Dagblaðið Vísir - DV - 30.11.2011, Síða 3

Fréttir 3Miðvikudagur 30. nóvember 2011
Davíð heimsótti Bravo
fyrir einkavæðinguna
arinnar. Þar er að finna fundargerð-
ir framkvæmdanefndar um einka-
væðingu, vinnugögn nefndarinnar
og starfsmanna hennar, bréfaskipti
nefndarinnar við áhugasama kaup-
endur og annað í þeim dúr. Í þess-
um gögnum er, eðli málsins sam-
kvæmt, ekki að finna upplýsingar
um það sem gerðist á bak við tjöld-
in í einkavæðingarferlinu og þau
samskipti sem áttu sér stað á milli
áhugasamra kaupenda og opin-
berra aðila í aðdraganda henn-
ar. Ýmsar kenningar hafa hins
vegar verið settar fram um þessi
samskipti sem hugsanlega eru
mikilvægari en þær formlegu upp-
lýsingar sem liggja fyrir.
Ef einhverjar þreifingar um
kaupin á Landsbankanum hafa átt
sér stað á milli Björgólfs Thors og
Davíðs í ferðinni til Pétursborgar
í júní væri slíkt áhugavert í sagn-
fræðilegum skilningi og myndi
breyta þeirri heildarmynd sem við
höfum af aðdraganda einkavæð-
ingarinnar. Því neita þó aðstoðar-
menn beggja aðila.
Símtal Björgólfs til Davíðs
Í merkilegum greinum um einka-
væðinguna sem Fréttablaðið birti
um vorið 2005, áður en gögnin um
einkavæðinguna voru gerð opin-
ber, var því haldið fram að símtal
Björgólfs Guðmundssonar til Dav-
íðs Oddssonar í júní 2002 hefði
breytt stefnu ríkisstjórnarinnar um
sölu bankanna. Þetta símtal átti sér
því stað í sama mánuði og heim-
sókn Davíðs Oddssonar í Bravo-
verksmiðjuna í Pétursborg og í
sama mánuði og Björgólfsfeðgar
föluðust eftir Landsbankanum.
Orðrétt sagði um þetta í grein í
Fréttablaðinu frá 2005: „Með einu
símtali Björgólfs Guðmundssonar
til Davíðs Oddssonar í júní 2002 var
einkavæðingarferli bankanna kippt
úr höndunum á framkvæmda-
nefndinni [um einkavæðingu, inn-
skot blaðamanns]. Ráðherranefnd-
in tók u-beygju í afstöðu sinni til
sölunnar og lagði nýjar línur fyr-
ir framkvæmdanefndina. Selja
ætti allan eignarhlut beggja bank-
anna til eins fjárfestis.“ Ekkert sem
fram hefur komið í opinberri um-
ræðu bendir til þess að þetta símtal
Björgólfs Guðmundssonar til Dav-
íðs Oddssonar hafi ekki átt sér stað
og talsmenn Björgólfsfeðga hafa
ekki neitað því í gegnum tíðina að
það hafi átt sér stað.
Þá hefur Björgólfur Thor yfir-
leitt vísað til þess, þegar aðdrag-
andanum að einkavæðingunni er
lýst, að hann hafi hitt starfsmann
fjármálafyrirtækisins HSBC á sam-
komu í Lundúnum og að viðkom-
andi hafi sagt honum að fyrirtæk-
ið hefði verið ráðið til þess að sjá
um söluna á hlut ríkisins í Lands-
bankanum og Búnaðarbankanum.
Frásögn Björgólfs Thors er þá eitt-
hvað á þá leið að þarna hafi hug-
myndin að Landsbankakaupunum
kviknað. Líklega hefur þessi at-
burður átt sér stað áður en Björg-
ólfur Guðmundsson hringdi í Dav-
íð Oddsson til að spyrjast fyrir um
Landsbankann og áður en Davíð
Oddsson heimsótti Bravo-verk-
smiðjuna.
DV sendi fyrirspurn um heim-
sóknina til Pétursborgar til Dav-
íðs Oddssonar, núverandi ritstjóra
Morgunblaðsins, en henni var ekki
svarað. n
A
llar ráðstafanir og gjörn-
ingurinn í kringum gjald-
þrot Þreks ehf., sem var
rekstrarfélag líkamsræktar-
stöðvarinnar World Class,
var síðastliðið vor kærður til efna-
hagsbrotadeildar ríkislögreglustjóra,
samkvæmt heimildum DV. Deildin
sameinaðist embætti sérstaks sak-
sóknara 1. september og liggur málið
því nú inni á borði þess embættis til
rannsóknar. Það var Straumur-Burð-
arás, stærsti kröfuhafi þrotabús Þreks
ehf., sem kærði gjörninginn til efna-
hagsbrotadeildarinnar þann 27. maí
síðastliðinn. Björn er kærður fyrir
skilasvik.
Vali á matsmönnum frestað
Björn Leifsson og eiginkona hans,
Hafdís Jónsdóttir, keyptu rekstur
World Class út úr þrotabúi Þreks ehf.
í gegnum Laugar ehf. í september
árið 2009 á aðeins 25 milljónir króna.
Sama dag og Þrek ehf. fór í þrot. DV
hefur greint frá því, samkvæmt heim-
ildum, að dómkvaddir matsmenn
hafi metið rekstur World Class á 800
til 1.000 milljónir króna.
Þrotabú Þreks ehf., sem nú heitir
ÞS69 ehf., stefndi Laugum ehf. vegna
sölunnar og fer fram á að henni verði
rift á þeim forsendum að líkams-
ræktarveldið hafi verið selt of lágu
verði til of tengdra aðila.
Björn sjálfur hefur þó óskað eftir
nýju mati og má leiða að því líkur að
hann sé ekki sáttur við niðurstöðu
þeirra matsmanna sem fyrst voru
kvaddir til. Fyrirtaka var í riftunar-
málinu í Héraðsdómi Reykjavíkur
á þriðjudag þar sem fjallað var um
nýja matsmenn. Ekki lágu fyrir ósk-
ir um matsmenn frá lögmönnum og
var vali á þeim því frestað um rúma
viku.
Vildi frest vegna rannsóknar
Strax í kjölfar fyrirtöku riftunarmáls-
ins, sem snýr eingöngu að rekstri lík-
amsræktarstöðvarinnar World Class,
var munnlegur málflutningur í öðru
máli ÞS69 ehf. gegn Laugum ehf. í
héraðsdómi. Það mál snýr ekki að
rekstrinum, en alls höfðaði ÞS69 ehf.
fjögur óskyld mál á hendur Laugum
ehf. vegna fjögurra óskyldra gjörn-
inga. Þegar er búið að ljúka einu
þeirra með samkomulagi.
Sigurður G. Guðjónsson, lögmað-
ur Björns Leifssonar, fór fram á það
í munnlegum málflutningi að aðal-
meðferð málsins yrði frestað þangað
til einhver gögn lægju fyrir úr rann-
sókn sérstaks saksóknara á gjörn-
ingnum í kringum gjaldþrot Þreks
ehf. Hann vildi meina að opinber
rannsókn væri víðtækari en riftunar-
krafan og að ekki væri hægt að rifta
því í einkamáli sem væri verið að
rannsaka hjá sérstökum saksóknara.
Dómari samþykkti það ekki, á þeim
forsendum að sakamálið inni á borði
hjá sérstökum saksóknara væri byggt
á öðrum lagagreinum en einkamál-
ið. Aðalmeðferð mun því fara fram í
málinu í lok janúar.
„Kvöð að taka við viðskipta-
vinum“
Björn sjálfur segist hafa keypt rekst-
ur World Class á 274 milljónir króna
en ekki 25 milljónir, líkt og DV hef-
ur áður greint frá. Sigurbjörn Þor-
bergsson, skiptastjóri Þreks ehf., seg-
ir málið líta þannig út að Björn hafi
metið það til skuldar að taka á móti
þeim viðskiptavinum sem höfðu
keypt kort hjá líkamsræktarstöðinni
þegar Þrek ehf. fór í þrot. „Hann mat
það sem kvöð að taka við viðskipta-
vinum,“ sagði Sigurbjörn í samtali við
DV í síðustu viku.
Það er ljóst að Björn á í mörg
horn að líta þessa dagana. Dóms-
málin þrjú sem ÞS69 ehf. höfðaði
gegn Laugum ehf., og enn er ólok-
ið, eru ekki einu málin sem líkams-
ræktarfrömuðurinn þarf að verj-
ast í heldur hefur Landsbankinn
einnig stefnt honum vegna sjálf-
skuldarábyrgðar. Leitað er sátta í
því máli.
Sólrún Lilja Ragnarsdóttir
blaðamaður skrifar solrun@dv.is
Kærður til
saKsóKnara
n Sérstakur saksóknari rannsakar sölu Björns á World Class til sjálfs síns
Rannsakar Björn Ólafur Þór Hauksson, sérstakur saksóknari, rannsakar meint skilasvik í
tengslum við sölu á World Class.
Til rannsóknar Gjörningurinn
í kringum sölu World Class út úr
Þreki ehf. hefur verið kærður til
embættis sérstaks saksóknara.
„Hann mat
það sem
kvöð að taka við
viðskiptavinum