Dagblaðið Vísir - DV - 05.12.2011, Qupperneq 11

Fréttir 11Mánudagur 5. desember 2011
U
m átta hundruð umsóknir
liggja þegar fyrir vegna jóla­
úthlutunar Mæðrastyrks­
nefndar. Á bak við hverja
umsókn eru að meðaltali
2,5. „Stundum eru þetta stórar fjöl­
skyldur. Hver umsókn segir ekki allt
um fjölda þeirra sem búa við skort,“
segir Ragnhildur Guðmundsdótt­
ir, formaður Mæðrastyrksnefnd­
ar. „Enn sem komið er er fjöldinn á
svipuðu reki og í fyrra og hittifyrra en
það eru tveir dagar eftir, við tökum á
móti síðustu umsóknum á þriðjudag
og fimmtudag í næstu viku.“
Gefa mat og jólagjafir
Jólaúthlutun er mun veglegri
en hefðbundinn matarpakki frá
Mæðrastyrksnefnd, þar verður mik­
ill og góður matur í boði sem og jóla­
gjafir. Sérstök deild verður opnuð
þann 19. desember, um leið og jó­
laúthlutunin hefst, þar sem snyrti­
vörum, fötum, bókum og öðru sem
nýtist vel til jólagjafa verður dreift.
Ragnhildur segir að þetta verði eins
veglegt og mögulegt er. Allt er þetta
fengið að gjöf frá einstaklingum og
fyrirtækjum sem vilja láta gott af
sér leiða og hjálpa þeim sem verst
standa. „Við vitum að þessar gjafir
eru gefnar af góðum hug og met­
um það þannig. Allt eru þetta stór­
gjafir, hvort sem þær eru stórar eða
litlar. Við vitum það líka að á næstu
dögum munu eflaust fleiri hlaupa
undir bagga og það getur breytt ansi
miklu.“
Mikil vanlíðan
Mæðrastyrksnefnd stendur ein að
þessari úthlutun en undanfarin
ár hefur hún verið í samstarfi við
kirkjuna. Kirkjan hefur hins veg­
ar tekið upp ný vinnubrögð á með­
an Mæðrastyrksnefnd vill halda í
gamlar hefðir. „Við leggjum megin­
áherslu á matarpakkana, því það
skiptir mestu máli að eiga mat.“
Engin skilyrði eru fyrir því að fá
matarpakka hjá Mæðrastyrksnefnd,
fólk þarf aðeins að mæta á staðinn
með skilríkin og ræða við aðstand­
endur nefndarinnar. „Það þarf að
vera eitthvað alveg sérstakt til að
það gangi ekki upp. Auðvitað eru
einhverjar undantekningar á þessu,
til dæmis ef það er lítið til eða við
sjáum að fólk er að reyna að mis­
nota aðstoðina. Þá reynum við að
koma í veg fyrir það. En það er alveg
á hreinu að hingað kemur fólk ekki
að gamni sínu. Margir eiga mjög erf­
itt þegar þeir koma hingað og eru
kannski að leita sér aðstoðar í fyrsta
skipti. Íslendingar eru sjálfstæð þjóð
og vilja bjarga sér, en þegar fólk er
að reka heimili og á ekki mat handa
heimilisfólkinu fylgir því mikil van­
líðan.“
Margir í fullu starfi
Ragnhildur segir að þeim hafi fjölg­
að sem leita sér aðstoðar að stað­
aldri. „Hóparnir eru líka að breytast.
Í fyrra sáum við mikið af einstæð­
um karlmönnum. Þeim hefur fækk­
að svo það er hugsanlegt að það sé
eitthvað að rætast úr þeirra málum.
Nú sjáum við fleiri stórar fjölskyldur,
barnafjölskyldur virðast ekki nógu
vel settar. Mæðrastyrksnefnd var
fyrst og fremst stofnuð til þess að
styrkja mæður og börn. Og við vit­
um að lægstu laun duga ekki fyrir
framfærslu. Hluti hópsins sem hing­
að kemur er í fullu starfi en á lágum
launum sem duga ekki út mánuðinn
og sá hópur er allt of stór. Þetta eru
gjarna konur með tvö eða þrjú börn
á sínu framfæri.
Hingað kemur líka fólk sem er at­
vinnulaust, aldraðir og öryrkjar. Við
sjáum að þeir sem hafa misst vinn­
una eru oft niðurbrotnir. Þeim líður
ekki vel.“
Erfitt að brjótast út
úr aðstæðunum
„Ég er ansi hrædd um að veturinn
verði harður. Við búum okkur und­
ir það að þurfa að taka á móti fleira
fólki en áður. Af því að atvinnuleys­
ið er komið. Fólk missti vinnuna og
glímir nú við fylgifiskana sem brjóta
á því, það fyllist af vonleysi, tekst á
við veikindi og á ekki fyrir meðal­
inu. Lyfjaverð hefur hækkað og mun
hækka eftir því sem mér skilst. Það
er eitt og annað sem kemur í kjölfar
atvinnuleysis.“
Hún segir að það sé meira en
að segja það að brjótast aftur út úr
þessum aðstæðum. „Það er erfitt að
hefja sig til flugs á ný þegar niður­
brotið hefur átt sér stað. Við höfum
rekið okkur á það að fullt af fram­
bærilegu fólki er uppfullt af von­
leysi og á erfitt með að snúa til
baka. Það þarf býsna sterk bein til
þess. En það virðist ekki ná til eyrna
þeirra sem ráða,“ segir hún. „Það er
eins og stjórnvöld vilji ekki sjá hvað
ákvarðanir þeirra hafa mikil áhrif á
líðan fólks. Í raun er það mannrétt­
indabrot að búa svoleiðis að fólki.
Þar standa stjórnvöld sig alls ekki
nógu vel og ekki verkalýðshreyfing­
in heldur.“
Tvö þúsund biðja
um mat fyrir jólin
n Mæðrastyrksnefnd undirbýr jólaúthlutun n Síðasti séns að sækja um í næstu viku n Atvinnulausir
upplifa niðurbrot og eiga erfitt með að snúa til baka n „Barnafjölskyldur virðast ekki nógu vel settar“
Ingibjörg Dögg Kjartansdóttir
blaðamaður skrifar ingibjorg@dv.is
Óttast harðan vetur Ragnhildur
Guðmundsdóttir, formaður Mæðra-
styrksnefndar, segir að fleiri leiti til
nefndarinnar nú en áður og þar sé
búist við enn meiri fjölgun í vetur.
Fjöldi umsókna Jólaúthlutunin er veglegri en alla jafna, en áhersla er lögð á að gefa góðan mat
og nóg af honum. Þá fær fólk einnig jólagjafir. Mikið er um að barnafjölskyldur sæki um jólaúthlutun.
Leggur málefninu lið Elín Hirst hefur starfað með Mæðra-
styrksnefnd síðan hún hætti í sjónvarpinu. Þar sjá aðstandendur
nefndarinnar að þegar fólk missir vinnuna og lendir í fátæktar-
gildru reynist oft erfitt að snúa til baka og taka flugið á ný.
„Nú sjáum við fleiri
stórar fjölskyldur,
barnafjölskyldur virðast
ekki nógu vel settar.
n Lágkúrulegt og hrollvekjandi segir rithöfundur