Dagblaðið Vísir - DV - 30.07.2012, Síða 6

„Þetta er hans skoðun“
n Umdeildur málflutningur talsmanns Eimskips
Þ
að hefur enginn komið að nein­
um látnum ennþá,“ segir Ólafur
William Hand, upplýsingafull­
trúi Eimskips, um laumufar­
þega sem reynt hafa að undanförnu
að komast með skipum félagsins til
Bandaríkjanna og Kanada. Í samtali
við Vísi hvatti Ólafur nýlega til þess
að hælisleitendur sem slíkt gera væru
sviptir stöðu hælisleitanda. Þá sagði
hann að „ekkert skemmtilegt“ væri fyr­
ir skipverja að koma að frosnum líkum
í skipsstefni um miðjan vetur.
Aðspurður hvort orðalag hans hafi
ekki verið óheppilegt segir Ólafur svo
ekki vera. „Ég hef sjálfur tekið þátt
í að grafa upp 14 látnar manneskj­
ur á Flateyri eftir snjóflóð og það var
ekki skemmtileg lífsreynsla. Hvern­
ig færðu það út að þetta sé óheppi­
legt orðalag?“ Ólafur útskýrir orð sín
á þessa leið: „Þeir kjósa sjálfir að gera
þetta, en þeir sem koma að slysun­
um, þeir kjósa það ekki sjálfir.“ Um
málefni laumufarþeganna almennt
segir Ólafur: „Persónulega lít ég ekki
á þessa menn sem eru að fara ólög­
lega úr landi sem hælisleitendur. Ég
meina, af hverju eru mennirnir að
sækjast eftir hæli hér ef þeir vilja ekki
vera hérna?“
Ólafur Helgi Ólafsson er varafor­
maður Eimskips. Aðspurður hvort
honum þyki málflutningur nafna síns
ásættanlegur segir hann: „Þetta er
hans skoðun. Þetta segir hann ekki
fyrir hönd stjórnar Eimskips.“ En fyrir
hvers hönd talar talsmaður Eimskips
þá? „Hann túlkar sína skoðun þegar
hann talar um það hvaða lögum ætti
að breyta. En varðandi alvarleika þess
máls að Eimskip þurfi að verjast inn­
rásum laumufarþega þá talar hann
auðvitað í nafni fyrirtækisins,“ segir
Ólafur.
6 Fréttir 30. júlí 2012 Mánudagur
Vill koma í veg fyrir útburð:
Grét þegar
hún las
viðtalið
„Ég grét á meðan ég las í gegn­
um viðtalið,“ segir Margrét Guð­
mundsdóttir, innanhússarki­
tekt, kennari, og gamall Gaflari,
í samtali við DV. Margrét vís­
ar þarna til viðtals við Guð­
rúnu Maríu Óskarsdóttur, sem
er óvinnufær öryrki og einstæð
móðir, og stendur frammi fyrir
því að missa heimili sitt. Viðtalið
birtist í DV þann 16. júlí síðast­
liðinn en Hafnarfjarðarbær dró
hana fyrir dóm og gerði þá kröfu
að hún og sonur hennar yrðu
borin út af heimili sínu vegna
skuldar hennar við bæinn.
Margrét setti sig í samband
við DV eftir að hafa lesið við­
talið en hún hafði aldrei áður
heyrt á Guðrúnu minnst. Hún
ákvað samt að hafa samband við
hana. Margrét ákvað svo í kjölfar
samtals þeirra að hrinda af stað
söfnun til styrktar Guðrúnu.
Guðrún var, að eigin sögn mjög
hrærð eftir að hafa fengið sím­
talið frá þessari ókunnugu konu.
„Tilfinningar mínar tóku öll völd
og ég grét og grét – að til væri
fólk svo fullt af mannkærleika.“
Í tilkynningu sem Margrét
afhenti blaðamanni DV kemur
eftirfarandi fram: 
„Dokum við! Þarf ekki að
fara betur yfir þetta mál? Lesið
viðtalið! Hver er ykkar skoðun?
Getur t.d. 300.000 krónu styrk­
ur árið 2000 orðið að 1.6 milljón
króna skuld í janúar 2010? Hver
hefur rétt á að breyta styrk í lán? 
Kæru landsmenn. Komum í
veg fyrir að bæjaryfirvöld beri
einstæða móður og veikan son
hennar út af heimili sínu. Margt
smátt gerir eitt stórt!“
Að sögn Margrétar verð­
ur fljótlega opnuð fréttasíða
á Facebook með upplýsing­
um um framgang málsins. Að­
spurð hvort hún haldi að fólk
muni taka vel í söfnunina seg­
ir Margrét: „Ég trúi ekki öðru.
Ég hef trú á því að allt heiðar­
legt og hugsandi fólk finni hjá
sér löngun til að leggja söfnun­
inni lið. Hver þúsundkall skiptir
máli. Mæðginin mega ekki enda
á götunni.“
Eimskip Talsmenn Eimskips harma óþægindi af völdum laumufarþega.
Þ
etta er allt á mjög viðkvæmu
stigi,“ segir Helgi Þorsteins­
son fulltrúi hóps fjárfesta
sem lýst hefur áhuga á að
kaupa vikublaðið Frétta­
tímann. Helgi vildi ekkert segja um
hugsanlegt kaupverð. Heimildir DV
herma þó að núverandi eigendum
Fréttatímans bjóðist 65 til 70 millj­
ónir fyrir blaðið. Væntanlegir kaup­
endur Fréttatímans hafa samkvæmt
heimildum DV frest fram í miðjan
ágúst til að ganga frá fjármögnun
kauptilboðsins. DV hefur heimild­
ir fyrir því að eigendur Fréttatímans
hafi fyrst leitast eftir að selja blað­
ið fyrir síðustu áramót. Þá hafi hins
vegar verið farið fram á verð nokkuð
yfir hundrað milljónum en það verð
hafi fælt kaupendur frá.
Verð er trúnaðarmál
„Verð og annað er trúnaðarmál og ég
ítreka að þetta er á viðkvæmu stigi
hjá okkur,“ segir Helgi spurður hvort
hann telji útgáfuna allt að sjötíu millj­
óna króna virði. Aðspurður um hvað­
an peningarnir komi segist Helgi
ætla að upplýsa það, gangi fjármögn­
un eftir. „Það mun ég upplýsa seinna,
um leið og fjárfestar hafa klárað en ég
hef ekki klárað það mál.“ Sjálfur hef­
ur Helgi nokkra reynslu af fjölmiðl­
um og hefur meðal annars starfað við
auglýsingasölu hjá 365 miðlum. Þá er
Helgi framkvæmdastjóri Útgáfufélags
Tímans en varnarþing félagsins er
að Hverfisgötu 33 á skrifstofu Fram­
sóknarflokksins.
Tími fyrir framsókn
Útgáfufélag Tímans rak vefinn tim­
inn.is. Lénið er í eigu Framsóknar­
flokksins en engin starfsemi hefur
verið í félaginu um nokkuð skeið.
Þá er vefurinn ekki lengur aðgengi­
legur hjá hýsingaraðila. Fyrirtæk­
ið er í eigu Snorra Sturlusonar, lög­
manns. Snorri hefur meðal annars
starfað sem lögmaður flokksins og
meðal annars séð um samninga
vegna skuldamála. Fréttir bárust af
því í febrúar að JCDecaux, sem á og
rekur strætóskýli Reykjavíkurborgar
ætlaði að fara fram á fjárnám hjá
Fram sóknar flokknum vegna aug­
lýsingaskuldar frá árinu 2009. „Út­
gáfufélagið tengist þessu ekki,“ seg­
ir Snorri í samtali við DV en vildi
annars ekki ræða við blaðið.
Helgi segir Framsóknarflokkinn
ekki standa að kaupunum né aðil­
ar tengdir flokknum. „Ég get neitað
þessu strax. Kaupin eru ekki í tengsl­
um við Framsókn. Þeir fjárfestar sem
ég hef rætt við er ég ekki viss um hvar
standa en ég mun upplýsa um það ef
af verður,“ svarar Helgi spurningum
um tengsl við Framsóknarflokkinn.
Hann vildi að öðru leyti ekki ræða
hvaðan peningarnir kæmu.
Allir viðmælendur DV telja afar
ólíklegt að Helgi geti sjálfur safnað fé
til kaupanna og telja að bakvið hann
hljóti að vera aðilar með mikið fé.
Tjáir sig ekki
„Ég tjái mig ekki um þetta né önnur
málefni Fréttatímans,“ segir Teitur
Jónasson framkvæmdastjóri Frétta­
tímans og stærsti einstaki eigandi
Miðopnu ehf. eiganda Morgundags,
útgáfufélags Fréttatímans. Teitur fer
með um það bil þriðjung af hluta­
fé fyrirtækisins og leiðir, samkvæmt
heimildum DV, viðræður eigenda við
hóp Helga. Teitur vill hvorki neita né
staðfesta að Fréttatíminn sé í sölu­
ferli.„ Ég skil ekki einu sinni spurn­
inguna,“ sagði hann aðspurður um
ástæðu þess að útgáfan væri til sölu.
„Ég er bundinn trúnaði sem lögmað­
ur og get ekki neitað né staðfest,“ seg­
ir Steinbergur Finnbogason lögmað­
urinn sem samkvæmt heimildum
DV sér um samningagerð og vinnur
að söluferli Fréttatímans.
Kannast ekki við tilboð
Valdimar Birgisson, auglýsingastjóri
Fréttatímans og hluthafi í Miðopnu
ehf., kannast ekki við að söluferli
Fréttatímans sé á þessu stigi. Hann
segist ekkert kannast við að Helgi
Þorsteinsson sé í forsvari fjárfesta
sem hafi gert tilboð í blaðið. Þá seg­
ist hann ekki kannast við að hópur­
inn hafi frest fram í ágúst til að ganga
frá kaupunum. Valdimar á 13 pró­
senta hlut í Miðopnu. Óskar Hrafn
Þorvaldsson, fyrrverandi fréttastjóri
blaðsins, sagðist ekkert vita af mál­
inu og sagðist ekki koma að málefn­
um blaðsins lengur þótt vissulega
væri hann hluthafi. Óskar á líkt og
Valdimar 13 prósent hlut í blaðinu.
n Bjóða 65 til 70 milljónir n Hafa tvær vikur til að ganga frá fjármögnun
Gera tilboð í
Fréttatímann
„Verð og annað er
trúnaðarmál og ég
ítreka að þetta er á við-
kvæmu stigi hjá okkur.
Á viðkvæmu stigi Helgi er fulltrúi hóps fjárfesta sem hefur falast eftir Fréttatímanum.
Heimildir DV herma að núverandi eigendum Fréttatímans bjóðist 65 til 70 milljónir.
Tíminn og Framsókn Helgi Þorsteinsson, fulltrúi fjárfesta, er framkvæmdastjóri útgáfu-
félags Tímans. Félagið er með varnarþing á Hverfisgötu 33, þar sem skrifstofur Framsóknar-
flokksins eru til húsa. Snorri Sturluson lögmaður Framsóknarflokksins er eigandi félagsins.
Atli Þór Fanndal
blaðamaður skrifar atli@dv.is