Dagblaðið Vísir - DV - 30.07.2012, Blaðsíða 21

Verstu mistök lífsins
Lífsstíll 21Mánudagur 30. júlí 2012
n Hver eru verstu og afdrifaríkustu mistök sem einstaklingar gera? n DV krufði málið til mergjar og ræddi við nokkra sérfræðinga á helstu sviðum lífsins
G
agnrýnin sjálfsskoðun gefur
okkur innsýn í hver við erum,
hvaða afleiðingar hegðun okk-
ar hefur og einnig hvað það er
sem dregur úr árangrinum sem við
náum,“ segir Ingrid Kuhlman fram-
kvæmdastjóri Þekkingarmiðlunar,
sem telur veigamestu mistökin sem
við getum gert á eigin starfsferli vera
þau að gera okkur ekki grein fyrir
styrkleikum okkar. Lítil sjálfsþekking
skaðar þannig starfsferilinn.
7 mistök – Starfsframi
1 Að gera okkur ekki grein fyrir styrkleikum okkar og hvar þeir
nýtast best.
2 Að láta hendingu ráða því hvar við endum, í stað þess að setja okkur
markmið hvað varðar eigin starfsþróun
og vinna markvisst að þeim. Við verjum
of stórum hluta lífs okkar á vinnustað
til að láta tilviljun ráða því hvert við
stefnum.
3 Að sofna á verðinum og gleyma að halda áfram að þróast í starfi

og afla þekkingar. Áframhaldandi og
stöðug (endur) menntun er nauðsynleg
til að sjá okkur fyrir færni, hæfni og
nauðsynlegu sjálfstrausti til að búa okk-
ur undir framtíðina og auka samkeppn-
ishæfni okkar og þroska.
4 Að bíða eftir tækifærum í stað þess að sýna frumkvæði og
láta þarfir okkar eða langanir í ljós, til
dæmis þegar kemur að stöðuhækkun
eða tilfærslu í starfi. Sá sem bíður eftir
draumastarfinu getur þurft að bíða
lengi. Þeir fiska sem róa.
5 Að yfirgefa ekki vinnustað þar sem við getum ekki (lengur) látið ljós
okkar skína. Við þorum stundum ekki
að sleppa því sem við höfum, af ótta við
það sem við höldum að við fáum.
6 Að trúa á eigin takmörk. Takmark-anir þess sem hægt er að öðlast
eru fáar og flestar eru þær sjálfskapaðar
og afleiðingar ótta og efa um eigin
ágæti.
7 Að vera of mikið í þægindahringn-um og gera bara það sem við kunn-
um. Það er engin velgengni án áhættu.
I
ngrid hefur einnig töluvert velt
fyrir sér lífsfyllingu og þar kem-
ur sjálfsþekkingarleit aftur inn
sem mikilvæg varða í lífi fólks.
„Stærstu mistök sem við gerum hvað
það varðar að sækja okkur lífsfyllingu
er að átta okkur ekki á því hver við
erum og hvað við viljum gera. Önnur
stór mistök sem fólk virðist gera sem
það sér eftir, er að fresta ánægjuleg-
um hlutum til morgundagsins og
njóta ekki augnabliksins.
7 mistök – Lífsfylling
1 Að átta okkur ekki á því hver við erum, hvað við gerum og hvað við
viljum gera. Það er mikilvægt að komast
í tengsl við innri gildi okkar og það sem
skiptir okkur raunverulega máli í lífinu.
2 Að fresta því til morguns sem við gætum gert í dag af því að við
höldum alltaf að við höfum nægan tíma.
Margir óska þess á dánarbeði að þeir
hefðu tekið aðrar ákvarðanir um líf sitt.
3 Að njóta ekki augnabliksins og halda að við verðum hamingju-
söm þegar við verðum búin að mennta
okkur, flytja í stærra hús, léttast um
10 kíló, finna draumaprinsinn og svo
framvegis. Lífið gerist í núinu. En allt
of oft látum við núið renna okkur
úr greipum með því að hraða okkur
framhjá mikilvægum augnablikum í
dag og eyða dýrmætum tíma lífs okkar í
áhyggjur af framtíðinni eða vangaveltur
um fortíðina.
4 Að gera ekki nóg af því sem færir okkur ánægju, gleði og orku.
Það getur verið eitthvað einfalt eins
og að lesa bók, fara í heitt bað, borða
það sem okkur finnst gott, eða fara í
zumba-tíma eða góða göngu.
5 Að gera okkur ekki grein fyrir því að við sjálf sköpum og höfum
áhrif á val okkar og aðgerðir. Við sjálf
berum ábyrgð á lífi okkar, hugsunum,
tilfinningum og gjörðum.
6 Að hafa of miklar áhyggjur af því hvað öðrum finnst um okkur eða
hafa það sem markmið að þóknast
öðrum. Við þurfum að umgangast
eigin gildi og sjálf okkur með virðingu,
hafa kjark til að vera það sem við erum
og hafa í heiðri það sem við stöndum
fyrir.
7 Að gleyma að forgangsraða. Við höfum aldrei nægan tíma fyrir
allt, en við höfum alltaf tíma til að
gera það sem skiptir okkur mestu máli.
Eina leiðin til að fá tíma til að gera það
sem okkur langar til að gera er að taka
hann. Tíminn flýgur, um það höfum við
ekkert val. En við getum valið hvort við
erum farþegar eða flugmenn.
V
ið vanrækjum allt of oft okkur
sjálf og nánustu vini í amstri
dagsins. Kvíði og þunglyndi
tengjast oft sundurlyndi og
óeiningu en offita og fylgikvillar
svokallaðra lífsstílssjúkdóma slæmu
mataræði og langvarandi hreyf-
ingarleysi,“ segir Vilhjálmur Ari Ara-
son læknir. „Alltof algengar stað-
reyndir lífsgöngunnar hjá mörgum
okkar. Flestir fá þó nokkrar viðvar-
anir áður en allt verður um sein-
an. Að hætta reykingum er líka
dæmi um valkost sem við tökumst
oft of seint á við. Sem ræður síð-
an miklu hvort við lifum stutt eða
lengi eða endum sem öryrkjar fyr-
ir aldur fram. Sama er að segja um
óhóflega áfengisneyslu og alla aðra
vímuefnanotkun. Vellíðan og ham-
ingja er einfaldlega aldrei tryggð til
lengdar, án heilsusamlegs lífernis til
sálar og líkama sem er mest á okkar
eigin ábyrgð. Nokkuð sem ungt, og
framan af hraust fólk, er líka gjarnt á
að gleyma eða horfa framhjá meðan
allt leikur í lyndi.“

7 mistök – Heilsa
1 Erum ekki nógu góð hvert við ann-að, sem veldur kvíða, þunglyndi
og stressi.
2 Hreyfum okkur ekki nóg.
3 Borðum ekki nógu hollt fæði, sér-staklega ekki grænmeti og ávexti.
4 Neytum allt of mikið af hvítum sykri.
5 Borðum ekki nógu mikið af fiski (og það á sjálfu Íslandi).
6 Stöndum oft illa að slysavörnum og umferðaröryggi.
7 Nýtum ekki þá útivistarmöguleika sem landið býður upp á.
Heilsa:
Sundurlyndi og óeining er skaðlegt heilsunni
Vilhjálmur Ari Arason, heimilislæknir
Starfsferillinn:
Lítil sjálfsþekking skaðar starfsferilinn
Ingrid Kuhlman, framkvæmdastjóri Þekkingarmiðlunar
Lífsfyllingin:
Að sjá eftir lífinu á dánarbeði
Ingrid Kuhlman, framkvæmdastjóri Þekkingarmiðlunar