velja. Á natturan.is er mælst til þess
að bíleigendur velji aðra kosti en
nagladekk sem spæni upp malbikið
á götunum og skapi svifryksmeng-
un. Þar er sagt að í sumum dekkj-
um séu einnig hættuleg efni sem
geti borist út í umhverfið. Það sé
því betra fyrir umhverfið og heilsu
okkar allra að nota harðkornadekk,
harðskeljadekk eða heilsársdekk
frekar en nagladekk. Auk þess sé
ónauðsynlegt að aka á nagladekkj-
um ef aðallega er ekið innanbæjar.
n Getur margborgað sig að kaupa varahluti á netinu n Varahlutur
sem kostar 500.000 krónur hjá umboði fékkst á 100.000 á netinu
Sparaðu við
varahlutakaup
„Ég pantaði sjálfur
hlut þar um dag-
inn og það tók þrjá daga
frá pöntun þar til hann
var kominn til mín.U
mboðin eru ekki eins djöf-
ullega dýr og þau voru og
hafa lækkað sig töluvert,“
segir Stefán Ásgrímsson,
hjá Félagi íslenskra bifreiða-
eigenda, aðspurður hvort varahlutir
hjá bílaumboðum séu jafn dýrir og
þeir hafa verið. Ástæðan fyrir því sé
að hluta til að bílaumboðin séu ekki
burðug eins og er og hafi því ekki efni
á að liggja á varahlutalager. Hann
hvetur þó bíleigendur til að skoða
netsíður sem selja varahluti og þá sér
í lagi í Bandaríkjunum.
Öruggt að versla á netinu
Íslendingar keyra um á eldri bílum
en áður en nýskráningum bíla fækk-
aði gífurlega eftir hrun. Þar sem bíla-
flotinn á Íslandi er að eldast er ekki
úr vegi að skoða hvernig og hvar
sé hagstæðast að kaupa varahluti í
bílana. Stefán segir það öruggt að
kaupa varahluti á netinu og nefn-
ir síðuna rockauto.com sem hafi
reynst vel. „Sérstaklega fólk sem á
bandaríska bíla eða bíla sem eru á
markaði í Bandaríkjunum. Þetta er
mjög stór vefur, eiginlega miðstöð
sem hefur safnað saman upplýsing-
um um varahluti til sölu. Ég pant-
aði sjálfur hlut þar um daginn og
það tók þrjá daga frá pöntun þar til
hann var kominn til mín.“ Hann seg-
ir mjög einfalt að leita eftir þeim hlut
sem maður þarf á síðunni. Þar sé allt
flokkað eftir tegund, gerð bílsins og
árgerð og maður sjái strax hvað er til.
Á rockauto.com er einungis um nýja
hluti að ræða.
Hægt að gera mjög góð kaup
Hann segir að það geti margborgað
sig að kaupa slíka hluti á netinu og
nefnir sem dæmi mann sem þurfti að
kaupa varahlut í bílinn sinn. „Hann
átti kóreskan bíl og það fór í honum
mikilvægur drifbúnaður sem átti að
kosta 500.000 krónur hjá umboðinu.
Hann leitaði á netinu og á endanum
fann hann hlutinn í Bandaríkjunum.
Hann pantaði hlutinn og með send-
ingarkostnaði og öllum gjöldum fékk
hann hlutinn á 100.000 krónur. Það
er hægt að gera mjög mjög góð kaup
á dýrari stykkjum.“
Annað dæmi er til um mann
sem leitaði til umboðs vegna vara-
hlutar og fékk að vita að hluturinn
ætti að kosta 700.000 krónur. Þegar
hann hafnaði því fóru starfsmenn
umboðsins að leita að ódýrari hlut
og buðu honum hlutinn á 280.000.
Hann fór þá sjálfur að svipast um eft-
ir betra verði og fékk hann á endan-
um erlendis á 150.000. Hann var þó
einnig búinn að sjá sama varahlut-
inn, nýjan og ónotaðan, til sölu á e-
Bay á 70.000 krónur.
Mælir ekki með notuðum
dekkjum
Stefán segir að það sé í sjálfu sér
í góðu lagi að kaupa notaða vara-
hluti í bílana. „Það eru sumir hlut-
ir sem ekki er leyfilegt að endur-
nýja, svo sem slithlutir í bremsum
og stýrisendum. Maður setur ekki
notaða hluti í það. Að öðru leyti er
ekkert að því að kaupa notaða vara-
hluti.“ Aðspurður hvort hann mæli
með því að kaupa notuð dekk seg-
ist hann alls ekki geta það. „Dekkin
eru það stór öryggisþáttur að ég get
ekki með góðri samvisku mælt með
því. Þó það standi í manni að kaupa
dýr dekk undir bílinn þá verður fólk
að hafa það í huga að um er að ræða
fjóra lófastóra snertifleti sem koma
við jörðina. Bara það að hafa dekk af
hvert af sinni gerð gerir það að verk-
um að bíllinn fær mismunandi grip
og fær þar af leiðandi vont veggrip.
Það er lágmark að hafa eins dekk á
sama öxli en helst þurfa þau öll að
vera sömu tegundar.“
Hann bendir einnig á dekkja-
könnun sem má finna á heimasíðu
FÍB en þau dekk sem fá hæstu ein-
kunn þetta árið eru frá Continental.
Mælir með sparneytnum bílum
Stefán nefnir einnig að svo virðist
sem smekkur okkar á bílum sé að
breytast. Fólk geti ekki lengur eytt
morð fjár í í bíla og sala á jeppum hafi
dregist saman. „Enda er ekkert að því
að vera á litlum bílum. Ég hef aldrei
skilið af hverju fólk er að þvælast á
jeppum hér í borginni. Það er leið-
inlegt að keyra þá og erfitt að finna
stæði,“ segir hann og bætir við að það
sé mikið úrval af litlum og sparneyt-
num bílum. Það sé eitthvað sem fólk
ætti að hafa í huga þegar það kaupir
bíl, sér í lagi þegar bensínverð hækk-
ar stöðugt. „Ég vild nefna WV Polo
sem dæmi en hann er eyðsluminnsti
fimm-manna bíll í veröldinni. Mað-
ur þarf að vera mjög vondur við hann
til hann eyði 4 á hundraði.“
n Skiptu
reglulega um
alla slithluti, svo
sem bremsur og
stýrisenda. Gott
ráð er að gefa
þessum hlutum
ákveðinn líftíma og skipta þeim svo út
áður en þeir bila.
Það er dálítið misjafnt hve vel þessir
hlutir endast auk þess sem það fer tals-
vert eftir því hvar og hvernig bílinn er
notaður. En þegar farið er með bíl í árlega
skoðun er ágætt að biðja skoðunar-
manninn að líta sérstaklega eftir þessum
hlutum. Búast má við sliti í þessum
hlutum eftir tveggja til fjögurra ára
notkun.
n Skiptu um olíur og síur
reglulega Flestir heimilisbílar eru
mest notaðir á stuttum vegalengdum
og í þannig notkun endist smurolían verr
og oftar þarf að skipta um hana. Ágæt
þumalfingursregla er að gera þetta á
5.000 kílómetra fresti. Handlagið fólk
getur vissulega gert þetta sjálft við
einfaldari og ódýrari bílar. En suma nýrri
og dýrari bíla þarf að fara með á smur-
stöðvar til olíu- og smursíuskipta vegna
þess að nauðsynlegt er að forrita stjórn-
tölvuna í þeim upp á nýtt eftir olíuskipti.
n Þrífðu bílinn rækilega Það er
mikið saltað hér á landi en saltið safnast
fyrir í krókum og kimum. Gott er að há-
þrýstiþvo undir-
vagninn tvisvar
á ári. Þannig
næst vetrarsaltið
af á vorin og
malarvegarykið
eftir sumarið.
n Bónaðu bílinn
Bónið kemur í veg fyrir ryð sem er mikill
vágestur. Það er því mikilvægt að fylgjast
með ryðmyndun og þegar fer að bera á
því skal láta laga það strax. Um leið og
ryð gerir vart við sig þarf að bregðast við
snarlega og slípa ryðið algerlega upp,
grunna síðan og jafna ójöfnur út með
sparsli og mála síðan.
Bílar eru misryðsæknir vegna þess að
stálið í þeim er misjafnlega gott og mis-
jafnlega vel ryðvarið. Stálið í undirvagni
og upp á miðjar hliðar bílsins er oftast há-
gæðastál og auk þess mjög vel ryðvarið.
Minna er hins vegar lagt í toppinn þar sem
álag á hann er eðlilega minna en botnfleti
bílsins. Fyrstu merki um ryð koma því
yfirleitt í ljós á toppnum, til dæmis ofan
við framrúðuna. Handlagið fólk getur
vissulega pússað upp ryðbletti en best er
að fá kunnáttumenn til þessara verka.
n Þegar bílar eldast, eftir 5–7 ára
notkun, þarf sérstaklega að huga að
ryði í undirvagninum og burðarvirkjum
bílsins. Ryðtæringin rýrir styrk bílsins og
árekstursþol og þar með verður öryggi
fólksins í bílnum minna. Bíll með ryðgað
burðarvirki er lífshættulegur. Dæmi
eru um að fólk hefur látist í slysum og
árekstrum í slíkum bílum, sem óryðgaðir
sams konar bílar hefðu hlíft.
Láttu bílinn endast
endalaust
Gunnhildur Steinarsdóttir
blaðamaður skrifar gunnhildur@dv.is
Stefán Ásgrímsson hjá FÍB Hvetur
bíleigendur til að skoða netsíður sem selja
varahluti.
Varahlutir Hægt er að
finna hagstætt verð á parta-
sölum og í netverslunum.