Dagblaðið Vísir - DV - 30.07.2012, Blaðsíða 8

8 Fréttir 30. júlí 2012 Mánudagur
Gjaldþrotum
fækkar mikið
51 fyrirtæki var tekið til gjald-
þrotaskipta í júnímánuði. Til
samanburðar voru 112 fyrirtæki
tekin til gjaldþrotaskipta í maí.
Flest gjaldþrot í júnímánuði voru í
byggingastarfsemi og mannvirkja-
gerð sem og heild- og smásölu-
verslun. Fjallað er um málið á vef
Hagstofu Íslands og þar kem-
ur fram að gjaldþrot fyrstu sex
mánuði ársins hafi verið 572. Það
er fækkun um 32 prósent frá sama
tíma í fyrra þegar 841 fyrirtæki var
tekið til gjaldþrotaskipta.
Í tölum sem Hagstofan birti á
föstudag kemur einnig fram að í
maímánuði hafi 151 nýtt einka-
hlutafélag verið stofnað, flest í
fjármála- og vátryggingastarfsemi
og fasteignaviðskiptum. Til sam-
anburðar voru 145 ný einkahluta-
félög skráð í maí í fyrra. Fyrstu
fimm mánuði ársins var fjöldi ný-
skráninga 737, en það er fjölgun
um eitt prósent frá sama tíma í
fyrra þegar 731 fyrirtæki var ný-
skráð.
Verðbólgan
minnkar lítillega
Verðbólgan í júlí minnkaði um
0,72 prósent frá júnímánuði, sam-
kvæmt tölum Hagstofunnar sem
komu út á föstudag. Helsta ástæða
þessarar lækkunar er sú að sumar-
útsölur eru víða í gangi og lækk-
aði verð á fötum og skóm um
9,8 prósent. Þá lækkuðu flugfar-
gjöld til útlanda um 15 prósent og
verð á bensíni og díselolíu um 2,2
prósent.
Verð á mat- og drykkjarvör-
um hækkaði hinsvegar um 1,3
prósent og vó þar þyngst hækk-
un á verði mjólkurafurða og eggja.
Síðastliðna tólf mánuði hefur
verðbólgan aukist um 4,6 prósent.
Undanfarna þrjá mánuði hef-
ur hún hins vegar minnkað um
0,3 prósent sem jafngildir eins
prósenta verðhjöðnun á ári.
R
aufarhöfn, Þórshöfn, Kópa-
sker, Bakkafjörður og stóru
bæjarfélögin; Akureyri og
Húsa vík,“ segir Aðalsteinn
Baldursson, verkalýðsforingi
á Húsavík, aðspurður hvaða bæjar-
félög muni græða mest á metnaðar-
fullum áformum Kínverjans Huang
Nubo á Grímsstöðum á Fjöllum. Eins
og margoft hefur komið fram þá vill
Nubo byggja upp sannkallaða ferða-
mannaparadís á svæðinu. Ef allt fer
að óskum Nubos mun þar rísa fimm
stjörnu lúxus-hótel, hestabúgarður
og átján holu golfvöllur.
Forðast verkalýðshreyfinguna
Aðalsteinn er formaður Framsýn-
ar, stéttarfélags Þingeyinga. Þegar
og ef af þessum áformum verð-
ur munu starfsmenn Nubos til-
heyra því stéttarfélagi. Af þeim
sökum sendi Aðalsteinn Nubo
bréf fyrir ári síðan til að koma á
fundi með þeim tveimur til að
ræða áform þess síðar nefnda. Tals-
menn Nubos veittu bréfinu við-
töku og sögðust myndu hafa sam-
band. Nubo hefur hins vegar ekki
haft samband við verkalýðsfélag-
ið – í heilt ár. „Við vildum – og vilj-
um enn – fá upplýsingar um það
hversu umfangsmikið þetta verður
og eins um starfsmannamál. Þetta
svæði er náttúrulega á félagssvæði
Framsýnar. Þeir sem koma til með
að vinna á þessu svæði – verði af
þessu – verða félagsmenn okkar.“
Lögregla vinnumarkaðarins
Aðalsteinn hefur, meðal annars af
ofangreindum sökum, vissar efa-
semdir um heilindi Nubos. „Ég
verð smeykari með hverjum deg-
inum sem líður. Það eru ýmsar nýj-
ar, vafasamar upplýsingar að koma
í ljós og svo bíðum við alltaf eft-
ir svari frá þeim,“ en bætir við að
hann hafi engar áhyggjur af því
að Nubo muni brjóta á réttindum
starfsmanna sinna. Aðalsteinn seg-
ist vera lögregla vinnumarkaðarins.
„Okkar hlutverk – stéttarfélaganna
– er að koma í veg fyrir slíkt; og við
munum gera það. Það mun aldrei
nokkrum leyfast það að vera að
undirbjóða eða vera ekki með sitt
fólk á réttum kjörum. Komi hann
hingað, þá fer hann eftir reglum
eins og aðrir.“
Vítamínsprauta atvinnulífsins
Aðalsteinn er hins vegar í eng-
um vafa um að þessi uppbygging
hefði rosalega jákvæð áhrif á at-
vinnulíf svæðisins. „Fjöldinn all-
ur af fólki fengi auðvitað vinnu við
þetta,“ segir hann sem telur einnig
að kínverskum ferðamönnum
muni fjölga í kjölfarið. „Þetta hefði
gífurlega góð áhrif á ferðaþjón-
ustuna í heild sinni,“ segir hann
og bætir við að blóm ferðaþjón-
ustunnar dreifi svo fræjum sínum
í akur annarra atvinnuvega. Ef vel
færi gæti svæðið því breyst í for-
kunnarfagran lystigarð.
Baldur Eiríksson
blaðamaður skrifar baldure@dv.is
n Ár síðan stéttarfélagið Framsýn sóttist eftir fundi með Nubo
Hefur efasemdir
um heilindi Nubo
„Komi hann hingað,
þá fer hann eftir
reglum eins og aðrir
n Lára Hanna Einarsdóttir birti fyrir
helgi athyglisverðar upplýsingar um
umsvif Huang Nubos í Bandaríkjunum.
Þar á hann jörð sem stendur enn auð og
var keypt á uppsprengdu verði. Á jörðinni
er sagður standa búgarður, en það kemur
ekki heim og saman við raunveruleikann,
ef marka má vitnisburð manns sem býr
nærri jörðinni. Grunur leikur á að jörðin
sé keypt til að auðvelda aðgengi að
lánsfé. Jörðin ku vera lítið annað en rutt
skóglendi og stendur hún gjörsamlega
auð, að sögn Láru Hönnu sem birti pistil
um málið á vef Eyjunnar. Hún hafði
samband við íbúa á svæðinu og voru
samskiptin við hann athyglisverð.
n „Ég fann þennan meinta búgarð og
hringdi til Tennessee. Komst síðan í
tölvupóstsamband við matsmann fast-
eigna í Benton-sýslu, héraðinu þar sem
Huang Nubo kveðst reka ferðaþjónustu
og kallast „Lucky Star Ranch“. Það voru
mjög athyglisverð samskipti,“ skrifar
Lára Hanna um málið. Svar matsmanns-
ins hljóðar í lausri þýðingu svona:
n „Ég veit ekki neitt um Hr. Huang. En ég
þekki eignina sem
hann keypti. Ég
bý í þriggja mílna
fjarlægð frá henni.
Hún er einangruð og
er mestmegnis rutt skóglendi. Það var
fyrrum eigandi sem felldi trén. Þetta er
afskekktur kimi sýslunnar okkar og langt
frá allri þeirri þjónustu sem þyrfti til þess
að þróa svæðið frekar […] Hann hefur
ekki sagt sýslunni neitt um áform sín.
n Það er varla hægt að byggja eitt-
hvað upp á þessari eign í Benton-sýslu.
Ég hef heyrt að hann ætli að skipta
því upp í um fimmtán ekru einingar og
hafa veiðikofa á þeim, en það er bara
eitthvað sem ég heyrði. Það er ekkert
ákveðið svæðisskipulag í Benton-sýslu
og hér er ekkert áfengi á boðstól-
um svo að áform um spilavíti eða
brugghús munu ekki ganga upp. Eignin
er líka langt frá öllum þjóðvegum. Ég
vildi að ég gæti hjálpað þér en það
hefur ekkert verið opinberað um þetta.
Ef hann á einhvern búgarð þá er hann
ekki hér.“
Enginn búgarður
Lögregla vinnumarkaðarins Aðal-
steinn Baldursson mun sjá til þess að öllum
lögum og reglum verði framfylgt.
Býr til lystigarð Huang Nubo mun blómga
atvinnulíf ýmissa bæja, að sögn Aðalsteins.